Թարմացրեք ազատ ամսաթվերի կարգավորումները

Airbnb-ի ազատ ամսաթվերի կարգավորումները հեշտացնում են վերահսկումը, թե երբ և ինչպես հյուրերն ամրագրեն ձեր տարածքը։ Դրանք կգտնեք ձեր օրացույցում։

Ազատ ամսաթվերի կարգավորումները և գնանշման գործիքները հաճախ փոխկապակցված են։ Եթե ցանկանում եք օգտագործել որոշակի գործիքներ, օրինակ՝ առաջարկել ամսական զեղչեր, գուցե հարկ լինի փոխել ազատ ամսաթվերը, օրինակ՝ թույլատրել երկարաժամկետ այցեր։

Այցերի տևողությունները փոխելու դեպքում տեղ կազատվի օրացույցում, և ձեր հայտարարությունը կհայտնվի որոնման ավելի շատ արդյունքներում։ Համոզվեք, որ այցի նվազագույն և առավելագույն տևողությունները համապատասխանում են տեղական կանոններին և կանոնակարգերին։

• Գիշերների նվազագույն քանակ։ Այցի նվազագույն տևողությունը կրճատելով՝ կկարողանաք գրավել կարճաժամկետ այցեր ամրագրող հյուրերի և լրացնել օրացույցի բաց ամսաթվերը։ Դուք ունեք ուղևորության նվազագույն տևողությունն ըստ շաբաթվա օրերի հարմարեցնելու հնարավորություն։
• Գիշերների առավելագույն քանակ։ Այցի առավելագույն տևողությունը մեծացնելով՝ կկարողանաք գրավել երկարաժամկետ այցեր ամրագրող հյուրերի և կրճատել հերթափոխումները։ Կարող եք նաև թույլատրել ձեր առավելագույնից ավելի երկար այցերի հայտեր։ Դուք կկարողանաք ուսումնասիրել և հաստատել այս հայտերը։
• Ուղևորության անհատականացված տևողություն։ Որոշակի ամսաթվերի համար ավելացնելով ուղևորության անհատականացված տևողություն, որն այցերի համար ձեր սահմանած նվազագույն տևողությունից ավելի կարճ է՝ կկարողանաք լրացնել օրացույցի բացերը։

Ձեզ որքա՞ն ժամանակ է հարկավոր հյուրի ամրագրումից մինչև ժամանում։ Որքա՞ն վաղ եք ուզում հյուրերին թույլ տալ ամրագրել։ Սահմանեք ձեր ազատ ամսաթվերը, որպեսզի ստանաք ձեզ հարմար ամրագրումներ։ Գիշերներն ավտոմատ հասանելի կլինեն ձեր ընտրած կարգավորումների հիման վրա։ Օրացույցը ձեռքով կարգավորելու կարիք չկա։

• Նախնական ծանուցում։ Ընտրեք նույն օրը, առնվազն 1 օր, առնվազն 2 օր, առնվազն 3 օր կամ առնվազն 7 օր։ Դուք ունեք նաև նույն օրվա համար հայտեր թույլատրելու հնարավորություն, բայց պետք է կարողանաք ուսումնասիրել և հաստատել այդ հայտերը։
• Նախնական ծանուցում՝ նույն օրը։ Եթե հյուրերին թույլատրում եք ամրագրել նույն օրը, դուք սահմանում եք վերջնաժամկետ, որից հետո նրանք այլևս չեն կարող ամրագրել։ Ընտրեք ցանկացած ժամ 6:00 – 12:00-ի միջակայքում։
• Նախապատրաստման ժամանակ։ Ընտրեք, թե քանի գիշեր է անհրաժեշտ արգելափակել յուրաքանչյուր ամրագրումից առաջ և հետո։ Տարբերակներն են՝ ոչ մի, յուրաքանչյուր ամրագրումից 1 գիշեր առաջ և հետո, և յուրաքանչյուր ամրագրումից 2 գիշեր առաջ և հետո։
• Ազատ ամսաթվերի պատուհան։ Ազատ ամսաթվեր ավելացնելու դեպքում հյուրերը կկարողանան նախապես ամրագրել, իսկ ձեր հայտարարությունը կհայտնվի որոնման ավելի շատ արդյունքներում։ Ընտրեք հետևյալ տարբերակներից՝ այսօրվանից հաշված 3 ամիս, 6 ամիս, 9 ամիս, 12 ամիս և 24 ամիս։
• Ազատ ամսաթվերի այլ կարգավորումներ։ Դուք ունեք հնարավորություն՝ թույլ չտալ հյուրերին ժամանել կամ մեկնել շաբաթվա որոշակի օրերի։ Ձեր օրացույցը կարգելափակվի ժամանումների և մեկնումների համար, եթե գիտեք, որ այդ օրերին միշտ չեք կարող հյուրընկալել։ Կարող եք ընտրել շաբաթվա մի քանի օր, բայց ոչ ամեն օր, քանի որ այդ դեպքում հյուրերը չեն կարողանա ամրագրել ձեր տարածքը։

Հյուրընկալման ձեր բոլոր օրացույցների համաժամացումը կօգնի կանխել միևնույն ամսաթվերին մի քանի հյուրի կողմից ամրագրումը։ Այս երկկողմանի կապն ավտոմատ կերպով թարմացնում է երկու օրացույցները, երբ ամրագրվում է որևէ գիշեր։ Օրացույցները կապակցելու համար՝

• Airbnb օրացույցի հղումն ավելացրեք մյուս կայքում։
• Մյուս կայքից ստացեք .ics-ով ավարտվող հղում և այն ավելացրեք ձեր Airbnb օրացույցում։

Դուք եք միշտ վերահսկում գնանշումը և մյուս կարգավորումները։ Արդյունքները կարող են տարբեր լինել։

Այս հոդվածում պարունակվող տեղեկությունները կարող են փոխված լինել հրապարակումից հետո։