Անցեք առաջ՝ առաջարկվող արդյունքներին ծանոթանալու համար

    Airbnb-ի միջոցով հյուրընկալելու հիմունքները

    Ունե՞ք տարածք, որը կարող եք տրամադրել ուրիշներին։ Դարձեք Airbnb հյուրընկալող և գումար վաստակեք։ Ահա թե ինչպես սկսել։
    Հեղինակ՝ Airbnb, ամսաթիվ՝ 20 նոյ, 2019 թ.
    2 րոպե ընթերցում
    Թարմացվել է՝ 2 սեպ, 2021 թ.

    Առանձնահատկություններ

    • Airbnb-ի միջոցով հյուրընկալելը բազմաթիվ պատճառներ կարող է ունենալ, օրինակ՝ լրացուցիչ գումար վաստակելու կամ կենսաթոշակի անցնելու դեպքում խնայողություններ ունենալու համար

    • Սահմանեք ձեր գինը, հյուրընկալման գիշերները և վճարման եղանակը

    • Ստեղծեք ազնիվ հայտարարություն և ապահովեք մաքուր տարածք ու հիմնական հարմարություններ

    • Հյուրերի հետ շփվեք արագ և հստակորեն

    Որոշ հյուրընկալողներ Airbnb-ից ստացված եկամուտն օգտագործում են իրենց կենսաթոշակային տարիքի ապրուստը հոգալու նպատակով։ Ուրիշներն այն օգտագործում են իրենց սիրելի նախագծերը ֆինանսավորելու համար։ «Ես կարողացել եմ երեք տարի մանածագործություն սովորել Morley Art College-ում»,- ասում է Լոնդոնում հյուրընկալող Թեսսան։ «Կարողացել եմ ճանապարհորդել և հյուրընկալման շնորհիվ վճարել նոր խոհանոցի համար»։ Անկախ ձեր ֆինանսական նպատակներից՝ Airbnb-ում հյուրընկալելը կարող է հիանալի միջոց լինել որոշակի լրացուցիչ եկամուտ վաստակելու համար։ Իմացեք, թե ինչպես սկսել՝ հայտարարություն ստեղծելուց մինչև վճարվելը։

    Դուք կարող եք դառնալ հյուրընկալող

    Այսպիսով, ի՞նչ է պետք Airbnb հյուրընկալող դառնալու համար։ Նախ՝ դուք պետք է ունենաք ճանապարհորդներին տրամադրելու ազատ տարածք։ Լինի դա մի ամբողջ տուն, ազատ սենյակ թե հարմարավետ թախտ՝ ամենայն հավանականությամբ կգտնվի մի հյուր, որին հարմար կլինի ձեր տարածքը։ Կարևորն այնպիսի Airbnb հայտարարություն ստեղծելն է, որը ճանապարհորդներին անկեղծորեն և ճշգրտորեն ցույց կտա, թե ինչ ակնկալել։ Եվ դուք պետք է պատրաստ լինեք ձեր հյուրերին ջերմ հյուրընկալություն ապահովելու, ինչը, ընդհանուր առմամբ, նշանակում է՝

    1. Շփվեք առանց ուշացումների և հստակորեն
    2. Ապահովեք հիմնական հարմարություններ ունեցող մաքուր տարածք, ինչն անհրաժեշտ է հարմարավետ այցի համար
    3. Ավելացրեք ցանկացած լրացուցիչ մանրուք, որը, ըստ ձեզ, առանձնահատուկ կդարձնի տարածքը

    Գանձվող գումարն ինքներդ եք որոշում

    Հյուրընկալելով Airbnb-ի միջոցով՝ կարող եք ձեր տունը ճանապարհորդներին առաջարկել առանց հատուկ պայմանների՝ գրանցման վճարների կամ անդամավճարների։ Մեկ գիշերվա գինն ինքներդ եք որոշում։ Կարող եք սահմանել հատուկ գներ սեզոնների, հանգստյան օրերի և ցանկացած այլ գիշերների համար, երբ ցանկանում եք վերահսկել ձեր կողմից գանձվող գումարը։ Նաև կարող եք նախապես ավելացնել վճարներ, օրինակ՝ լրացուցիչ հյուրերի կամ տան մաքրման* համար։ Եթե գին սահմանելու հարցում օգնության կարիք ունեք, Airbnb-ն ունի գործիքներ, որոնք ձեր գները համապատասխանեցնում են պահանջարկին և առաջարկում մրցունակ գին յուրաքանչյուր գիշերվա համար։

    Սկսեք ամրագրումներ ստանալ

    Airbnb-ում ձեր տարածքն առաջարկելուց հետո կսկսեք հարցումներ և ամրագրումներ ստանալ հյուրերից։ Airbnb-ն յուրաքանչյուր հյուրից նախապես է գանձում գումարը, որպեսզի հյուրընկալելիս միշտ ժամանակին վճարվեք։ Երբեք ստիպված չեք լինի ուղղակիորեն գործ ունենալ փողի հետ։

    Վճարումը ստացեք ժամանումից հետո

    Դուք կարող եք նաև ընտրել, թե ինչպես ստանաք վճարումը՝ օգտագործելով այնպիսի եղանակներ, ինչպիսիք են բանկային փոխանցումը կամ PayPal-ը։ Սովորաբար, Airbnb-ն վճարումը փոխանցում է ձեր հյուրի նախատեսված ժամանումից մոտ 24 ժամ անց։ Միջոցները կարող են ձեր հաշվին մուտքագրվել մի քանի օրից։ Վերջնավճարը մեկ գիշերվա գինն է՝ հանած սպասարկման փոքր վճար։ Airbnb-ն վարկային քարտերի մշակման համար որևէ վճար չի գանձում, ինչը հյուրերի համար նույնքան հեշտ է դարձնում ամրագրելը, որքան հյուրընկալողների համար՝ վճարվելը։

    *Բացի այն հյուրընկալողներից, որոնք տարածքներ են առաջարկում մայրցամաքային Չինաստանում։ Իմանալ ավելին Այս հոդվածում պարունակվող տեղեկությունները կարող են փոխված լինել հրապարակումից հետո։

    Առանձնահատկություններ

    • Airbnb-ի միջոցով հյուրընկալելը բազմաթիվ պատճառներ կարող է ունենալ, օրինակ՝ լրացուցիչ գումար վաստակելու կամ կենսաթոշակի անցնելու դեպքում խնայողություններ ունենալու համար

    • Սահմանեք ձեր գինը, հյուրընկալման գիշերները և վճարման եղանակը

    • Ստեղծեք ազնիվ հայտարարություն և ապահովեք մաքուր տարածք ու հիմնական հարմարություններ

    • Հյուրերի հետ շփվեք արագ և հստակորեն

    Airbnb
    20 նոյ, 2019 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