Անցեք առաջ՝ առաջարկվող արդյունքներին ծանոթանալու համար

    Նոր Airbnb կատեգորիաներ

    Ներկայացնում ենք նոր կատեգորիաներ և ձեր տան կատեգորիան որոշելու եղանակ։
    Հեղինակ՝ Airbnb, ամսաթիվ՝ 16 նոյ, 2022 թ.
    2 րոպե ընթերցում
    Թարմացվել է՝ 16 նոյ, 2022 թ.

    Առանձնահատկություններ

    • Նոր կատեգորիաներն են՝ «Նոր», «Պահանջված», «Հանոկներ», «Աշխարհի գագաթին», «Հարմարեցված», «Զվարճանք» և «Առանձին սենյակներ»։

    • Սկսած 2023 թվականի սկզբից՝ դուք կկարողանաք ստուգել, թե որ կատեգորիայում է ձեր տարածքը

    • Դիտեք Airbnb-ի գլխավոր գործադիր տնօրեն Բրայան Չեսկիի՝ հյուրընկալողներին ուղղված հատուկ տեսաուղերձը

    Մնալու նոր տեղեր գտնելը ճանապարհորդության ուրախություններից մեկն է։ Մենք ուզում ենք համոզված լինել, որ ձեր տարածքի նման տեղ փնտրող հյուրերը կարող են հեշտությամբ գտնել այն։ Անկախ այն բանից՝ հյուրընկալում եք քեմփինգում, կոնդոմինիումում, թե դղյակում, Airbnb կատեգորիաները կարող են օգնել ձեզ ցուցադրել տարածքի առանձնահատկությունները և գրավել հյուրերի։

    Ի՞նչ են Airbnb կատեգորիաները

    Մայիսին մենք ներկայացրինք ըստ Airbnb կատեգորիաների որոնման նոր եղանակ, որպեսզի հյուրերն ավելի հեշտ գտնեն միլիոնավոր յուրօրինակ տներ, որոնց գոյության մասին երբեք չեն իմացել։ 60-ից ավելի կատեգորիաներում ընդգրկված են տներ, որոնք տեսակավորված են ըստ ոճի, տեղադրության կամ մոտակայքում հասանելի զբոսաշրջային միջոցառումների։ Երբ հյուրերն ուղղություն են որոնում, արդյունքները դասավորվում են ըստ այդ ուղղությանը համապատասխանող կատեգորիաների։

    Մնալու տեղ փնտրող հյուրերը կարող են աչքի անցկացնել այնպիսի կատեգորիաներ, ինչպիսիք են՝ «Տնակներ», «Լճի ափին» և «Ազգային պարկեր»։ Կամ կարող են հայտարարություններ որոնել ըստ ուղղության, և դրանց արդյունքները կցուցադրվեն «Բոլոր տները» բաժնում։

    Հայտարարությունները ցուցադրված են ավելի քան 60 Airbnb կատեգորիաներում, այդ թվում՝ «Դիզայներական», «Գյուղական» և «Ծառի տնակ»։

    Յուրաքանչյուր կատեգորիայում տարածքներն անցնում են համադրման գործընթաց։ Airbnb-ում առաջարկվող միլիոնավոր տների հայտարարություններ գնահատվում են մեքենայական ուսուցման միջոցով՝ վերնագրերը, նկարագրությունները, լուսանկարների մակագրերը և հյուրերի կարծիքները վերլուծելու համար։ Կարևոր է համոզվել, որ ձեր տարածքի մասին մանրամասներն ամբողջական և արդիական են։

    Airbnb կատեգորիաները գործարկելուց հետո մեզ ասացիք, որ ուզում եք ստուգել, թե որ կատեգորիայի մեջ է ձեր հայտարարությունը, և տրամադրել ավելի շատ մանրամասներ ձեր տարածքի մասին։ Սկսած 2023 թվականի սկզբից՝ դուք կկարողանաք երկուսն էլ անել։

    Նոր կատեգորիաներ

    Այսօր մենք ներկայացնում ենք նոր Airbnb կատեգորիաներ՝

    • Նոր. վերջին 10 շաբաթվա ընթացքում Airbnb-ում ավելացված հայտարարությունները
    • Պահանջված. բարձր վարկանիշով տներ, որոնք ավելի շատ հայտարարության դիտումներ են ունենում, քան նախորդ շաբաթ
    • Հանոկներ. կորեական ավանդական տներ, որոնք կառուցված են բնական նյութերից
    • Աշխարհի գագաթին. վայրեր, որտեղ հյուրերը կարող են գտնվել ծովի մակերևույթից շուրջ 3 000 մետր բարձրության վրա, հաճախ՝ ցնցող տեսարաններով
    • Հարմարեցված. տարածքներ, որոնք հաստատապես ունեն հարմարություններ հատուկ կարիքներով անձանց համար, օրինակ՝ դեպի հյուրերի շքամուտք, ննջասենյակ և լոգասենյակ տանող հարթ ուղիներ
    • Զվարճանք. բասկետբոլի դաշտերով, խաղասենյակներով, բատուտներով, ջրային բլրակներով և այլնով տարածքներ
    • Առանձին սենյակներ. մեր «Համօգտագործվող տներ» կատեգորիայում կատարված այս փոփոխությունն առաջարկում է ամեն տեսակի 1,2 միլիոն գեղեցիկ և մատչելի տարածքներ՝ բացի հյուրանոցներից

    Ստուգեք ձեր հայտարարության կարգավորումները, որպեսզի ընտրեք ձեր տարածքում առաջարկվող բոլոր հարմարությունները։ Սկսած 2023 թվականի սկզբից՝ դուք կկարողանաք ավելացնել ձեր տան մասին ավելի շատ մանրամասներ։ Օրինակ՝ եթե ձեր տարածքում կա լողավազան, կկարողանաք նշել՝ արդյոք այն փակ, ջեռուցվող, թե օլիմպիական ստանդարտ չափերով է։

    Իմացեք, թե ձեզ համար ինչ հիմնական արդիացումներ ենք անում Airbnb 2022 ձմեռային թողարկման շրջանակներում։
    Այս հոդվածում պարունակվող տեղեկությունները կարող են փոխված լինել հրապարակումից հետո։

    Առանձնահատկություններ

    • Նոր կատեգորիաներն են՝ «Նոր», «Պահանջված», «Հանոկներ», «Աշխարհի գագաթին», «Հարմարեցված», «Զվարճանք» և «Առանձին սենյակներ»։

    • Սկսած 2023 թվականի սկզբից՝ դուք կկարողանաք ստուգել, թե որ կատեգորիայում է ձեր տարածքը

    • Դիտեք Airbnb-ի գլխավոր գործադիր տնօրեն Բրայան Չեսկիի՝ հյուրընկալողներին ուղղված հատուկ տեսաուղերձը
    Airbnb
    16 նոյ, 2022 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