Ինչպես փորձառության հայտարարությունը նախապատրաստել ամրագրման համար

Շնորհավորում ենք ձեր Airbnb փորձառության հաստատման կապակցությամբ։ Հայտարարությունը հրապարակելուց հետո կարող եք անել երկու բան, որպեսզի գրավեք ձեր առաջին հյուրերին։

Կարգավորեք օրացույցը, որպեսզի հյուրերը կարողանան ամրագրել փորձառությունը։ Որոշեք, թե որքան հաճախ եք առաջարկելու միջոցառումը՝ հաշվի առնելով դրա տևողությունը, ձեր զբաղվածության աստիճանը և բիզնես նպատակները։

Սկսելու համար ընտրեք հյուրընկալման օր և հպեք Պլանավորել փորձառություն։ Ընտրեք ժամը, ամրագրման տեսակը, գինը, խմբի չափը և այլ մանրամասներ։ Ամսական 10 կամ ավելի անգամ, այդ թվում՝ շաբաթական առնվազն մեկ հանգստյան օրվա ընթացքում միջոցառում առաջարկելով՝ կօգնեք հյուրերին գտնել իրենց հարմար ամսաթիվ և ժամ։

Շատ հյուրընկալողներ ավելացնում են ազատ օրեր մինչև երկու ամիս ժամանակահատվածում, որպեսզի մեծացնեն ամրագրումներ ստանալու հավանականությունը։ Կարող եք պլանավորել ամենօրյա փորձառություն առավելագույնը 60 օր առաջ և շաբաթական փորձառություն առավելագույնը 52 շաբաթ առաջ։

Չեղարկումներից խուսափելու համար անպայման արգելափակեք բոլոր այն ամսաթվերը, երբ չեք կարող հյուրընկալել։ Նաև կարող եք նախապատրաստական աշխատանքների կամ մաքրման համար որոշ ժամանակ արգելափակել միջոցառումից առաջ։

Շատ հյուրեր Airbnb փորձառություններ ամրագրելիս հաշվի են առնում գինը։ Սահմանեք մրցունակ գին, որպեսզի ձեր հայտարարությունն աչքի ընկնի։

Սկսեք ծախսերի փոխհատուցման համար անհրաժեշտ գումարը հաշվարկելուց։ Այնուհետև մտածեք՝ արդյոք մեկ անձի համար ավելի ցածր գին առաջարկելը կօգնի գրավել ավելի շատ հյուրերի և մեծացնել հասույթը։ Օրինակ՝

• 4 հյուր է ամրագրել, յուրաքանչյուրի վճարած գինը՝ 75 ԱՄՆ դոլար, միասին = 300 ԱՄՆ դոլար
• 8 հյուր է ամրագրել, յուրաքանչյուրի վճարած գինը՝ 60 ԱՄՆ դոլար, միասին = 480 ԱՄՆ դոլար

Նաև կարող եք ստեղծել նոր փորձառության հատուկ առաջարկ, որը կօգնի գրավել ձեր առաջին հյուրերին և ստանալ կարծիքներ։ Հատուկ առաջարկը 30 օրվա ընթացքում գնի 5%-ից 50% զեղչ կիրառելու հնարավորություն է։

Առնվազն 20% զեղչ ընտրելու դեպքում զեղչված գինը կցուցադրվի Airbnb-ի որոնման արդյունքներում՝ սկզբնական վրագծված գնի կողքին։ Երբ առաջարկն ավարտվի, փորձառության սկզբնական գինը կվերականգնվի։

Հատուկ առաջարկ ստեղծելու համար՝

1. Բացեք ձեր հայտարարությունը և հպեք Փոփոխել
2. Գնացեք Գների կարգավորումներ և հպեք Զեղչեր
3. Հատուկ առաջարկներ բաժնում բացեք Նոր փորձառության հատուկ առաջարկ և հպեք Ստեղծել առաջարկ

Դուք եք միշտ վերահսկում գնանշումը և մյուս կարգավորումները։ Արդյունքները կարող են տարբեր լինել։

Այս հոդվածում պարունակվող տեղեկությունները կարող են փոխված լինել հրապարակումից հետո։