Ինչպես եք վճարվելու հյուրընկալման համար

Airbnb-ում վճարումներ (ինչը մենք անվանում ենք վերջնավճարներ) ստանալն ընդամենը մի քանի պարզ քայլ է պահանջում։

Դուք եք ընտրում, թե ինչպես եք ցանկանում ստանալ հյուրընկալման միջոցով վաստակած գումարը։ Տարբերակները կախված են ձեր գործունեության վայրից։ Վերջնավճարի եղանակները ներառում են՝

• Բանկային հաշիվ
• Արագ վճարում
• Միջազգային բանկային փոխանցում
• Կանխավճարային դեբետային Payoneer Mastercard
• PayPal
• Western Union

Վերջնավճարների կարգավորման համար ձեր հյուրընկալման հաշվի կարգավորումներում անցեք Վճարումներ բաժնի Վերջնավճարներ ենթաբաժին և ավելացրեք վերջնավճարի եղանակ։ Ընտրված եղանակը կկիրառվի բոլոր հետագա վերջնավճարների համար, քանի դեռ չեք փոխել այն։

Գուցե անհրաժեշտ լինի տրամադրել հարկ վճարողի ձեր տվյալները, որպեսզի կարողանանք ճիշտ հարկային փաստաթղթեր ուղարկել ձեզ։ Չգիտե՞ք՝ արդյոք սա վերաբերում է ձեզ։ Իմացեք ավելին Airbnb-ից հարկային փաստաթղթերի մասին։

Մինչ ձեր վերջնավճարի եղանակը ստուգվում է, այն կերևա որպես հաստատման սպասող։ Ստուգման գործընթացը կարող է տևել մինչև 10 օր, եթե չեք ընտրում Արագ վճարում, որն ստուգվում է ակնթարթորեն։

Օրացույցում ընտրեք որևէ ամրագրում, որպեսզի տեսնեք ձեր եկամուտն այդ այցի համար։ Անցեք ամրագրման մանրամասներից ներքև, որտեղ կգտնեք հետևյալ տարրերը ներառող ցանկ՝

• հյուրի այցի մեկ գիշերվա գինը
• ըստ ցանկության՝ վճարներ մաքրման, տնային կենդանիների կամ լրացուցիչ հյուրերի համար
• զբաղեցման հարկեր
• Airbnb-ի սպասարկման վճարներ
• համահյուրընկալողի վերջնավճարը, եթե սահմանել եք այն
• ձեր ընդհանուր վերջնավճարը

Airbnb-ն սպասարկման վճարների միջոցով ծածկում է այն պրոդուկտների և ծառայությունների ծախսերը, որոնք ձեզ օգնում են տրամադրել ձեր տարածքը, օրինակ՝ հաճախորդների շուրջօրյա աջակցման ծախսերը։ Իմացեք ավելին Airbnb-ի սպասարկման վճարների մասին։

Եթե ձեր վերջնավճարն ակնկալվածից ավելի ցածր է, դա կարող է պայմանավորված լինել ավելացրած զեղչերով կամ ամրագրման չեղարկմամբ կամ փոփոխությամբ։ Վերջնավճարի որոշակի եղանակների նկատմամբ կարող են կիրառվել նաև գործարքի միջնորդավճարներ, թեև շատերը հասանելի են առանց լրացուցիչ ծախսերի։

Հյուրընկալման միջոցով վաստակած գումարը սովորաբար փոխանցվում է ժամանումից հետո մեկ աշխատանքային օրվա ընթացքում։ Որոշ դեպքերում գումարը փոխանցվում է մեկնումից հետո մեկ աշխատանքային օրվա ընթացքում, ներառյալ հետևյալ դեպքերը՝

• նոր հյուրընկալողը չի հաստատել իր տարածքը
• հյուրընկալողը խախտում է մեր պայմանները, կանոնները կամ ստանդարտները
• Airbnb-ն կարծում է, որ անհրաժեշտ է ողջամտորեն պաշտպանել Airbnb-ին, նրա անդամներին կամ երրորդ անձանց

Բացեք ձեր եկամուտների վահանակը, որպեսզի տեսնեք ամրագրման համար վերջնավճարի ժամկետները։ Airbnb-ի կողմից ձեր վերջնավճարի փոխանցումից հետո այն ստանալու ժամկետը կախված է ձեր ընտրած վերջնավճարի եղանակից։

Վերջնավճարի հասանելի եղանակները և ստացման սովորական ժամկետները ներառում են՝

• Արագ վճարում՝ 30 րոպե կամ ավելի քիչ
• Payoneer կանխավճարային դեբետային Mastercard՝ 24 ժամ կամ ավելի քիչ
• PayPal՝ 1 աշխատանքային օր
• Western Union՝ 1 աշխատանքային օր (կարող է տարբեր լինել՝ երկրից կամ տարածաշրջանից կախված)
• Բանկային փոխանցում՝ 3 – 5 աշխատանքային օր
• Միջազգային բանկային փոխանցում՝ 3 – 7 աշխատանքային օր

Երբ հյուրընկալում եք առնվազն 28 գիշեր տևողությամբ, Airbnb-ն ձեր եկամուտն ուղարկում է ամսական մասնավճարներով՝ սկսած ժամանումից հետո մեկ աշխատանքային օրվա ընթացքում։ Որոշ դեպքերում, այդ թվում՝ երբ նոր հյուրընկալողը չի հաստատել իր տարածքը, առաջին մասնավճարը փոխանցվում է ժամանումից 28 օր հետո։

Իմացեք ավելին վճարում ստանալու մասին։ Դուք կարող եք վերջնավճարների կարգավիճակը ցանկացած ժամանակ տեսնել ձեր եկամուտների վահանակում։