Ինչպես տարածքը հարմարավետ դարձնել հեռավար աշխատողների համար

Քանի որ հեռավար աշխատանքն ավելի տարածված է դառնում շատ վայրերում, մենք նկատել ենք մեծ փոփոխություններ, թե ինչպես և ինչու են մարդիկ ճանապարհորդում։ Այդ փոփոխություններով պայմանավորված՝ ավելի ու ավելի շատ հյուրեր են հետաքրքրվում այնպիսի տարածքներով, որոնք ունեն աշխատանքը ցանկացած տեղում կատարելու հարմարություններ։

Ահա թե ինչպես ապահովել համապատասխան հարմարություններ, ստեղծել հատուկ աշխատանքային տարածք և գովազդել տարածքը։

Ինտերնետ կապը պարտադիր է հեռավար աշխատողների համար, որոնց անհրաժեշտ է տեսազանգերի մասնակցելու և այլ առաջադրանքներ կատարելու հնարավորություն ապահովող արագ և հուսալի Wi-Fi։

Կարող եք ձեր տարածքում Wi-Fi-ի արագությունը ստուգել առանց Airbnb հավելվածից դուրս գալու՝ օգտվելով Wi-Fi-ի արագության չափման գործիքից։ Այս գործիքը թույլ է տալիս ստուգել ձեր սեփականության Wi-Fi-ի արագությունը, հետո այն ցուցադրել անմիջապես հայտարարության էջում, ինչի շնորհիվ կկարողանաք գրավել արագ կապի առկայություն պահանջող ավելի շատ հյուրերի։

Եթե ձեր տարածքի որոշ հատվածներում ազդանշանը թույլ է, Wi-Fi-ի ուժեղացուցիչները և ընդարձակիչները կարող են բարելավել ազդանշանի որակը։ Օգտակար կլինի նաև իմանալ, թե ինչպես հեռակա կարգով ստուգել երթուղավորիչը՝ ձեր Wi-Fi-ը վերահսկելու համար։

Կատարեք Wi-Fi-ի արագության ստուգում

Հյուրերը, որպես հիմնական հարմարություն, որոնում են հատուկ աշխատանքային տարածքներ, և այդպիսին ստեղծելն ավելի հեշտ է, քան կարելի է պատկերացնել։ Ձեր հայտարարության մեջ այս հարմարությունն ավելացնելու համար անհրաժեշտ է առաջարկել աշխատանքային սեղան կամ գրասեղան, հասանելի վարդակ և հարմարավետ աթոռ։

Քանի որ հեռավար աշխատող զույգերը կարող են ունենալ առանձին տարածքների կարիք, դիտարկեք երկու աշխատանքային տարածք ստեղծելու հնարավորությունը։ Կարող եք հյուրերին տեղեկացնել այս առանձնահատկությունների մասին՝ հայտարարության «Հարմարություններ» բաժնում ընտրելով Հատուկ աշխատանքային տարածք և տարածքի նկարագրության մեջ, լուսանկարներում ու մակագրերում ցուցադրելով աշխատանքային տարածքները։

Հատուկ աշխատանքային տարածք չունեցող տանտերերը նույնպես կարող են ընդունել հեռավար աշխատող հյուրերի։ Երբ հյուրը պետք է հեռավար աշխատի, «ես խոհանոցի սեղանի աթոռներից մեկը փոխարինում եմ անվավոր փափուկ գրասենյակային բազկաթոռով»,- ասում է սուպերտանտեր Էմիլիան՝ Մեն նահանգի Օրոնո քաղաքից։ «Կարծում եմ՝ աթոռն ինքնին մեծ նշանակություն ունի»։

Բացի հատուկ աշխատանքային տարածքից՝ հյուրերը կարևորում են նաև լրացուցիչ մանրուքները, որոնք կարող են ավելի հաճելի և արդյունավետ դարձնել հեռավար աշխատանքը։

Ահա որոշ տարբերակներ, որոնք կարող եք նկատի ունենալ ձեր տարածքի համար.

