Ինչպես օպտիմալացնել հյուրընկալման առօրյան

Հյուրընկալումը ժամանակ է խլում, բայց, երբ հունի մեջ ընկնեք, կարող եք օպտիմալացնել ձեր առօրյայի մեծ մասը։ Այդ կերպ կարող եք կենտրոնանալ ձեր հյուրերի համար հիշարժան փորձառություն ստեղծելու վրա։

Մաքրման կանոններ սահմանելով՝ կկարողանաք մանրամասնորեն և արդյունավետորեն կազմակերպել մաքրության գործընթացը։

• Ճիշտ կլինի վարձել պրոֆեսիոնալ հավաքարարի։
• Համոզվեք, որ ձեր անկողնային պարագաներն ու սրբիչները նմանատիպ գույնի են, որպեսզի կարողանաք բոլորը միանգամից լվանալ։
• Միշտ պատրաստ ունեցեք լրացուցիչ անկողնային պարագաներ ու սրբիչներ՝ իրար հաջորդող հյուրերի կացությունն արագ կազմակերպելու համար։
• Պլանավորեք կանոնավոր ու մանրազնին մաքրություն՝ այցերի միջակայքում մաքրման աշխատանքները հեշտացնելու համար։
• Պլանավորեք մաքրման միջոցների և այլ անհրաժեշտ պարագաների, օրինակ՝ զուգարանի թղթի և օճառի պարբերական պատվերներ։ Սա կարող է խնայել ժամանակը և օգնել ձեզ խուսափել պաշարների սպառումից։

Հյուրերի հաղորդագրություններին պատասխանելը չպետք է ժամանակատար լինի։ Airbnb-ի գործիքներն օգնում են արագացնել գործընթացը։

• Ներբեռնեք Airbnb հավելվածը՝ արագ պատասխանելու համար։ Միացրեք push-ծանուցումները և սարքը պահեք ձեռքի տակ՝ ձայնը միացված վիճակում։
• Օգտագործեք պլանավորված հաղորդագրություններ, որոնք թույլ են տալիս որոշակի մանրամասներ հայտնել այն պահերին, երբ հյուրերը, հավանաբար, ունեն դրանց կարիքը (օրինակ՝ հաստատելով, որ հյուրերը ժամանման վերաբերյալ ցուցումներ են ստացել իրենց այցից մեկ օր առաջ)։
• Ստեղծեք արագ պատասխաններ, որպեսզի հաճախ տրվող հարցերին պատասխանեք ավելի արագ՝ նախապես գրելով պատասխանները։

Ժամանման պարզեցումը կօգնի, որ հյուրերն իրենց զգան ավելի լավ։

• Հայտարարությունների խմբագրիչում օգտագործեք Ժամանման ուղեցույցը, որպեսզի ավելացնեք կարևոր մանրամասներ՝ ներառյալ ժամանման եղանակն ու ժամը, ուղղությունները, տան ուղեցույցը և Wi-Fi-ի գաղտնաբառը։

• Ավելացրեք ինքնուրույն ժամանման տարբերակ՝ օգտագործելով թվային կոդեր, սմարթ կողպեքներ կամ մինի սեյֆեր, ինչի շնորհիվ կխնայեք ձեր ժամանակն ու հյուրերին կտրամադրեք ավելի մեծ ճկունություն։

• Ավելացրեք համահյուրընկալողի, որը կօգնի կառավարել ձեր հայտարարություններն ու ամրագրումները։

Այս հոդվածում պարունակվող տեղեկությունները կարող են փոխված լինել հրապարակումից հետո։