Հայտարարության վերնագիրը գրելու ցուցումներ

Ձեր հայտարարության վերնագիրը հաճախ առաջին բանն է, որ մարդիկ կարդում են, երբ մնալու տեղ են փնտրում։ Դա հնարավորություն է՝ ցույց տալու, թե ինչն է յուրահատուկ դարձնում ձեր տունը, առաջացնելու ամրագրման հետաքրքրություն և սահմանելու հյուրերի ակնկալիքներ։

Մտածեք, թե ինչն է գրավիչ դարձնում ձեր տարածքը և այն առանձնացնում այլ տներից։ Պետք չէ ամեն ինչ պատմել. պարզապես հրավիրեք հյուրերին ավելին իմանալու։

Սկսեք ամենակարևոր տեղեկություններից և փորձեք օգտագործել 50-ից պակաս նիշեր։ Երկար վերնագրերն ավտոմատ կրճատվում են որոնման արդյունքներում, որպեսզի տեղավորվեն փոքր էկրանների վրա։ Օրինակ՝ «Գյուղական տնակ լճի տեսարանով, խարույկատեղով, նավակի կառանատեղով» վերնագիրը կարող է դառնալ «Գյուղական տնակ լճի տեսարանով...»։

Ահա հայտարարությունների կարճ վերնագրերի 3 լավ օրինակ.

• Գողտրիկ վայր բլրի վրա՝ գինու սիրահարների համար
• Քաղաքի կենտրոնին նայող մոդեռն լոֆթ
• Լողափնյա վիլլա Անյո Նուևոյի մոտ

Մեծատառով գրեք վերնագրի միայն առաջին բառի առաջին տառը։ Փոքրատառերը սովորաբար ավելի հեշտ են կարդացվում, և դա ավելի ընկալելի է, քան ամեն բառի սկզբնատառը մեծատառով գրելը կամ բոլոր բառերը մեծատառերով գրելը։

Կարող եք բացառություններ անել հատուկ անունների, օրինակ՝ թաղամասի կամ տեսարժան վայրի, և հապավումների համար, այդ թվում՝ երկրի կամ օդանավակայանի կոդի։

Ահա հայտարարությունների վերնագրերում մեծատառերի օգտագործման 3 լավ օրինակ․

• Ծովամերձ հյուղ՝ Բոնդի լողափում
• Վիկտորիանական ոճի ռոմանտիկ հյուրասենյակ
• Էկոլոգիապես անվնաս ստուդիա LAX-ի հարևանությամբ

Էմոջիներն ու սիմվոլները կարող են շփոթեցնող կամ մոլորեցնող լինել, քանի որ դրանք տարբեր բաներ են նշանակում աշխարհի տարբեր մարդկանց համար։ Այդ հատուկ նշանների օգտագործումը կարող է ձեր վերնագիրն անհասանելի դարձնել որոշ հյուրերի համար։ Փոխարենը օգտագործեք պարզ և նկարագրական բառեր։

Հատուկ նշանների (օրինակ՝ !, # կամ *) օգտագործումը թույլատրելի է, բայց շեշտելու նպատակով դրանք կրկնելը (!!! կամ ***)՝ ոչ։ Գաղափարները տարանջատելու համար օգտագործեք ստորակետեր՝ բացատներով, կամ մեկ շեղագիծ՝ առանց բացատների։

Օրինակ՝ մի գրեք այսպես.

• ****Դահուկավարության և գոլֆի հնարավորություններով շալե****!!!

Գրեք այսպես.

• Դահուկավարության/գոլֆի շալե՝ ցանկապատված բակով

Ընդհանուր առմամբ, պետք չէ կրկնել որոնման արդյունքներում հյուրերին ավտոմատ տրամադրվող տեղեկությունները, այդ թվում՝ ձեր քաղաքի կամ քաղաքատիպ ավանի անվանումը, ձեր տան մահճակալների ընդհանուր քանակը և այն, թե արդյոք ձեր հայտարարությունը նոր է։ Փոխարենը՝ հայտարարության վերնագիրն օգտագործեք լրացուցիչ մանրամասներ ավելացնելու նպատակով, ինչպես այս երկու օրինակներում է։

Փոխանակ գրեք՝

• Նոր, 3 մահճակալով բնակարան Ֆլորենցիայում

Օգնեք հյուրերին ավելի լավ հասկանալ ձեր գտնվելու վայրը.

• Առանց վերելակի շենքում արևոտ բնակարան Ուֆֆիցիի մոտ

Փոխանակ գրեք՝

• Լիովին նոր հյուրատուն Ֆլորենցիայում

Խորհուրդ ենք տալիս ընդգծել հիմնական հարմարությունը, օրինակ՝ հատուկ գրասենյակային տարածքը. 

• Հյուրատուն՝ հեռավար աշխատանքի համար

Այս հոդվածում պարունակվող տեղեկությունները կարող են փոխված լինել հրապարակումից հետո։