Մեկնման պարզ և հստակ գործընթաց

Մեկնումը տալիս է հյուրերի վրա իրենց այցի մասին վերջին տպավորությունը թողնելու հնարավորություն։ Ակնկալիքների ձևավորումը, պարզ ցուցումների տրամադրումը և հիշեցումների ուղարկումը կարող են օպտիմալացնել ձեր հյուրընկալումը և ավելի սահուն դարձնել մեկնումը ձեր հյուրերի համար։

Հայտարարությունների խմբագրիչում կարող եք «Մեկնման վերաբերյալ ցուցումներ» ավելացնել ժամանման ուղեցույցում։ Արագ կազմեք մեկնման ցուցակ՝ ընտրելով հետևյալ ընդհանուր առաջադրանքներից․

• Հավաքել օգտագործված սրբիչները
• Թափել աղբը
• Անջատել էլեկտրասարքերը
• Կողպել դուռը
• Վերադարձնել բանալիները

Յուրաքանչյուր առաջադրանքի համար կարող եք մանրամասներ ավելացնել։ Օրինակ՝ կարող եք նշել, որ հյուրերը սովորական աղբը դնեն մեկ աղբամանի մեջ, իսկ վերամշակվողը՝ այլ։ Կարող եք նաև ավելացնել լրացուցիչ հատուկ խնդրանքներ, օրինակ՝ օգտագործելուց հետո ծածկել մանղալը։

Հյուրերը նախքան ամրագրելը կարող են ծանոթանալ մեկնման վերաբերյալ ցուցումներին և տան կանոններին։ Ամրագրումից հետո նրանք կարող են մեկնման վերաբերյալ ցուցումներ գտնել «Ուղևորություններ» ներդիրում՝ տան կանոնների, Wi-Fi-ի տվյալների և այլ կարևոր մանրամասների հետ միասին։

Հյուրերն ակնկալում են հեշտ մեկնում՝ առանց տարածքը մաքրելու։ Տանը հյուրընկալվող հյուրերի համար սահմանված հիմնական կանոնների համաձայն՝ նրանք ձեր տարածքը պետք է թողնեն այնպիսի վիճակում, որը չի պահանջում մեծածավալ կամ մանրազնին մաքրում։

«Մենք ուզում ենք մեկնման գործընթացը դարձնել հնարավորինս պարզ»,– ասում է Քեշավը, որը սուպերտանտեր է Նյու Դելիում։ «Հավաքարարը գալիս և անում է այն ամենը, ինչ պետք է անել»։

Մեկնման քարտը մեկնման մասին տեղեկությունները հյուրերին ուղարկելու հարմար միջոց է։ Մեկնման վերաբերյալ ցուցումները մուտքագրելուց հետո կարող եք արագ պատասխանի մեջ ավելացնել մեկնման քարտ։ Քարտում կլինի ցուցումների հղում։

Արագ պատասխանի պլանավորումն օգնում է ապահովել, որ հյուրերը ստանան մեկնման մասին հիշեցում, նույնիսկ եթե նրանք չեն ներբեռնել հավելվածը կամ չեն միացրել ծանուցումները։ Նրանք կստանան էլեկտրոնային նամակ, ինչպես նաև ձեր ուղիղ հաղորդագրությունը։

Airbnb-ն հյուրերին ավտոմատ կերպով կուղարկի հիշեցում՝ ձեր սահմանած մեկնման ժամով և ցուցումներով։ Մեկնումից մեկ օր առաջ՝ տեղական ժամանակով ժամը 17։00-ին, հյուրի շարժական սարքին կուղարկվի ծանուցում։

Այս հիշեցումը ստանալու համար հյուրերը պետք է ներբեռնեն Airbnb հավելվածը և միացնեն ծանուցումները։ Մեկնումից հետո հյուրերը կարող են ձեզ այդ մասին տեղեկացնել մեկ հպումով կամ սեղմումով։

Գուցե ցանկանաք շեշտել, թե ինչու է կարևոր ժամանակին մեկնելը։ «Ես հյուրերին ասում եմ, որ մաքրողը կժամանի ժամը 11։00-ին՝ բնակարանը հաջորդ հյուրերի համար նախապատրաստելու, որպեսզի նրանք հասկանան, թե ինչու է կարևոր ժամանակին մեկնելը»,– ասում է Կալիֆոռնիայի Ֆորեսթվիլ քաղաքում սուպերտանտեր Ջոն։

Մեկնելուց հետո հյուրերը կարող են գնահատական տալ ձեզ հետ իրենց շփմանը և նշել, թե ինչն է լավ եղել, և ինչը կարելի է բարելավել։ Տարբերակներից մեկը «մեկնումից առաջ չափազանց շատ պահանջների» մասին հաղորդելն է։ Չհիմնավորված առաջադրանքների պատճառով շարունակ ցածր գնահատականներ ստացող հայտարարությունները կարող են հեռացվել Airbnb-ից։

Հյուրերն իրենց այցի համար ընտրում են նաև ընդհանուր գնահատական։ Կոնկրետ կատեգորիաների, օրինակ՝ շփման վերաբերյալ կարծիքները և գնահատականները չեն ազդում սուպերտանտիրոջ կարգավիճակի վրա։