Ինչպես արձագանքել Airbnb-ում հրապարակված վատ կարծիքի

Վատ կարծիքը կարող է իսկապես ցավ պատճառել։ Բայց նույնիսկ ամենահյուրընկալ տանտերը կարող է ժամանակ առ ժամանակ բացասական արձագանք ստանալ հյուրերի կողմից։

Դուք միշտ ունեք ձեր տարածքի վերաբերյալ հրապարակային կարծիքներին պատասխանելու հնարավորություն։ Կառուցողական պատասխանը ցույց է տալիս, որ դուք կարևորում եք ձեր հյուրերի կարծիքը։ Կարող եք կատարել նաև այլ քայլեր, որպեսզի ընդհանրապես խուսափեք բացասական կարծիքներից։

Բացասական կարծիքին կարճ, սիրալիր հրապարակային պատասխան գրելը ձեզ հնարավորություն է տալիս հայտնելու, թե ինչպես եք բարելավումներ կատարում։

Հյուրերն ասում են, որ երբ հյուրընկալողը արձագանքում է կարծիքներին, իրենք ավելի վստահորեն են ամրագրում, որովհետև գիտեն, որ հյուրընկալողը պատրաստ է ընդունելու առաջարկները։

Դուք կարող եք պատասխանել կարծիքի ցանկացած ժամանակ։ Ահա մի քանի խորհուրդ, թե ինչպես գրել գերազանց պատասխան.

• Սկսեք կարծիքն ընդունելով և հյուրին շնորհակալություն հայտնելով։ Դա կարող է շատ հեշտ լինել․ պարզապես ասեք. «Շնորհակալություն կարծիքի համար, Մերի։ Մենք իսկապես գնահատում ենք, որ ժամանակ հատկացրիք ձեր ուղևորության մասին մտքեր հայտնելու համար»։

• Պատմեք, թե ինչպես եք բարելավել ձեր տարածքը։ Կարող եք ասել. «Ցավում ենք, որ մահճակալները հարմարավետ չէին։ Քնի որակը կարևոր է, ուստի ձեր կարծիքից հետո ավելացրել ենք հարմարավետ ներքնակերեսներ»։

«Որպես հյուր՝ ես չեմ ակնկալում, որ որևէ հյուրընկալող ունենա 100% անթերի կարծիքներ, բայց շատ ավելի տպավորված եմ նրանցից, ովքեր լուրջ են վերաբերվում քննադատական դիտողություններին և բարելավելու կամք են դրսևորում»,- ասում է Էնդրյուն՝ սուպերտանտեր Բեռլինից։

Կարծիքները կարող են հեռացվել, եթե խախտում են մեր Կարծիքների վերաբերյալ քաղաքականությունը։ Դուք կարող եք հաղորդել կարծիքի մասին, որը, ըստ ձեզ, ոտնահարում է մեր քաղաքականությունը։ Նաև կարող եք վիճարկել «պատժիչ» կարծիքը (անկախ այն բանից, թե երբ է հրապարակվել), եթե գրվել է այնպիսի հյուրի կողմից, որը, ձեր կարծիքով, կանոնների լուրջ խախտում է թույլ տվել։

Դրական կարծիքներին հրապարակայնորեն պատասխանելը շատ լավ միջոց է ցույց տալու, որ դուք արագ արձագանքող տանտեր եք։

Եթե պատասխանեք միայն բացասական կարծիքներին, հատուկ ուշադրություն կհրավիրեք դրանց վրա։ Փոխարենը՝ պատասխանեք նաև լավ կարծիքներին։ Նույնիսկ նման պարզ արտահայտությունը՝ «Շնորհակալություն իմ տանը մնալու համար», կարող է բավարար լինել։

Երբեմն վատ կարծիքը պարզապես տարբեր ակնկալիքների հետևանք է լինում։ Յուրաքանչյուր ամրագրում հնարավորություն է՝ ներկայանալու որպես հյուրընկալ տանտեր և առաջարկելուանկանխակալ հյուրընկալում։

Թեև երաշխիք չկա, որ երբեք վատ կարծիք չեք ստանա, կան քայլեր, որոնք կարող եք ձեռնարկել հյուրընկալման առօրյայի բարելավման համար։

• Հրապարակեք ձեր տարածքի իրական լուսանկարները, որտեղ կերևան ինչպես առավելությունները, այնպես էլ թերությունները։
• Ազնվորեն նկարագրեք տարածքը և գրեք տան կանոններ, որպեսզի հյուրերը հստակ հասկանան ձեր պայմանները։
• Փոփոխեք տարածքի նկարագրությունը՝ վատ կարծիքներում ներկայացված խնդիրները վերացնելու համար, հատկապես, եթե դրանք վեր են ձեր վերահսկողությունից, օրինակ՝ եթե տարածքը գտնվում է աղմկոտ փողոցում։
• Հաշվի առեք կարծիքը՝ տարածքը բարելավելու համար, օրինակ՝ ավելացրեք լրացուցիչ սրբիչներ, եթե հյուրն ասում է, որ դրանք բավարար չէին։
• Կապի մեջ եղեք հյուրերի հետ Airbnb հավելվածի միջոցով՝ նրանց այցի ընթացքում ծագող խնդիրներին լուծում տալու համար։

Այս հոդվածում պարունակվող տեղեկությունները կարող են փոխված լինել հրապարակումից հետո։