Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Ինչպես հյուրընկալել ձեր պայմաններով

Հյուրընկալեք ձեր տարածքում՝ ճշգրտելով կարգավորումներն ու տան կանոնները։
Հեղինակ՝ Airbnb, ամսաթիվ՝ 10 նոյ, 2020 թ.
4 րոպե ընթերցում
Թարմացվել է՝ 16 նոյ, 2022 թ.

Առանձնահատկություններ

  • Ձեր հայտարարությունը թույլ է տալիս սահմանել, թե քանի հյուր եք հյուրընկալում, և որ հարմարություններից կարող են օգտվել

  • Տան կանոններն օգնում են սահմանել ակնկալիքներ և հյուրերին ցույց տալ ձեր հյուրընկալման ոճը

  • Ամրագրման կարգավորումները թելադրում են, թե հյուրերը երբ կարող են ամրագրել ձեր տարածքը

Ձեր տարածքում անծանոթ մարդկանց ողջունելը կարող է նորություն լինել ձեզ համար։ Հյուրընկալումն ավելի հարմարավետ դարձնելու համար Airbnb-ն ունի կարգավորումներ և գործառույթներ, որոնք թույլ են տալիս վերահսկել, թե ինչպես և երբ հյուրընկալել։

Ըստ ձեր կարիքների, ազատ ամսաթվերի և նախասիրությունների՝ ամրագրման կարգավորումներում կարող եք սահմանել ձեր տանն առկա տարածքների հասանելիությունից մինչև հյուրերի առավելագույն թիվը։

Եթե վստահ չեք, թե ինչպես ընտրել ամրագրման կարգավորումները կամ ստեղծել տան կանոններ, մի անհանգստացեք։ Մենք ձեզ կառաջնորդենք տարբեր եղանակներով և կներկայացնենք մի քանի օրինակ, թե ինչպես կարող եք հյուրընկալել ձեր իսկ պայմաններով։

Ստեղծեք հստակ, մանրամասն հայտարարություն

Ձեր հայտարարությունը հյուրերին ծանոթացնում է ձեր տարածքի հետ՝ օգնելով նախքան ամրագրում կատարելը ավելի լավ հասկանալ ձեր կենցաղային պայմաններն ու գները։ Ձեր հայտարարությունը ստեղծելիս մտածեք՝

  • Ինչպիսի մեկ գիշերվա գին և վճարներ եք գանձելու. Airbnb-ի միջոցով հյուրընկալելիս դուք եք սահմանում մեկ գիշերվա գինը, որը վճարում են հյուրերը։ Ձեր գները կարող են ճշգրտվել ցանկացած պահի՝ նախքան ամրագրումն ընդունելը և կարող են փոխվել՝ կախված օրվանից և սեզոնից։ Կարող եք նաև լրացուցիչ վճարներ ներառել մաքրման, լրացուցիչ հյուրերի համար և այլն։ Մեր գնանշման խորհուրդները կարող են օգնել ձեզ սահմանել մրցունակ գին։
  • Քանի հյուր է տեղավորվում ձեր տարածքում։ Հայտարարության մեջ նշեք հյուրերի առավելագույն քանակը, որ ուզում եք հյուրընկալել ամեն այցի ժամանակ։ Հյուրերը կարող են ամրագրել ձեր տարածքը միայն այն դեպքում, եթե նրանց խմբի անդամների ընդհանուր թիվը նույնն է կամ ավելի պակաս, քան ամրագրման չափանիշներում նշվածը։
  • Որ հարմարություններն են հասանելի հյուրերին։ Եթե ունեք մանղալ կամ լվացքի մեքենա ու չորանոց, դա չի նշանակում, որ պետք է դրանք հասանելի դարձնեք հյուրերին։ Կարող եք նշել այն հարմարությունները, որոնցից հյուրերը կարող են օգտվել, այն հարմարությունները, որոնցից նրանք չեն կարող օգտվել, և ցանկացած սահմանափակումներ, եթե կան այդպիսիք։ Օրինակ՝ Ռոդ Այլենդ նահանգի Նյուպորտ քաղաքում հյուրընկալող Բրայանն իր հայտարարության նկարագրության մեջ գրում է. «Հյուրերը կարող են ըստ պահանջի օգտագործել իմ լվացքի մեքենան և չորանոցը»։

