Ինչ է նշանակում «Հյուրերի սիրելի»
Airbnb-ն ունի տների ավելի քան 8 միլիոն հայտարարություն ամբողջ աշխարհում։ Յուրաքանչյուրը յուրահատուկ է. դա Airbnb-ի առանձնահատկությունն է։
Մնալու հիանալի վայր գտնելու լավագույն միջոցներից մեկն իմանալն է, թե որ տներն են հյուրերն ամենից շատ սիրում։ Ահա թե ինչու ենք ստեղծել «Հյուրերի սիրելի» կատեգորիան։
Ի՞նչ է «Հյուրերի սիրելի» կատեգորիան
«Հյուրերի սիրելի» նշումով տներն Airbnb-ում հյուրերի կողմից ամենասիրված տների հավաքածու են։ Դրանք հիմնված են ավելի քան կես միլիարդ ուղևորությունների արդյունքում ստացված գնահատականների, կարծիքների և հուսալիության տվյալների վրա։ «Հյուրերի սիրելի» տարածքները թարմացվում են ամեն օր, այնպես որ, եթե ձեր հայտարարությունը հիմա ներառված չէ, շուտով այն կարող է ներառվել։
Մի շարք գործոններ օգնում են տարանջատել «Հյուրերի սիրելի» կատեգորիայի տարածքները, օրինակ՝
- վերջին 4 տարում հյուրերի առնվազն 5 կարծիք, այդ թվում՝ առնվազն 1 կարծիք վերջին 2 տարում
- ընդհանուր վարկանիշ, հյուրերի կարծիքներ և հյուրերի ու հյուրընկալողների միջև շփումներ հարթակում
- բարձր գնահատականներ ժամանման, մաքրության, ճշգրտության, շփման, գտնվելու վայրի և գին/որակ հարաբերակցության համար
- հուսալիության գերազանց ցուցանիշ, օրինակ՝ հյուրընկալողի կողմից չեղարկումների և հաճախորդների սպասարկման որակի հետ կապված խնդիրների 1%-ից ցածր միջին ցուցանիշ
Եթե ունեք մեկից ավելի հայտարարություններ, յուրաքանչյուրն առանձին կուսումնասիրվի «Հյուրերի սիրելի» նշանակին համապատասխանությունը որոշելիս։
Ինչպես գտնել «Հյուրերի սիրելի» նշումով տուն
«Հյուրերի սիրելի» տարածքները հասանելի են ամբողջ աշխարհում, և դրանք հեշտությամբ կարելի է գտնել Airbnb-ում։
«Հյուրերի սիրելի» տները որոնման արդյունքներում և հայտարարության էջում ունեն նշանակ։ Ճանապարհորդները զտիչի միջոցով կարող են որոնել «Հյուրերի սիրելի» տարածքներ։
«Հյուրերի սիրելի» և սուպերտանտերեր
Սուպերտանտերերը բարձրակարգ հյուրընկալողներ են, որոնք ճանաչում են ստացել իրենց հիանալի հյուրընկալության շնորհիվ։ Սուպերտանտերերի վիճակագրությունը գնահատվում է ամեն եռամսյակ՝ ըստ այս պահանջների։ Պահանջները բավարարող հյուրընկալողները ստանում են սուպերտանտիրոջ նշանակ, որը ցուցադրվում է իրենց հայտարարության մեջ և պրոֆիլում։
Եթե դուք սուպերտանտեր եք, որն ունի «Հյուրերի սիրելի» կատեգորիայում ընդգրկված տարածք, ապա երկուսն էլ կնշվեն ձեր հայտարարության էջում, և հայտարարությունը որոնման արդյունքներում կունենա «Հյուրերի սիրելի» նշանակ։ Եթե դուք սուպերտանտեր եք, որի տարածքը դեռ չի համապատասխանում «Հյուրերի սիրելի» կատեգորիայի չափանիշներին, միևնույն է, ձեզ կճանաչեն սուպերտանտիրոջ նշանակով։
Այս հոդվածում պարունակվող տեղեկությունները կարող են փոխված լինել հրապարակումից հետո։