Ինչպես ապահովել բարեհաջող ընթացք
Հյուրերը գնահատում են, երբ հյուրընկալողը ձգտում է ապահովել անթերի փորձառություն։ Սա նշանակում է, որ դուք պետք է արագ արձագանքեք հարցումներին, տրամադրեք ժամանման հստակ ցուցումներ, ճշգրիտ նկարագրեք փորձառությունը, լինեք ճշտապահ և կազմակերպված։
Արագ արձագանքեք հաղորդագրություններին
Օգտագործեք Airbnb-ի հաղորդագրման գործիքները՝ փորձառությունից առաջ և հետո հյուրերի հաղորդագրություններին արագ պատասխանելու համար։
- Օգտագործեք արագ պատասխանները։ Հաղորդագրությունների այս ձևանմուշներում հավաքվում են մանրամասներ ձեր հայտարարության և հյուրերի ամրագրումների վերաբերյալ․ դրանց միջոցով կարող եք արագ պատասխանել։ Կարող եք փոփոխել դրանք և պլանավորել դրանց ուղարկումը որոշակի պահերի, օրինակ՝ ամրագրումից անմիջապես հետո։
- Կարգավորեք ծանուցումները։ Որքան շուտ տեսնեք հյուրերի հաղորդագրությունները, այնքան ավելի արագ կկարողանաք պատասխանել։ Հատկապես կարևոր է բաց չթողնել փորձառության մեկնարկից անմիջապես առաջ ստացվող հաղորդագրությունները։
«Արագ պատասխաններ տալը շատ կարևոր է»,- ասում է Ջիբը, որը խոհարարության դաս է հյուրընկալում Բանգկոկում։ «Որքան արագ կարողանաք լուծել հյուրերի խնդիրները կամ պատասխանել նրանց հարցերին, այնքան ավելի վստահություն կներշնչեք նրանց»։
Տրամադրեք ժամանման հստակ ցուցումներ
Համոզվեք, որ հյուրերը հստակ գիտեն, թե ուր պիտի գան։
- Գրեք մանրամասն ցուցումներ։ Տրամադրեք համապատասխան մանրամասներ, որպեսզի մասնակիցները կարողանան արագ գտնել փորձառության վայրը և ճանաչեն ձեզ։
- Ուղղություններն ուղարկեք նախապես։ Պլանավորեք ժամանման ցուցումներով արագ պատասխան փորձառությունից մեկ կամ երկու օր առաջ, որպեսզի հյուրերը հարցեր տալու ժամանակ ունենան։
Դանին, որը Բրուքլինում շրջայց է հյուրընկալում, ամրագրման ժամանակ ողջույնի ուղերձ է հղում հյուրերին՝ բացատրելով, թե ինչպես հասնել հանդիպման վայր մետրոյով, և թե որտեղից է սկսվում շրջագայությունը։ «Դա հյուրերին շատ ժամանակ է տալիս իրենց օրվա մնացած մասը պլանավորելու համար»,- ասում է նա։
Ճշգրտորեն նկարագրեք փորձառությունը
Հայտարարության մեջ պետք է մանրամասնորեն նկարագրված լինի, թե հյուրերն ինչ կարող են ակնկալել փորձառության ընթացքում։
- Ավելացրեք համահյուրընկալողների։ Բացեք օրացույցը և ավելացրեք համահյուրընկալողներին, որոնց հետ աշխատում եք, այն միջոցառումներին, որոնք նրանք հյուրընակալելու են։ Այդպես հյուրերը կիմանան, թե ում փնտրեն։
- Ներառեք մանրամասն տեղեկություններ։ Օգնեք հյուրերին պատրաստվել փորձառությանը՝ անհրաժեշտ ողջ տեղեկատվությունը ներկայացնելով հայտարարության նկարագրության և լուսանկարների մեջ։ Օրինակ՝ կարող եք ասել նրանց, թե ինչ վերցնեն (արշավային կոշիկներ, ջուր), կամ զգուշացնել դժվարանցանելի աստիճանների մասին՝ բեռնելով դրանց լուսանկարները։
«Ես հյուրերին տեղեկացնում եմ, որ քայլելու ենք դեպի շուկա, որտեղ նրանք լսելու են աշխույժ հնչյուններ և զգալու են հարուստ բույրեր»,- ասում է Գրասիելան, որը խոհարարության դաս է հյուրընկալում Մեխիկոյում։- «Այսպես նրանք ժամանում են փորձառությանը պատրաստված և ոգևորված»։
Եղեք կազմակերպված և ճշտապահ
Ուղեպլանին հետևելը նպաստում է ձեր փորձառության սահուն ընթացքին։
- Ժամանակ հատկացրեք՝ նախապես պլանավորելու համար։ Նախապատրաստեք փորձառության անցկացման վայրը և բոլոր պարագաները, որպեսզի ամեն ինչ ծրագրածի պես ընթանա։ Օրինակ՝ համոզվեք, որ տարածքը մաքուր է, և կան բավարար քանակությամբ աթոռներ և աշխատանքային տարածք։
- Ժամանակը խելամտորեն պլանավորեք։ Սկսեք և ավարտեք ժամանակին, ներառեք ընդմիջումներ, որպեսզի ստիպված չլինեք շտապել գործողությունները կատարելիս։
«Ես շատ ժամանակ եմ ծախսել ընթացքը պլանավորելու վրա»,- ասում է Էվրենը, որը Լոնդոնի Սոհո տարածաշրջանում երաժշտական քայլարշավ է հյուրընկալում։- «Հետո բազմիցս փորձել եմ՝ համոզվելու համար, որ ամեն ինչ կարգին է»։
Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb փորձառությունների համար սահմանված ստանդարտներին և պահանջներին։
Այս հոդվածում պարունակվող տեղեկությունները կարող են փոխված լինել հրապարակումից հետո։