Սահմանեք տան կանոններ

Տան կանոններն օգնում են հստակորեն ներկայացնել ձեր հյուրընկալման ոճը և սահմանել հյուրերի ակնկալիքները։ Դրանք օգնում են նաև հյուրերին նախապես որոշել, թե արդյոք ձեր տարածքը հարմար է իրենց։

Ձեր տան կանոններն այժմ ավելի ակնառու են ներկայացված չորս տեղում՝ հայտարարության էջում, հյուրերի կողմից տարածքն ամրագրելիս, «Հավաքեք ձեր ճամպրուկները» էլեկտրոնային նամակում և ժամանման ուղեցույցում, որը հյուրերը ստանում են ուղևորությունից առաջ։ Հիմնական կանոնների միջոցով հնարավոր է պարտադրել ցանկացած բան, որը ներառում եք ձեր տան ստանդարտ կանոններում։

Դուք կարող եք ընտրել ձեր տան ստանդարտ կանոնները հետևյալ ոլորտներում ֆիքսված տարբերակներից՝

  • տնային կենդանիներ
  • միջոցառումներ
  • ծխել սովորական և էլեկտրոնային ծխախոտ
  • հանգստի ժամեր
  • ժամանման և մեկնման ժամեր
  • հյուրերի առավելագույն քանակ
  • կոմերցիոն նպատակներով լուսանկարահանում և տեսանկարահանում

Ինչպես միշտ, կարող եք տան ստանդարտ կանոններին ավելացնել գրավոր լրացուցիչ կանոններ։ Լրացուցիչ կանոններում պետք է նշված լինեն այն ամենը, ինչ հասանելի չէ հյուրերին, օրինակ՝ առանձին պատշգամբ կամ անձնական պահարան։ Կարող եք նաև ներառել տեղական և տարածաշրջանային սովորույթների հետ կապված կանոններ (օրինակ՝ լուռ մնալ սիեստայի ընթացքում) և պահանջներ, որոնք ներառված չեն տան ստանդարտ կանոններում (օրինակ՝ տանը կոշիկով ման չգալ)։

Եթե կարծում եք, որ հյուրը խախտում է ձեր կանոնները՝ ընտրածները կամ ձեր իսկ գրածները, դիմեք համայնքի աջակցման թիմին։ Մենք կօգնենք ձեզ, եթե անհրաժեշտ լինի չեղարկել ամրագրումը։

Նշում. տան բոլոր կանոնները պետք է համապատասխանեն Airbnb-ի կանոններին և պայմաններին, այդ թվում՝ Ծառայությունների մատուցման պայմաններին և Խտրականության դեմ քաղաքականությանը։

Ինչպես խմբագրել տան կանոնները

Ընտրեք ամրագրման կարգավորումներ

Օգտագործեք ձեր օրացույցի և ամրագրման կարգավորումները՝ սահմանելու ձեր հասանելիությունը և որոշելու, թե ինչ ամրագրումներ եք ուզում ստանալ։ Ամրագրման կարգավորումները սահմանելիս հաշվի առեք՝

