Ինչ է պետք իմանալ երեխաների հետ ընտանիքներ հյուրընկալելու մասին

Մանրուքները կարող են մեծ նշանակություն ունենալ փոքր երեխաների հետ ճանապարհորդողների համար։ Ընտանիքների համար հատուկ հարմարություններ կամ սարքավորումներ առաջարկելը կարող է ձեր տունը գրավիչ դարձնել ավելի շատ հյուրերի համար։

Կարող եք թարմացնել ձեր տունը, որպեսզի այն հարմար լինի ընտանիքների համար։ Անպայման ձեռնարկեք անվտանգության նվազագույն նախազգուշական միջոցներ, որոնք կօգնեն պաշտպանել հյուրերին և ձեր տունը։

• Ընտրեք ամուր ու անվտանգ կահույք և հնարավորության դեպքում խուսափեք ապակիներով տարբերակներից։
• Ջարդվող և սուր առարկաները դրեք երեխաների համար անհասանելի տեղում։
• Գնեք չկոտրվող սպասք և խոհանոցը համալրեք բազմակի օգտագործման պլաստիկ բաժակներով ու ափսեներով։
• Սողնակներ դրեք պահարաններին և պաշտպանիչ ծածկեր՝ հոսանքի վարդակներին։
• Ընտրեք ամուր, հեշտ մաքրվող նյութեր, օրինակ՝ բարձրորակ գործվածքներ։
• Տրամադրեք հաճախակի պահանջվող իրեր, օրինակ՝ լրացուցիչ սրբիչներ և սավաններ։
• Փայտյա հատակները ծածկեք լվացվող գորգերով։
• Տեղադրեք ծխի և շմոլ գազի հայտնաբերիչներ և պարբերաբար փոխեք մարտկոցները։
• Տեղադրեք կրակմարիչ խոհանոցի սալօջախի մոտ։
• Ձեր տան ուղեցույցում և հյուրերի համառոտ տեղեկատվական քարտում ներառեք արտակարգ իրավիճակների տեղական ծառայությունների համարները։

Երբ նախապատրաստեք ձեր տունը, թարմացրեք հայտարարության մանրամասները և արդիականացրեք հարմարությունները, որպեսզի գրավեք ամրագրումներ և ձևավորեք ակնկալիքներ։ Ընտրությունը կոնկրետացնելու համար հյուրերը կարող են օգտագործել որոնման զտիչներ։

• Ավելացրեք ձեր առաջարկած բոլոր հարմարությունները, այդ թվում՝ հաճախ օգտագործվող պարագաները, օրինակ՝ օրորոց և բարձր մանկական աթոռ։
• Եթե ունեք լվացքի մեքենա կամ չորանոց, նշեք՝ արդյոք տրամադրում եք լվացքի միջոց, և արդյոք կան լրացուցիչ վճարներ։
• Եթե ունեք լոգարան, նշում ավելացրեք ձեր հայտարարության մանրամասներում և լուսանկարը ներառեք պատկերասրահում։
• Եվս մեկ անգամ ստուգեք և համոզվեք, որ լուսանկարները հաղորդում են այն ամենը, ինչ նկարագրել եք։
• Ձեր ուղեցույցում ավելացրեք ընտանիքների համար հարմար խորհուրդներ, օրինակ՝ մոտակա խաղահրապարակների մասին, և որտեղից կարելի է գնել կամ համալրել անհրաժեշտ պարագաները։

Այս հոդվածում պարունակվող տեղեկությունները կարող են փոխված լինել հրապարակումից հետո։