Ինչ է պետք իմանալ լավագույն տների տարբերանշանի մասին

Հյուրերն ամեն անգամ ամրագրելիս վստահում են հյուրընկալողներին։ Ամրագրումներ կատարելուց առաջ նրանք պետք է վստահ լինեն, որ գիտեն, թե ինչ սպասել։

Լավագույն հայտարարությունները տարբերանշանի միջոցով աչքի են ընկնում, և հյուրերի համար հեշտանում է իրենց կարիքներին լավագույնս համապատասխանող տարածք ընտրելու գործընթացը։

Տարբերանշանը ցույց է տալիս, թե պահանջներին համապատասխանող տարածքներն ինչպիսին են մյուս տարածքների համեմատությամբ՝ ըստ գնահատականների, կարծիքների և հուսալիության ցուցանիշի։ Վերջին 2 տարվա ընթացքում առնվազն 5 կարծիք ստացած հայտարարությունները համապատասխանում են տարբերանշանի համար սահմանված պահանջներին։

Պահանջներին համապատասխանող տարածքների լավագույն 10%-ը ներառում է՝

• ոսկեգույն գավաթ
• «Հյուրերի սիրելի» ոսկեգույն նշանակ
• թոփ հայտարարությունների 1%, 5% կամ 10%-ում ընդգրկված լինելու պիտակ

Տարբերանշանը երևում է որոնման արդյունքներում, հայտարարության էջում և կարծիքներից վերև։

Մենք նաև ցույց կտանք հյուրերին, երբ տարածքն ընդգրկված լինի պահանջներին համապատասխանող տարածքների ստորին 10%-ի մեջ։ Ստորին 10%-ի պիտակը երևում է կարծիքների վերևում։

Նշանակը պարբերաբար թարմացվում է՝ հաշվի առնելով տարբեր գործոններ, այդ թվում՝

• ընդհանուր գնահատականներ, մեկնաբանություններ հյուրերի կարծիքներում և հյուրերի ու հյուրընկալողների միջև շփումներ հարթակում
• ենթաբաժինների գնահատականներ, որոնք տրվել են ժամանման, մաքրության, ճշգրտության, շփման, գտնվելու վայրի և գին/որակ հարաբերակցության համար
• հյուրընկալողի կողմից ամրագրումների չեղարկման հաճախականություն
• որակի հետ կապված խնդիրներ, որոնց մասին հաղորդվել է Airbnb-ի աջակցման թիմին

Դուք ծանուցում կստանաք ամեն անգամ, երբ հյուրը գնահատի և կարծիք հայտնի ձեր տարածքի մասին կամ հաղորդի որակի հետ կապված խնդրի վերաբերյալ։ Եվ դուք կարող եք հաղորդել այն կարծիքի մասին, որը, ըստ ձեզ, հակասում է Կարծիքների վերաբերյալ քաղաքականությանը։

Տարբերանշանը միակ միջոցը չէ, որով հյուրերը կարող են հիանալի տուն գտնել։ «Հյուրերի սիրելի» և «Սուպերտանտեր» ծրագրերը նախատեսված են աչքի ընկնող հայտարարությունները և բացառիկ հյուրընկալողներին գնահատելու համար։

• «Հյուրերի սիրելի» նշումով տներն Airbnb-ում հյուրերի կողմից ամենասիրված տների հավաքածու են։ Դրանք հիմնված են ավելի քան կես միլիարդ ուղևորությունների արդյունքում ստացված գնահատականների, կարծիքների և հուսալիության տվյալների վրա։
• Սուպերտանտերերը ճանաչում են ստացել իրենց հիանալի հյուրընկալության շնորհիվ։ Սուպերտանտիրոջ նշանակը երևում է նրա հայտարարություններում և պրոֆիլում։

Այս հոդվածում պարունակվող տեղեկությունները կարող են փոխված լինել հրապարակումից հետո։