  • Ձեր ազատ ամսաթվերը։ Դուք եք որոշում, թե երբ եք ուզում ձեր տարածքը հասանելի դարձնել հյուրերի համար։ Եթե դուք գտնվում եք քաղաքից դուրս, հյուրընկալում եք ընկերների կամ ընտանիքի անդամների կամ չեք կարող հյուրընկալել մի որոշ ժամանակահատված, կարող եք արգելափակել ձեր օրացույցը որոշակի ամսաթվերի համար։ Եթե նախընտրում եք ավելի շատ ժամանակ ունենալ մաքրման կամ հյուրերի միջև ընդմիջում անելու համար, կարող եք նաև յուրաքանչյուր ամրագրումից առաջ սահմանել նախապատրաստման ստանդարտ ժամանակ՝ յուրաքանչյուր այցից առաջ ընդմիջում ունենալու համար։
  • Ինչպես կարող են ամրագրել հյուրերը։ Որպես հյուրընկալող՝ կարող եք ընտրել, թե հյուրերն ինչպես ամրագրեն ձեր տարածքը՝ակնթարթային ամրագրմա՞մբ, թե՞ ամրագրման հայտ ուղարկելով։ Ակնթարթային ամրագրումը թույլ է տալիս մարդկանց, որոնք համապատասխանում են հյուրերի նկատմամբ պահանջներին և համաձայնում են տան կանոններին, ակնթարթորեն ամրագրել ձեր տարածքը ազատ ամսաթվերին։ Ամրագրման հայտերի դեպքում կարող եք առանձին-առանձին ուսումնասիրել և ընդունել յուրաքանչյուր հայտ։
  • Որքան ժամանակ եք ուզում, որ հյուրերը մնան։ Կարող եք ընտրել ձեր տարածքում մնալու նվազագույն և առավելագույն տևողությունները՝ տեղական օրենքներին համապատասխան։ Որոշ հյուրընկալողներ ճշգրտում են իրենց պահանջները՝ ելնելով սեզոնային պահանջարկից, սահմանելով երկու գիշեր կամ նույնիսկ մեկ շաբաթ նվազագույն ժամկետ պիկ ժամանակահատվածում։
  • Նախնական ծանուցում։ Չգիտե՞ք, թե երբ կկարողանաք հյուրընկալել ապագայում։ Խնդիր չկա։ Կարգավորումներում սահմանեք, թե որքան վաղ եք ուզում ընդունել ամրագրումները։ Այդպես հյուրերը չեն կարողանա ամրագրում կատարել ձեզ ոչ հարմար ամսաթվերին։ Կարող եք նաև սահմանել ծանուցման այն ժամկետը, որն անհրաժեշտ է նախքան հյուրերի ժամանումը, օրինակ՝ օգտվել ձեր կարգավորումներից՝ նույն օրվա կամ հաջորդ օրվա ամրագրումներից խուսափելու համար, եթե նախընտրում եք ավելի վաղ ծանուցում ստանալ հյուրի ժամանումից առաջ։
  • Հյուրերի ժամանման և մեկնման ժամերը. ուշ մեկնումները և վաղ ժամանումները կարող են խանգարել այլ ամրագրումների, հատկապես՝ մեկը մյուսին հաջորդող ամրագրումների դեպքում։ Կարող եք օգտագործել ձեր կարգավորումները, որպեսզի սահմանեք հյուրերի ժամանման և մեկնման ժամեր, և խմբագրեք ձեր հայտարարությունը՝ նկարագրելու, թե ինչու է կարևոր հյուրերի համար պահպանել այդ ժամերը (օրինակ՝ «Հավաքարարը կժամանի ժամը 11-ին»)։

Հիշեք, որ ցանկացած պահի կարող եք ճշգրտել ձեր ամրագրման կարգավորումները։ Նաև օգտակար կլինի պարբերաբար վերանայել ձեր ամրագրման կարգավորումները՝ համոզվելու, որ դրանք համապատասխանում են ձեր ներկայիս հասանելիությանը և հյուրընկալման նախասիրություններին։

Հյուրընկալեք առանց երկմտելու

Հյուրընկալողները գնահատում են հյուրերին, որոնք իրենց տարածքին վերաբերվում են այնպես, ինչպես իրենց սեփականին։ Airbnb-ն մի շարք կանոններ և պաշտպանություններ է ներմուծել՝ օգնելու ձեզ գրավել հյուրերի, որոնք կհամապատասխանեն ձեր տարածքին։

Բացի այս պաշտպանություններից՝ հայտարարության հստակ նկարագրությունները, տան մանրամասն կանոնները և ամրագրման արդիական կարգավորումները կարող են ապահովել ձեր տարածքի նկատմամբ հարգանքը՝ ապահովելով ավելի մեծ վստահություն և օգնելով ավելի լավ պայմաններ ստեղծել ձեր հյուրերի համար։

Այս հոդվածում պարունակվող տեղեկությունները կարող են փոխված լինել հրապարակումից հետո։

Առանձնահատկություններ

  • Ձեր հայտարարությունը թույլ է տալիս սահմանել, թե քանի հյուր եք հյուրընկալում, և որ հարմարություններից կարող են օգտվել

  • Տան կանոններն օգնում են սահմանել ակնկալիքներ և հյուրերին ցույց տալ ձեր հյուրընկալման ոճը

  • Ամրագրման կարգավորումները թելադրում են, թե հյուրերը երբ կարող են ամրագրել ձեր տարածքը

Airbnb
10 նոյ, 2020 թ.
Հոդվածն օգտակա՞ր էր։