Գնանշման ռազմավարության սահմանում

Airbnb հավելվածը հեշտացնում է գների և ազատ ամսաթվերի կառավարումը։ Ահա թե ինչպես օգտագործել հյուրընկալման գործիքները, որոնք կօգնեն ստանալ ավելի շատ ամրագրումներ և հասնել ձեր եկամուտների նպատակներին։

Հյուրերը փնտրում են հրաշալի գին/որակ հարաբերակցություն առաջարկող Airbnb փորձառություններ։ Մրցունակ մնալու համար սովորություն դարձրեք վերանայել ձեր գները և հյուրընկալման հաճախականությունը։ 

Կարող եք ճշգրտել գնի և ազատ ամսաթվերի կարգավորումներն անմիջապես ձեր օրացույցում։ Մտապահեք այս գործոնները։

• Շաբաթվա օրը։ Փորձեք տարբեր օրերի համար սահմանել տարբեր գներ։ Օրինակ՝ կարող եք ավելի քիչ գանձել նվազ պահանջարկ ունեցող օրերին, որպեսզի մարդկանց շահագրգռեք ամրագրել։
• Օրվա ժամ։ Մտածեք, թե որ ժամերն են լավագույնս գրավելու տարբեր հյուրերի, և ավելացրեք ազատ ամսաթվեր։ Օրինակ՝ աշխատանքային օրերի երեկոները կարող են գրավել տեղացիներին, որոնք աշխատում են ցերեկային ժամերին և ցանկանում են խուսափել ավելի զբաղված հանգստյան օրեր ունենալուց։
• Խմբային զեղչեր։ Կարող եք առաջարկել զեղչված գներ մեկ անձի համար, որպեսզի գրավեք մեծ խմբերի։ Օրինակ՝ կարող եք առաջարկել 10% զեղչ 2-ից 3 հոգու, 20% զեղչ՝ 4-ից 5 հոգու, կամ 30% զեղչ՝ 6-ից ավելի անձանց համար։ 
• Ընտանիքներ։ Թույլատրեք 12 տարեկանից փոքր երեխաներին մասնակցել անվճար կամ ավելի ցածր գնով։
• Վերջին պահի ամրագրումներ։ Եթե փորձառությունը միայն մասամբ է ամրագրված, փորձեք ճշգրտել գինը, որպեսզի լրացնեք մնացած տեղերը։ 
• Խմբի չափը։ Կարող եք ճշգրտել ազատ տեղերը, որպեսզի խուսափեք բազմակի ամրագրումներից, եթե փորձառությունը առաջարկում եք մեկ այլ հարթակում։

Պիկ սեզոնները կարող են նպաստել ձեր բիզնեսի զարգացմանը։ Պլանավորեք հյուրերի ավելի մեծ պահանջարկ՝ օգտվելով գնանշման վերաբերյալ այս խորհուրդներից։

• Ավելացրեք միջոցառումներ։ Ավելի հաճախ առաջարկեք ձեր փորձառությունը, երբ եղանակը, տոները և խոշոր միջոցառումները, օրինակ՝ համերգները, փառատոները և սպորտային մրցաշարերը ավելի շատ այցելուներ են բերում ձեր տարածաշրջան։ 
• Թարմացրեք հյուրերի թիվը։ Մեծացրեք տեղերի քանակը և ճշգրտեք գինը, որպեսզի գրավեք վերջին պահին ամրագրող հյուրերի։ Այդ փոփոխությունները կարող եք կատարել «Այսօր» ներդիրում։

Պիկ սեզոնները նաև լավ հնարավորություն են՝ թարմացնելու ձեր հայտարարությունը, որպեսզի այն առանձնանա որոնման արդյունքներում։ Փոփոխեք վերնագիրը և նկարագրությունը, որպեսզի ընդգծեք տարվա եղանակը, կամ ավելացրեք նոր պատկերներ։ 

Ահա մի քանի եղանակ, որոնք կօգնեն ձեր հայտարարությանը աչքի ընկնել ավելի հանգիստ ժամանակահատվածներում։

• Ավելացրեք զեղչեր։ Նույնիսկ փոքր զեղչերը կարող են բարելավել ձեր դիրքը որոնման արդյունքներում։ Առաջարկեք ավելի ցածր գներ՝ վաղ ամրագրման և մեծ խմբերի համար նախատեսված զեղչերով։ Եթե ձեր զեղչը կազմում է ընդհանուր գնի 10%-ից ավելի, ապա զեղչված գինը որոնման արդյունքներում և ձեր հայտարարության էջում կցուցադրվի սկզբնական գնի կողքին, որը վրագծված կլինի։*
• Ընդունեք վերջին պահի ամրագրումներ։ Կրճատեք ամրագրման վերջնաժամկետները, որպեսզի հյուրերը կարողանան ամրագրել նույն օրը կամ նախորդ օրը։ Բոլոր ամրագրումների կեսը կատարվում է փորձառության մեկնարկից ոչ ավելի, քան 1 շաբաթ առաջ։** Հյուրերը, օրինակ՝ տեղացիները և ճկուն պլաններ ունեցող այցելուները, հակված են սովորականից ավելի ուշ ամրագրելու, երբ պահանջարկը ցածր է։

**Ընդհանուր գնից պետք է զեղչվի առնվազն 3 ԱՄՆ դոլար կամ դրա համարժեքը տեղական արժույթով

**Հիմնված է ամբողջ աշխարհի 30 քաղաքներում 2025 թվականի մայիսի 13-ից մինչև 2025 թվականի հուլիսի 20-ն ընկած ժամանակահատվածում փորձառությունների ամրագրումների վրա

Դուք եք միշտ վերահսկում գնանշումը և մյուս կարգավորումները։ Հնարավոր է՝ դրանք տարբերվեն մյուս հյուրընկալողների գներից և կարգավորումներից։

Այս հոդվածում պարունակվող տեղեկությունները կարող են փոխված լինել հրապարակումից հետո։