Անցեք առաջ՝ առաջարկվող արդյունքներին ծանոթանալու համար
    Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

    Իմ տարածքը հարմա՞ր է Airbnb-ի միջոցով հյուրընկալելու համար

    Յուրաքանչյուր տարածքի համար կա կատարյալ հյուր. կարևորը ճիշտ ակնկալիքներ սահմանելն է։
    Հեղինակ՝ Airbnb, ամսաթիվ՝ 6 հնվ, 2020 թ.
    4 րոպե ընթերցում
    Թարմացվել է՝ 2 սեպ, 2021 թ.

    Առանձնահատկություններ

    • Կարող եք առաջարկել մասնավոր կամ ընդհանուր սենյակ, ամբողջական տուն կամ յուրահատուկ տարածք

    • Նվազագույն պայմանը քնելու հարմարավետ տարածքն ու լոգարանից օգտվելու հնարավորությունն է

    • Ազնվորեն ներկայացրեք ձեր տարածքի առավելություններն ու թերությունները

    • Սահմանեք ողջամիտ գին. հյուրերը համեստ պայմաններով էլ կբավարարվեն, եթե գին/որակ հարաբերակցությունը հարմար լինի

    Ձեր մտքով կարող է չանցնել, որ հարմարավետ առագաստանավը կամ քաղաքի կենտրոնում գտնվող համերգասրահի վերևում տեղակայված բնակարանը կարող է սիրված լինել Airbnb-ում, բայց իրականում շատ բազմազան տարածքներ են գրավում հյուրերին, նույնիսկ՝ յուրօրինակները կամ համեստները։ Կարևորը մանրակրկիտ, ազնիվ հայտարարություն կազմելն է, որը ցույց է տալիս, թե ինչն է գրավիչ դարձնում ձեր տարածքը՝ լինի դա շքեղությունը, յուրօրինակությունը, թե պարզությունն ու մատչելիությունը։

    Սկսեք հիմնական տեղեկություններից

    Ի՞նչ է ձեզ հարկավոր Airbnb տարածքի համար։ Հյուրերն առնվազն ակնկալում են մաքուր, հարմարավետ ննջարան և զուգարանից օգտվելու հնարավորություն։ Ոչ բոլոր տարածքներում կա մուտք դեպի խոհանոց, բայց կարևոր է նշել այդ հնարավորության առկայությունը կամ բացակայությունը։

    Սահմանեք ձեր սեփականության տեսակը

    Airbnb տարածքները շատ բազմազան են, ուստի կարևոր է հայտարարության մեջ նշել այն սեփականության տեսակը, որն առաջարկում եք։ Տո՞ւն է։ Բնակարա՞ն։ B&B կամ բուտիկ-հյուրանո՞ց։ Կան նաև «յուրահատուկ տարածքներ»՝ ծառի տնակներ, յուրտեր, քեմփինգներ, առագաստանավեր, հողմաղացներ, ավտոտներ և այլն։

    Ընտրեք, թե ինչից կարող են օգտվել հյուրերը

    Կարող եք նշել, որ հյուրերը մասնավոր մուտք կունենան դեպի ձեր ողջ տարածքը, առանձին սենյակը, կամ որ որոշ տարածքներ, ինչպիսիք են քնելու տեղը, խոհանոցը կամ զուգարանը, համօգտագործելու են ուրիշների հետ, օրինակ՝ ձեր ընտանիքի, սենյակակիցների կամ այլ հյուրերի։ Դուք եք որոշում՝տարածքն ամբողջությամբ հատկացնել հյուրերի՞ն, թե՞ այնտեղ պահել ձեր իրերը։ Կարևորը ձեր տարածքը մաքուր պահելն ու հյուրերին հստակորեն հայտնելն է, թե ինչ ակնկալեն։

    Ազնվորեն ներկայացրեք առավելություններն ու թերությունները

    Սան Ֆրանցիսկոյում հյուրընկալող Ջոյն ունի տարածք, որը գտնվում է քաղաքի կենտրոնում․ տեղը հարմար է, բայց երբեմն մի փոքր աղմկոտ է։ Նա հայտարարության մեջ դրական ու բացասական կողմերն ազնվորեն նկարագրելը համարել է շատ կարևոր, և դրա շնորհիվ վաստակել է հարյուրավոր լավ գնահատականներ։ «Իմ տարածքի ամենամեծ առավելությունը տեղադրությունն է․ այն գտնվում է քաղաքի կենտրոնում»,- ասում է Ջոյը։ «Եթե չեք սիրում քաղաքային եռուզեռը, հնարավոր է՝ ձեզ դուր չգա այստեղ»։

