Գնանշման վերափոխված գործիքներ, այժմ՝ ձեր Airbnb օրացույցում

Գնի թարմացված մանրամասներն ու բարելավված զեղչերը կօգնեն կառավարել գինը։
Հեղինակ՝ Airbnb, ամսաթիվ՝ 17 հնվ, 2024 թ.
2 րոպե ընթերցում
Թարմացվել է՝ 25 մյս, 2023 թ.

Խմբագրի նշում. այս հոդվածը հրապարակվել է Airbnb 2023 ամառային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր վերջին պրոդուկտի թողարկման մասին։

Հյուրընկալողների կարծիքները մեզ ոգեշնչել են օրացույցում միավորել գնանշման բոլոր գործիքները։ Կարող եք գները ճշգրտել, ազատ ամսաթվերը փոխել և զեղչերը կամ հատուկ առաջարկները վերանայել մեկ հարմար տեղում։

Անկախ այն բանից, թե որ գործիքն եք օգտագործում գների կառավարման համար, մենք ձեզ կցուցադրենք, թե որքան է վճարելու հյուրը, և որքան եք վաստակելու դուք։ Մենք նաև հեշտացրել ենք զեղչեր սահմանելը։ Պարզապես տեղաշարժեք սահիչը, և շաբաթական կամ ամսական միջին գինը կփոխվի ըստ զեղչի գումարի։

Գնի թարմացված մանրամասներ

Որպես հյուրընկալող՝ դուք միշտ վերահսկում եք գինը։ Օգտակար է իմանալ, թե ինչպես է գինը ցուցադրվում հյուրերի որոնումներում, որովհետև ձեր սահմանած մեկ գիշերվա գինը տարբեր է ընդհանուր գնից, որը վճարելու է հյուրը։

Հյուրի վճարելիք ընդհանուր գինը ներառում է բոլոր վճարները նախքան հարկումը՝ բացառությամբ այն շրջանների, որտեղ տեղական կանոնները պահանջում են ներառել նաև հարկերը։ Ընդհանուր գինը հասկանալով՝ կարող եք առաջարկել որակին համապատասխան լավ գին և հասնել ձեր եկամուտների նպատակներին։

Առաջիկա շաբաթների ընթացքում կներկայացնենք գնի մանրամասների թարմացված գործիք։ Պարզապես օրացույցում ընտրեք գիշերների ցանկացած քանակ, որպեսզի ստանաք հյուրի վճարվելիք ընդհանուր գնի մանրամասներն այդ ամսաթվերի համար։ Գնի մանրամասներում նշված են մեկ գիշերվա գինը, վճարները, զեղչերը կամ հատուկ առաջարկները, հարկերը և ձեր եկամուտները։

Գինը թարմացնելու և հյուրի վճարելիք գնի և ձեր եկամտի մանրամասները ստանալու համար օրացույցում ընտրեք ամսաթիվ։

Օրացույցում ընտրեք որևէ բաց ամսաթիվ կամ ժամանակահատված։ Մեկ գիշերվա գնի տակ կգտնեք կոճակ, որը ցույց կտա հյուրի՝ այդ ամրագրման համար վճարելիք ընդհանուր գինը։ Հպելով կամ սեղմելով կոճակը՝ կտեսնեք գնի և եկամտի մանրամասները։

Շաբաթական և ամսական զեղչերն այժմ հեշտ է սահմանել

Մեկ շաբաթ և մեկ ամիս տևողությամբ այցերի համար զեղչերը կօգնեն ավելի շատ գումար վաստակել՝ ավելի քիչ աշխատանք կատարելով։ Դուք մեզ ասել եք, որ դժվար է հասկանալ, թե ինչպես են զեղչերն ազդում գնի և եկամտի վրա։

Երբ զեղչ սահմանեք, կտեսնեք ձեր տարածքի, ինչպես նաև տարածաշրջանում նմանատիպ տարածքների պահանջարկի վրա հիմնված առաջարկ։ Գումարը փոխելու համար տեղաշարժեք սահիչը։ Մեկ շաբաթական կամ ամսական միջին գինն ու եկամուտն ակնթարթորեն կվերահաշվարկվեն ըստ զեղչի։

Զեղչի սահիչն օգտագործելու համար «Գնանշում» ներդիրում անցեք դեպի «Զեղչեր» և ընտրեք «Շաբաթական» կամ «Ամսական»։ Զեղչ ավելացնել կարող եք նաև տոկոսի նշանի կողքին թիվ մուտքագրելով։

Այս գործիքների մասին ավելին իմացեք գնանշման վերաբերյալ մեր ուսումնական շարքում։ Միացեք «Վաղ հասանելիություն» ծրագրին, որպեսզի սկսեք օգտագործել Airbnb 2023 ամառային թողարկման մեջ հյուրընկալողների համար 25 արդիացում ներկայացնող այս և այլ նոր գործիքները։

Airbnb
17 հնվ, 2024 թ.
Հոդվածն օգտակա՞ր էր։