Airbnb-ի միջոցով հյուրընկալելու հիմունքները

Մարդիկ սկսում են Airbnb-ի միջոցով հյուրընկալել բազմաթիվ դրդապատճառներով, օրինակ՝ գումար վաստակելու և աշխարհի տարբեր մասերից եկած մարդկանց հետ ծանոթանալու։

«Ես կարողացել եմ երեք տարի մանածագործություն սովորել Morley College-ում»,- ասում է Լոնդոնում հյուրընկալող Թեսսան։ «Կարողացել եմ ճանապարհորդել և հյուրընկալման շնորհիվ վճարել նոր խոհանոցի համար»։

Ինչ նպատակներ էլ ունենաք, Airbnb-ի միջոցով հյուրընկալելը կարող է օգնել ձեզ հասնել դրանց։ Ահա թե ինչպես սկսել։

Կարող եք հյուրընկալել նաև ձեր ազատ տարածքներից ցանկացածում՝ լինի դա մի ամբողջ տուն, ազատ սենյակ, թե հարմարավետ թախտ։ Կարևորը՝ ստեղծել այնպիսի հայտարարություն, որը ճշգրտորեն թույլ կտա հյուրերին իմանալ, թե ինչ ակնկալել։

Դուք նաև պետք է ձեր հյուրերին ջերմ հյուրընկալություն ապահովեք։ Ընդհանուր առմամբ, դա նշանակում է՝

• Շփվել առանց ուշացումների և հստակորեն
• Տրամադրել անվտանգ և մաքուր տարածք
• Առաջարկել հիմնական հարմարություններ, որոնք անհրաժեշտ են հարմարավետ այցի համար
• Ավելացնել լրացուցիչ մանրուքներ՝ ձեր տարածքն առանձնահատուկ դարձնելու համար

Ձեր հայտարարության էջի միջոցով կարող եք գրավել հյուրերին՝ ամրագրելու ձեր տարածքը։ Ձեր հայտարարությունը ստեղծելիս ներկայացրեք տարածքի յուրահատկությունները և հստակ ակնկալիքներ սահմանեք հյուրերի համար։

Սկսելու համար անհրաժեշտ է առնվազն հինգ լուսանկար։ Խորհուրդ ենք տալիս յուրաքանչյուր սենյակի՝ տարբեր դիտանկյուններից արված լուսանկարներ ավելացնել, որպեսզի հյուրերը կարողանան վիրտուալ շրջայց կատարել ձեր տարածքում։ Հավելյալ ուշադրություն դարձրեք ձեր ավելացրած առաջին լուսանկարին, քանի որ այն երևում է հյուրերի որոնման արդյունքներում։

Հայտարարության վերնագրում և նկարագրությունում փորձեք ներկայացնել, թե ինչ պետք է իմանան հյուրերը ձեր տարածքի մասին։ Օրինակ՝ ծովափնյա հարմարավետ տարածք ունեցող հյուրընկալողը կարող է իր հայտարարության վերնագիրը գրել այսպես՝ «Լողափնյա հանգստի հարմարավետ վայր»։ Անպայման նշեք ձեր առաջարկած բոլոր հարմարությունները, ինչպես նաև այլ օգտակար մանրամասներ, օրինակ՝ արդյոք ձեր տարածքում կան աստիճաններ կամ առանց աստիճանների մուտք։

Վերջապես, մտածեք, թե քանի մարդ հարմարավետ կտեղավորվի ձեր տարածքում՝ հաշվի առնելով ազատ սենյակների և մահճակալների թիվը։ Համապատասխանաբար սահմանեք ձեր հյուրերի առավելագույն թիվը։

Մեկ գիշերվա գինը սահմանում եք բացառապես դուք։ Կարող եք սահմանել հատուկ գներ հանգստյան օրերի, երկարաժամկետ այցերի և սեզոնայնության համար, ինչպես նաև՝ ձեր տարածքի համար կիրառելի այլ պարամետրերով։

Երբ որոշում եք, թե որքան գանձել, խորհուրդ ենք տալիս հաշվի առնել, թե այլ հյուրընկալողներ որքան են գանձում ձեր տարածաշրջանում նմանատիպ տարածքների համար։ Նկատի ունեցեք, որ հյուրերը, բացի մեկ գիշերվա գնից, վճարելու են նաև վճարներ և հարկեր։

Հաջորդ ամսվանից սկսած՝ հյուրերը հնարավորություն կունենան Airbnb-ի որոնման արդյունքներում նախապես տեսնելու վճարման ենթակա ընդհանուր գինը՝ ներառյալ բոլոր վճարները նախքան հարկումը։ Այն երկրներում և տարածաշրջաններում, որտեղ տեղական օրենսդրությունն արդեն իսկ պահանջում է ընդհանուր գների նախապես ցուցադրում, ձեր մեկ գիշերվա գնի, վճարների և հարկերի հանրագումարը կցուցադրվի նախապես։

Կարող եք նաև փորձել մեր Խելացի գնանշման գործիքը, որը տեղական պահանջարկի հիման վրա ավտոմատ թարմացնում է մեկ գիշերվա գինը։

Airbnb-ն յուրաքանչյուր հյուրից գանձում է կատարում նախքան նրա ժամանումը, այնպես որ դուք երբեք ստիպված չեք լինի ուղղակիորեն գործ ունենալ գումարի հետ կամ անհանգստանալ չվճարվելու համար։ Հյուրընկալողների մեծ մասը վճարում է սպասարկման հաստատագրված վճար՝ ամրագրման հանրագումարի 3%-ի չափով։

Հյուրընկալման միջոցով վաստակած գումարը ձեզ կուղարկենք յուրաքանչյուր հյուրի պլանավորված ժամանումից մոտ 24 ժամ անց։ Թե երբ միջոցները կհասնեն ձեր հաշվին, կախված է ձեր ընտրած վերջնավճարի եղանակից։

Կախված ձեր գտնվելու վայրից՝ վերջնավճարի եղանակները կարող են տարբեր լինել, օրինակ՝ բանկային փոխանցումներ, PayPal, Western Union, Արագ վճարում և այլն։ Կարող եք վերջնավճարի եղանակը կարգավորել հիմա և ցանկացած պահի փոխել այն։