Ինչպես օգտվել Airbnb-ի գնանշման գործիքներից

Airbnb-ի գործիքները հեշտացնում են գների ճշգրտումը և օգնում մնալ մրցունակ։ Դրանք կգտնեք ձեր օրացույցում։

Գնանշման գործիքները և ազատ ամսաթվերի կարգավորումները հաճախ փոխկապակցված են։ Օրինակ, եթե ուզում եք առաջարկել ամսական զեղչեր, ապա պետք է թույլատրեք երկարաժամկետ այցեր։

Գնի պարբերական վերանայումն ու ճշգրտումը կօգնեն մնալ մրցունակ և հասնել ձեր եկամուտների նպատակներին։ Յուրաքանչյուր գինը փոփոխելիս հաշվի առեք Airbnb-ի գնանշման խորհուրդները։

• Հիմնական գին։ Սա ձեր օրացույցի բոլոր գիշերների կանխադրված գինն է։ Այն կարող եք թարմացնել գների կարգավորումներում։ Ձեր տարածաշրջանի քարտեզի վրա ամրագրված և չամրագրված տների միջին գները ստուգելու համար կարող եք համեմատել նմանատիպ տարածքները։
• Հանգստյան օրերի գին։ Գների կարգավորումներում կարող եք ուրբաթ և շաբաթ գիշերների համար հավելավճար ավելացնել ձեր հիմնական գնին։ Գինն ըստ գիշերվա փոփոխելը կօգնի առավելագույնի հասցնել ամրագրումները։
• Հատուկ գին։ Գինը փոփոխելու համար օրացույցում ընտրեք ցանկացած գիշեր կամ գիշերների շարք։ Հպեք ձեր օրացույցի վերևում գտնվող կախարդական փայտիկին, որպեսզի ցուցադրվեն կամ թաքցվեն մեկ գիշերվա գնանշման խորհուրդները, որոնք կարող են հայտնվել յուրաքանչյուր գիշերվա համար սահմանված հատուկ գնի տակ։

Միացրեք Խելացի գնանշումը ձեր գների կարգավորումներում՝ գինն ավտոմատ ճշգրտելու համար։ Այս գործիքը մեկ գիշերվա գինը սահմանելու համար հաշվի է առնում մի շարք գործոններ, օրինակ՝ գտնվելու վայրը, հարմարությունները, նախորդ ամրագրումները և ձեր տարածաշրջանում գործող վերջին գները։ Դուք եք մուտքագրում գնային միջակայքը և կարող եք այն միացնել կամ անջատել կոնկրետ ամսաթվերի համար։ Եթե օգտագործում եք Խելացի գնանշում, ապա չեք տեսնի մեկ գիշերվա գնանշման խորհուրդները կամ նմանատիպ հայտարարություններ։

Ակցիաներն ու զեղչերը կարող են բարելավել հայտարարության դիրքը որոնման արդյունքներում և գրավել հյուրերի։ Գնի կարգավորումներում առկա է 4 զեղչ։

• Շաբաթական։ Զեղչ առաջարկեք առնվազն 7 գիշեր տևողությամբ այցերի համար, ինչի շնորհիվ ավելի արագ կլրացնեք օրացույցը և կկրճատեք այցերի միջև ընկած ժամանակահատվածները։
• Ամսական։ Զեղչ առաջարկեք առնվազն 28 գիշեր տևողությամբ այցերի համար, որպեսզի երկարաձգեք ձեր տարածքներում այցերի միջին տևողությունը և կրճատեք այցերի միջև ընկած ժամանակահատվածները։
• Վաղ ամրագրման։ Իջեցրեք գինը 1-ից մինչև 24 ամիս առաջ կատարված ամրագրումների համար, որպեսզի գրավեք նախօրոք պլանավորող հյուրերի։
• Վերջին պահի։ Օրացույցի ազատ օրերը զբաղեցնելու համար ժամանումից 1-ից մինչև 28 օր առաջ կատարված ամրագրումների համար իջեցրեք գինը։

Կարող եք զեղչեր կիրառել կոնկրետ ամսաթվերի համար։ Օրացույցում ընտրեք ամսաթվեր, որպեսզի բացեք անհատականացված կարգավորումները և զեղչ ավելացնեք այդ ամսաթվերին։

Շաբաթական և ամսական 10% կամ ավելի մեծ զեղչերի դեպքում հյուրերը որոնման արդյունքներում և ձեր հայտարարության էջում կտեսնեն հատուկ նշան։ Զեղչված գինը հայտնվում է սկզբնականի կողքին, որը վրագծված է։

Կարճաժամկետ այցերի համար հատուկ առաջարկներ սահմանելը ևս մեկ միջոց է, որով կկարողանաք ստանալ ավելի շատ ամրագրումներ՝ առանց հիմնական գինը փոխելու։ Նայած, թե ինչ պայմաններ եք բավարարում, կտեսնեք մինչև 2 տեսակի հատուկ առաջարկ։

• Հատուկ առաջարկ նոր հայտարարության համար։ Առաջարկեք 20% զեղչ ձեր առաջին 3 ամրագրման համար, ինչը կօգնի ունենալ ձեր առաջին հյուրերն ու կարծիքները։
• Անհատականացված հատուկ առաջարկ։ Ընտրեք ամսաթվեր և զեղչը, որն ուզում եք առաջարկել։ Գործում են որոշ պահանջներ։

Հյուրերը որոնման արդյունքներում և ձեր հայտարարության էջում կտեսնեն հատուկ նշան, երբ առաջարկեք հատուկ առաջարկ նոր հայտարարության համար կամ անհատականացված հատուկ առաջարկ՝ 15% կամ ավելի մեծ զեղչ։

Կարող եք ձեր գնին ավելացնել 3 վճար։ Նկատի ունեցեք, որ վճարները բարձրացնում են ընդհանուր գինը և կարող են հյուրերին հետ պահել ամրագրումից, ինչը կարող է նվազեցնել ձեր եկամուտը։

• Մաքրման վճար։ Կարող եք ավելացնել ստանդարտ վճար և կարճաժամկետ այցի վճար 1-2 գիշերվա համար։
• Տնային կենդանու վճար։ Այս վճարը գանձվում է յուրաքանչյուր տնային կենդանու, մեկ գիշերվա կամ յուրաքանչյուր այցի համար։ Համաձայն Airbnb-ի՝ Հասանելիության վերաբերյալ քաղաքականության՝ չի թույլատրվում վճար գանձել ուղեկցող կենդանու համար։
• Վճար լրացուցիչ հյուրի համար։ Դուք կարող եք մեկ գիշերվա վճար ավելացնել ձեր սահմանած թիվը գերազանցող յուրաքանչյուր հյուրի համար։ Օրինակ՝ կարող եք թույլ տալ, որ 6 հյուր մնա ձեր մեկ գիշերվա գնով, բայց հյուրերի առավելագույն թիվը գերազանցող յուրաքանչյուր լրացուցիչ հյուրի համար գանձեք հավելյալ 10 ԱՄՆ դոլար։

Գինը սահմանելիս անպայման հաշվի առեք ցանցից դուրս վճարները, օրինակ՝ կոմունալ ծառայությունների և հանգստավայրի վճարները, քանի որ դրանք կարող են ազդել ընդհանուր գնի վրա։

Դուք եք միշտ վերահսկում գնանշումը և մյուս կարգավորումները։ Հնարավոր է՝ դրանք տարբերվեն մյուս հյուրընկալողների գներից և կարգավորումներից։

Այս հոդվածում պարունակվող տեղեկությունները կարող են փոխված լինել հրապարակումից հետո։