Իմ տարածքը հարմա՞ր է Airbnb-ի միջոցով հյուրընկալելու համար
Առանձնահատկություններ
Կարող եք առաջարկել մասնավոր կամ ընդհանուր սենյակ, ամբողջական տուն կամ յուրահատուկ տարածք
Նվազագույն պայմանը քնելու հարմարավետ տարածքն ու լոգարանից օգտվելու հնարավորությունն է
Սահմանեք ակնկալիքներ՝ ազնվորեն նշելով ձեր տարածքի առավելություններն ու թերությունները
Ձեր մտքով գուցե չանցնի, որ ազատ ննջասենյակը կամ հարմարավետ առագաստանավը կարող են պահանջված լինել Airbnb-ում, բայց հյուրերին դուր են գալիս բոլոր տեսակի տարածքները՝ ամենափոքրից մինչև ամենայուրահատուկը։
Անկախ այն բանից, թե ինչպիսի տարածք ունեք, կարևորը՝ ստեղծել քնելու համար հարմարավետ տեղ, որտեղ ուրախ կլինեիք մնալ ինքներդ, և հայտարարության մանրամասն նկարագրություն, որը ցույց է տալիս, թե ինչն է գրավիչ դարձնում ձեր տարածքը։
Սկսեք հիմնական տեղեկություններից
Հյուրերն առնվազն ակնկալում են մաքուր, հարմարավետ ննջարան և զուգարանից օգտվելու հնարավորություն։ Airbnb-ում նշված ոչ բոլոր տարածքներն են տրամադրում մուտք դեպի խոհանոց, բայց եթե այն հասանելի է հյուրերին, նշեք՝ արդյոք դա լիարժեք խոհանո՞ց է, թե՞ խոհանոցիկ։
Կիսվեք ցանկացած տարածքով
Յուրաքանչյուր ոք, ով ունի որոշակի լրացուցիչ տարածք, կարող է բարգավաճել որպես Airbnb հյուրընկալող։ «Իդեալական» տարածք գոյություն չունի. պարզապես պետք է ազնիվ ու մանրամասն նկարագրություն գրեք և լուսանկարներով ներկայացնեք տարածքը, որպեսզի հյուրերն իմանան, թե ինչ ակնկալել։ Airbnb-ում յուրաքանչյուրի համար կա կատարյալ տարածք՝ ազատ սենյակներից մինչև շքեղ կալվածքներ։
Սահմանեք ձեր սեփականության տեսակը
Գրեթե բոլոր տեսակի սեփականությունները կարող են գրավիչ լինել Airbnb հյուրերի համար։ Տո՞ւն է։ Բնակարա՞ն։ Սենյակ ձեր կոնդոմինիումո՞ւմ։ Որոշ վայրեր նույնիսկ նշված են որպես յուրահատուկ, օրինակ՝ ծառի տնակներ, վրաններ, միկրոտնակներ, ագարակներ, ավտոտներ և շարժական տնակներ։
Ընտրեք, թե ինչից կարող են օգտվել հյուրերը
Կարող եք նշել, որ հյուրերը բացառիկ մուտք կունենան դեպի ձեր ողջ տարածքը կամ առանձին սենյակը, կամ որ որոշ տարածքներ, ինչպիսիք են քնելու տեղը, խոհանոցը կամ զուգարանը, համօգտագործելու են ուրիշների հետ, օրինակ՝ ձեր ընտանիքի, սենյակակիցների կամ այլ հյուրերի։ Դուք եք որոշում՝ տարածքն ամբողջությամբ հատկացնել հյուրերի՞ն, թե՞ այնտեղ պահել ձեր իրերը։ Կարևորը ձեր տարածքը մաքուր պահելն ու հյուրերին հստակորեն հայտնելն է, թե ինչ ակնկալեն։
Ազնվորեն ներկայացրեք առավելություններն ու թերությունները
Սան Ֆրանցիսկոյում հյուրընկալող Դանիելն ասում է, որ երբևէ ոչինչ չի թաքցնում իր տարածքի հարցում։ «Այն, ինչ նշում եք որպես ձեր հյուրերին հասանելի, և այն, ինչ նրանք փաստացի ստանում են ձեր տարածք ժամանելիս, պետք է համապատասխանեն միմյանց»,- ասում է նա։ «Ավելի լավ է մի փոքր «թերագնահատել» ձեր տարածքը նկարագրությունում, որպեսզի հյուրերը մտնեն իրենց սպասածից ավելի լավ տարածք, քան հակառակը»։
Ցույց տվեք և պատմեք
Եթե հյուրերը համօգտագործվող տարածքում կարող են հանդիպել տնային կենդանիների, նախ նշեք այդ մասին հայտարարության նկարագրության մեջ։ Բայց ավելի կարևոր է Airbnb-ում վերբեռնել ձեր փափկամազ շան կամ խնամված կատվի լուսանկարները, որոնց մակագրություններից հյուրերը կտեղեկանան, որ, ամենայն հավանականությամբ, կտեսնեն կենդանու։
Նկարները հազար բառ արժեն, հատկապես որ որոշ հյուրեր կարող են ամրագրել առանց ամեն ինչ մանրակրկիտ կարդալու։ Եթե ձեր տարածքում կան եզակի առանձնահատկություններ, լավ կլինի նաև ամրագրման գործընթացի ժամանակ համոզվել, որ հյուրերը կարդացել են ձեր հայտարարությունը սկզբից մինչև վերջ։
Իրատեսական գներ սահմանեք ձեր տարածքի համար
Մի անհանգստացեք, եթե ձեր տարածքը պալատ չէ։ Հյուրերի մեծամասնությունը գնահատում է համեստ տարածքը, եթե գին/որակ հարաբերակցությունը ճիշտ է թվում։ Երբ սկսում եք, կարող եք նախնական գին առաջարկել, որը մի փոքր ցածր է ձեր վերջնանպատակից։ Այդպես կգրավեք հյուրերի, և երբ մի քանի հիանալի կարծիքներ ստանաք, կարող եք վերագնահատել և բարձրացնել գինը՝ ձեր նպատակներն արտացոլելու համար։
Իմացեք ավելին՝ ծանոթանալով հաջողակ հայտարարություն ստեղծելու մեր ուղեցույցին
Այս հոդվածում պարունակվող տեղեկությունները կարող են փոխված լինել հրապարակումից հետո։
Առանձնահատկություններ
Կարող եք առաջարկել մասնավոր կամ ընդհանուր սենյակ, ամբողջական տուն կամ յուրահատուկ տարածք
Նվազագույն պայմանը քնելու հարմարավետ տարածքն ու լոգարանից օգտվելու հնարավորությունն է
Սահմանեք ակնկալիքներ՝ ազնվորեն նշելով ձեր տարածքի առավելություններն ու թերությունները