    Ցուցադրեք և պատմեք

    Աբհայը, որը հյուրընկալում է Սան Ֆրանցիսկոյում՝ առանձին սենյակում, որպես տարածքի առանձնահատկություն նշում է իր մեծ սպիտակ շուն Քոդիին։ Անկեղծորեն նշելով, որ ունի շուն, նա իր տնային կենդանուն դարձրել է հյուրերին ողջունելու արարողության մասնակից։ «Բոլոր նրանք, ովքեր գալիս են իմ տարածքում մնալու, շների սիրահարներ են»,- ասում է Աբհայը։ «Շուն չսիրող մարդիկ այլ տարածք են գտնում»։

    Թափանցիկությունն առանցքային է այս դեպքում. հայտարարության մեջ տնային կենդանիների մասին նշելը հիանալի մեկնարկ է, բայց նկարները հազար բառ արժեն, քանզի որոշ հյուրեր կարող են ամրագրել՝ առանց ամեն ինչ մանրակրկիտ կարդալու։ Եթե ձեր տարածքում կան եզակի առանձնահատկություններ (օրինակ՝ տնային կենդանի), լավ կլինի ամրագրման գործընթացի ժամանակ նույնպես համոզվել, որ հյուրերն ուշադիր կարդացել են հայտարարությունը։

    Եղեք անկեղծ

    Հյուսիսային Կալիֆոռնիայում հյուրընկալող Թիմն իր տարածքը բնութագրում է որպես «գյուղական տուն», և դա հենց այդպես է։ Մուտքին հասնելու համար հյուրերը պետք է հաղթահարեն բարձր փայտե սանդուղքը, իսկ միակ լոգարանը դրսում է, ինչը կարող է հիանալի թվալ որոշ հյուրերի։ Նա անկեղծորեն հայտնում է սեփականության խրթին բնույթի մասին և կարծում է, որ հյուրերն իր տարածքն ամրագրում են և՛ բնությանը մոտ լինելու, և՛ դրա արտասովորության շնորհիվ։

    Իրատեսական գներ սահմանեք ձեր տարածքի համար

    Մի անհանգստացեք, եթե ձեր տարածքը Թաջ Մահալի նման չէ։ Հյուրերի մեծամասնությունը համեստ պայմաններով էլ կբավարարվի, եթե գին/որակ հարաբերակցությունը ընդունելի թվա։ Եթե նորեկ եք հյուրընկալման ոլորտում, սկսեք այնպիսի գնից, որը մի փոքր ցածր է ձեր վերջնանպատակից։ Այդպես կգրավեք հյուրերի և, երբ մի քանի հիանալի կարծիքներ ստանաք, անհրաժեշտության դեպքում կարող եք վերագնահատել ու բարձրացնել գինը։

    Տարածք բոլորի համար

    Յուրաքանչյուր ոք, ով ունի ազատ տարածք, կարող է դառնալ հաջողակ Airbnb հյուրընկալող։ «Իդեալական» հայտարարություն գոյություն չունի. պարզապես պետք է ազնիվ ու մանրամասն նկարագրություն գրեք և լուսանկարներով ներկայացնեք տարածքը, որպեսզի հյուրերն իմանան, թե ինչ ակնկալել։ Airbnb-ում յուրաքանչյուրի համար կա կատարյալ տարածք՝ համեստ, ազատ սենյակներից մինչև յուրօրինակ գյուղական տներ և շքեղ կալվածքներ։

    Առանձնահատկություններ

    • Կարող եք առաջարկել մասնավոր կամ ընդհանուր սենյակ, ամբողջական տուն կամ յուրահատուկ տարածք

    • Նվազագույն պայմանը քնելու հարմարավետ տարածքն ու լոգարանից օգտվելու հնարավորությունն է

    • Ազնվորեն ներկայացրեք ձեր տարածքի առավելություններն ու թերությունները

    • Սահմանեք ողջամիտ գին. հյուրերը համեստ պայմաններով էլ կբավարարվեն, եթե գին/որակ հարաբերակցությունը հարմար լինի

    Airbnb
    6 հնվ, 2020 թ.
    Հոդվածն օգտակա՞ր էր։

    Ուսումնասիրեք ավելի շատ թեմաներ