• Աշխատանքի համար նախատեսված այլընտրանքային տարածքներ։ Հյուրասենյակում, ճաշասենյակում կամ պատիոյում կարելի է կատարել միջավայրը թարմացնող փոփոխություն և ստեղծել մի քանի մարդու համար միաժամանակ աշխատելու հնարավորություն։
• Էրգոնոմիկ հարմարություններ։ Նոթբուքի տակդիրը, էրգոնոմիկ գրասենյակային աթոռը և կարգաբերելի ոտնդիրը կարող են օգտակար լինել երկար աշխատանքային օրերն ավելի հանգիստ անցկացնելու համար։
• Լավ լուսավորություն։ Թեև բնական լույս ապահովող պատուհանները կամ ապակյա դռները իդեալական տարբերակ են, գրասեղանի լամպը նույնպես կարող է լուսավորել աշխատանքային տարածքը։
• Սրճեփ և թեյնիկ։ Շատ հյուրեր կարևորում են կոֆեինի բաժնաչափը, որը եռանդ է հաղորդում իրենց։ Կարող եք նույնիսկ թեյ և սուրճ տրամադրել, և այդ հավելյալ քայլին գնալու համար կենսակերպի բլոգեր Էլսին՝ սուպերտանտեր Թենեսի նահանգի Նեշվիլ քաղաքից, խորհուրդ է տալիս առաջարկել սուրճ պատրաստելու մի քանի տարբերակներ, օրինակ՝ ֆրենչ-պրես սրճեփով և ավտոմատ սրճեփ մեքենայով։
• Գրենական պիտույքներ։ Այնպիսի հասարակ իրերը, ինչպիսիք են գրիչները և նոթատետրերը, հաճախ շատ պետքական են լինում, մինչդեռ տպիչից օգտվելու հնարավորությունը կօգնի ձեր հայտարարությունն առանձնացնել մյուսներից։
• Տեխնոլոգիական աջակցություն։ Համակարգչի մոնիտորը, խելացի բարձրախոսները և հեռախոսի լրացուցիչ լիցքավորիչները կարող են ձեր աշխատանքային տարածքը բարձրացնել հաջորդ մակարդակի։
• Տեսակոնֆերանսների անցկացման վայրի խորապատկեր։ Աշխատանքային տարածքի ֆոն հանդիսացող որևէ հետաքրքիր պաստառ, բույսեր կամ արվեստի գործեր կարող են գրավիչ լինել այն հյուրերի համար, որոնք հաճախ են օգտվում տեսազանգերից։
• Աղմուկի նվազեցում։ Գործվածքեղենը, օրինակ՝ վարագույրները, գորգերը, ծածկոցները և բարձերը, կարող է մեղմել ուշադրության շեղումներն աղմուկի պատճառով։

Երբ ձեր տարածքը հարմարավետ դարձնեք հեռավար աշխատողների համար, կարևոր է թարմացնել տարածքի նկարագրությունը, հարմարությունները և լուսանկարները, որպեսզի հյուրերն իմանան, որ այն ունի գործնական ուղևորությունների համար հարմար տեղ։

• Օգտվեք որոնման զտիչներից։ Հայտարարություններ դիտելիս շատ հյուրեր կիրառում են զտիչներ, որպեսզի գտնեն իրենց ուզած հարմարություններով տարածքներ, ուստի անպայման նշեք հատուկ աշխատանքային տարածքը և այն ամենը, ինչ առաջարկում եք։
• Թարմացրեք ձեր լուսանկարներն ու մակագրերը։ Քանի որ հյուրերը կարող են նախքան նկարագրությունը կարդալն աչքի անցկացնել ձեր տարածքի լուսանկարները, համոզվեք, որ ձեր նկարներում պատկերված են առաջարկվող բոլոր աշխատանքային տարածքները։ Իմացեք, թե ինչպես ստանալ հիանալի լուսանկարներ
• Այնպես արեք, որ հյուրերն իրենց պատկերացնեն ձեր տարածքում։ Համոզվեք, որ ձեր տարածքի նկարագրությունը ներկայացնում է հեռավար աշխատող հյուրերի համար նախատեսված հարմարություններ։ Եթե իսկապես ուզում եք աչքի ընկնել, կարող եք այդ տեղեկությունները ներառել ձեր հայտարարության վերնագրում։

Նաև օգտակար կլինի հյուրերի ժամանումից առաջ հաղորդագրություններ ուղարկել նրանց։ Հիշեցրեք, որ առաջարկում եք սուրճ, համակարգչի մոնիտոր և այլն, որպեսզի նրանք պլանավորեն համապատասխանաբար։

Հուսով ենք՝ այս խորհուրդները կօգնեն ստեղծել հյուրընկալ տարածք։ Հաշվի առնելով ձեր հյուրերի կարիքները՝ կարող եք հարմարավետ և արդյունավետ այց ապահովել հեռավար աշխատողների համար։