Ինչ է պահանջվում Airbnb փորձառություններ հյուրընկալելու համար
Airbnb փորձառություններն իրենց քաղաքը լավագույնս իմացող տեղացիների կողմից հյուրընկալվող միջոցառումներ են։ Փորձառությունների որակը ստուգվում է, և հյուրընկալողներից, համահյուրընկալողներից ու հայտարարություններից ակնկալվում է համապատասխանություն մեր ստանդարտներին և պահանջներին։
Ահա թե ինչ ենք խնդրելու ձեզ՝ որպես հյուրընկալողի կամ համահյուրընկալողի։
Հիմնական ստանդարտներ
- Ինքնության հաստատում. հաստատեք ձեր ինքնությունը և անհրաժեշտության դեպքում անցեք կենսագրական տվյալների ստուգումներ և այլ ստուգումներ։
- Լիցենզիա և հավաստագիր. ունեցեք ձեր միջոցառմանը վերաբերող վավեր լիցենզիաներ, ապահովագրություն և հավաստագրեր։ Անհրաժեշտության դեպքում տրամադրեք հաստատող փաստաթղթեր։
- Գիտելիքներ․ անցեք հատուկ վերապատրաստում կամ ունեցեք համապատասխան փորձ, ինչը նշանակում է ձեր ոլորտում առնվազն 5 տարվա գործնական աշխատանք, մամուլի անդրադարձ կամ ընտանեկան ժառանգություն կամ սերնդեսերունդ փոխանցված գիտելիքներ։
- Միջոցառում. փորձառությունը պետք է առնչվի այն ամենին, ինչով հայտնի է քաղաքը, ինչպես նաև տեղական մշակույթին, խոհանոցին կամ մարդկանց։ Հյուրերին խրախուսեք ակտիվ մասնակցել և ծանոթանալ ձեզ և միմյանց հետ։
- Վայրը․ փորձառության համար ընտրեք անվտանգ, մաքուր, հարմարավետ և լավ կահավորված վայր։
Հյուրընկալող ընկերություններ. հաստատեք ձեր աշխատակիցների ինքնությունը և անհրաժեշտության դեպքում կատարեք նրանց կենսագրական տվյալների ստուգումներ։ Համոզվեք, որ ամրագրումներ հյուրընկալող յուրաքանչյուր անձ ունի համապատասխան ապահովագրություն, լիցենզիա, վերապատրաստում, գիտելիքներ և կրթություն։
Հայտարարության ստանդարտներ
- Վերնագիր. կենտրոնացեք գլխավոր միջոցառման վրա։ Վերնագիրը սկսեք բայով, որը ներկայացնում է, թե ինչ են հյուրերն անելու փորձառության ընթացքում, օրինակ՝ «ուսումնասիրեք», «բացահայտեք» կամ «համտեսեք»։
- Նկարագրություն․ վերնագիրը լրացրեք մանրամասներով, որոնք հյուրին կխրախուսեն ամրագրել փորձառությունը, կներկայացնեն ձեզ և անցկացման վայրի առանձնահատկությունը։
- Լուսանկարներ. ներկայացրեք առնվազն 5 բարձրորակ, գունավոր լուսանկար։ Լուսանկարները պետք է լինեն անհրաժեշտ քանակի, որպեսզի հյուրերի մոտ ձևավորվեն հստակ ակնկալիքներ։ Ձեր ուղեպլանի յուրաքանչյուր կետի համար ներառեք մեկ հստակ լուսանկար։
- Ուղեպլան․ մանրամասնորեն նկարագրեք օրակարգի կոնկրետ կետերը սկզբից մինչև վերջ, որպեսզի հյուրերը կարողանան որոշել՝ արդյոք այն հարմար է իրենց։ Ներառեք առնվազն 3 տարր և յուրաքանչյուր ուղեպլանում ընդգրկեք միայն մեկ փորձառություն։
Փորձառությունների հայտերը և հաստատված հայտարարություններում կատարված փոփոխությունները ստուգվելու են։ Եթե նմանատիպ միջոցառումներ եք հրապարակում այլ հարթակներում, խորհուրդ ենք տալիս Airbnb փորձառության ժամանակահատվածները պահել բացառապես Airbnb հյուրերի համար։
Հյուրընկալման վերաբերյալ պահանջներ
- Ամրագրումներ․ հարգեք հյուրերի ամրագրումները և խուսափեք կանխարգելելի պատճառներով չեղարկումներից։
- Հաղորդագրությունների փոխանակում. արագ արձագանքեք հյուրերի հաղորդագրություններին նախքան նրանց ամրագրման մեկնարկը։
- Անվտանգություն. ընտրեք փորձառության անցկացման անվտանգ վայր, հյուրերին պատշաճ կերպով հրահանգավորեք և տրամադրեք սարքավորումներ՝ մարմնական վնասվածքները կանխելու համար։ Ունեցեք արտակարգ իրավիճակներում գործողությունների ծրագիր։
- Գնահատականներ. աշխատեք ստանալ բարձր գնահատականներ հյուրերից։
- Հայտարարություն. հայտարարության մեջ տրամադրեք ճշգրիտ մանրամասներ, այդ թվում՝ անցկացման վայրի, մեկնարկի և ավարտի ժամերի, ինչպես նաև համահյուրընկալողների առկայության և հյուրերին ներկայացվող պահանջների մասին, օրինակ՝ համապատասխան տարիքը և անհրաժեշտ պատրաստվածության մակարդակը։
Ստուգման գործընթացը շարունակական է։ Airbnb-ն ուսումնասիրում է հյուրերի կարծիքները, հյուրընկալողի կողմից չեղարկումները և հաճախորդների սպասարկման ծառայությանը ներկայացվող հաղորդումները փորձառությունների անվտանգության և որակի վերաբերյալ։ Եթե առկա է անհամապատասխանություն մեր ստանդարտներին և պահանջներին, կարող ենք նախազգուշացումներ տալ և կասեցնել կամ հեռացնել հայտարարությունները կամ հյուրընկալողների հաշիվները։
Բացի վերը նշվածից՝ դուք նաև պետք է հետևեք Airbnb-ի Ծառայությունների մատուցման պայմաններին և պահպանեք Հիմնական կանոնները հյուրընկալողների համար և Հյուրընկալման անվտանգության կանոնները։
Ամբողջությամբ ծանոթացեք Airbnb փորձառությունների ստանդարտներին և պահանջներին։
Այս հոդվածում պարունակվող տեղեկությունները կարող են փոխված լինել հրապարակումից հետո։