Ինչ է պետք իմանալ ընտանիքների հյուրընկալման մասին

Շատ գրասենյակներ, դպրոցներ և ցերեկային կենտրոններ փակ են ամբողջ աշխարհում, ուստի այժմ ծնողներն ավելի մեծ ճկունություն ունեն իրենց ապրելու և աշխատելու վայրի ընտրության հարցում։ Շատերն են ուզում ավելի հաճախ ճանապարհորդել, նույնիսկ ժամանակավորապես իրենց ընտանիքների հետ միասին տեղափոխվել ավելի շատ տարածք և դրսում լինելու հնարավորություն ունեցող վայրեր։

Թեև որոշ տարածքներում երեխաներին հյուրընկալելը կարող է անվտանգ չլինել, ահա թե ինչ պետք է իմանաք, եթե պատրաստ եք նրանց ընդունելու ձեր տարածքում։

Եթե վստահ չեք, որ ձեր տարածքում կարելի է հյուրընկալել երեխաների հետ ճամփորդող հյուրերի, կան մի շարք քայլեր, որոնք կարող եք ձեռնարկել ձեզ ավելի հանգիստ զգալու համար։

Նախապես տեղեկացրեք, թե ինչ կա, և ինչ չկա ձեր տարածքում։

Օգնեք ծնողներին համապատասխանորեն պատրաստել ճամպրուկները՝ մանրամասն պատմելով, թե ինչ հարմարություններ ունեք։ Ձեր ուղեցույցում կարող եք ներառել նաև խորհուրդներ, թե որտեղից կարելի է գնել կամ համալրել անհրաժեշտ պարագաները։

Որպեսզի ձեզ օգնենք անցում կատարել ընտանիքներ հյուրընկալելուն, ահա թե ինչպես կարող եք ժամանակի ընթացքում նախապատրաստել ձեր տարածքը.

• ընտրեք ամուր ու անվտանգ կահույք և հնարավորության դեպքում խուսափեք ապակիներով տարբերակներից
• հեշտացրեք մաքրություն անելը՝ հրաժարվելով ավելորդ առարկաներից ու զարդարանքներից
• ջարդվող և սուր առարկաները դրեք երեխայի համար անհասանելի տեղում
• գնեք չկոտրվող սպասք և խոհանոցը համալրեք բազմակի օգտագործման պլաստիկ բաժակներով ու ափսեներով
• սողնակներ դրեք պահարաններին և պաշտպանիչ ծածկեր՝ հոսանքի վարդակներին
• ընտրեք ամուր, հեշտ մաքրվող գործվածքներ, օրինակ՝ բացօթյա կահույքի համար օգտագործվող նյութեր
• փայտյա հատակները ծածկեք լվացվող գորգերով

Ձեռնարկեք նվազագույն անվտանգության նախազգուշական միջոցներ, որոնք կօգնեն պաշտպանել հյուրերին և տունը։

• Տեղադրեք ծխորոշիչ, շմոլ գազի հայտնաբերիչ, խոհանոցի սալօջախի մոտ՝ կրակմարիչ, որպեսզի բոլորը հանգիստ զգան իրենց
• Անպայման նշեք այս հարմարությունները ձեր հայտարարության մեջ և չմոռանաք պարբերաբար փոխել մարտկոցները
• Ձեր տան ուղեցույցում և հյուրերի համառոտ տեղեկատվական քարտում ներառեք արտակարգ իրավիճակների տեղական ծառայությունների համարները

Մտածեք մաքրման վճար պահանջելու մասին։
Շատ հյուրընկալողներ մաքրման վճար են ներառում, որպեսզի փոխհատուցվի մաքրման պարագաների կամ պրոֆեսիոնալ մաքրման ծառայության արժեքը։ Ավելին այն մասին, թե ինչպես ավելացնել մաքրման վճար, եթե դեռ չեք ավելացրել այն։

Իմացեք, թե ինչ պետք է անել, եթե խնդիր առաջանա։
Անկախ այն բանից, թե որքանով եք պատրաստ պատահարների, դրանք, այնուամենայնիվ, կարող են լինել, բայց կան մի քանի միջոցներ, որոնք կօգնեն պաշտպանվել Airbnb-ի միջոցով հյուրընկալելիս։

• Գումար պահանջեք Խնդիրների լուծման կենտրոնի միջոցով. կարող եք դիմել Խնդիրների լուծման կենտրոն՝ բացակայող կամ վնասված իրերի, լրացուցիչ ծառայությունների կամ ուղևորության հետ կապված այլ խնդիրների դեպքում, օրինակ՝ եթե կորցրել եք տան բանալին։ Կարող եք նաև գումար ուղարկել հյուրին՝ փոխհատուցելու որոշ խնդիրների դեպքում, օրինակ՝ եթե ձեր տարածքը պատրաստ չի եղել ժամանման պահին։
• Ծանոթացեք Հյուրընկալողների AirCover-ին. Հյուրընկալողների AirCover-ը ներառում է Հյուրընկալողի պաշտպանությունը գույքային վնասից և Հյուրընկալողի պատասխանատվության ապահովագրությունը։ Այն միշտ ներառված է և անվճար։
  

Եթե ուզում եք գրավել ընտանիքով ճանապարհորդողների, մտածված մանրուքները կօգնեն ձեզ աչքի ընկնել որպես իդեալական հյուրընկալող։ Չմոռանաք տրամադրել լրացուցիչ սրբիչներ և սավաններ, որպեսզի նրանք իրենց զգան ինչպես տանը։ Օգտակար է նաև ունենալ զուգարանի թղթի և խոհարարական տարրերի՝ աղի, սև պղպեղի և այլ համեմունքների պաշարներ։ 

Թենեսի նահանգի Նեշվիլ քաղաքում հյուրընկալող Էլսին պատմում է, թե ինչպես է ստեղծում ընտանեկան հանգստի համար հարմար տարածք.

Խորհուրդ. մաքրման պարագաները, օրինակ՝ թղթյա սրբիչները, ախտահանող անձեռոցիկները և բծահանող միջոցները, երբեք շատ չեն լինում, հատկապես ավելի երկար այցերի դեպքում։

Այս քայլերն անելուց հետո ժամանակն է ցուցադրելու ձեր տարածքը՝ թարմացնելով հայտարարության մանրամասներն ու առաջարկվող հարմարությունները։

• Հայտարարությանն ավելացրեք արդիական վերնագիր և նկարագրություն, որպեսզի գրավեք ճիշտ կատեգորիայի ճանապարհորդների և սահմանեք հստակ ակնկալիքներ
• Երեխաների հետ ճամփորդող հյուրերը կարող են իրենց ընտրությունը նեղացնելու համար օգտագործել որոնման զտիչներ, ուստի հիշեք, որ նաև հարկավոր է թարմացնել հարմարությունները։ (Եթե ունեք մեկից ավելի հայտարարություններ, կարող եք ձեր բոլոր տարածքների հարմարությունները թարմացնել «Հայտարարություններ» էջում)։ Օրորոցն ու բարձր մանկական աթոռակը պարտադիր հարմարություններ են մանուկների հետ ճամփորդող հյուրերի համար։
• Նշեք հարմարությունները, օրինակ՝ օդորակիչը, լվացքի մեքենան կամ չորանոցը և խոհանոցը, եթե դրանք առկա են ձեր տարածքում
• Եթե լվացքի մեքենա եք առաջարկում, նշեք՝ արդյոք տրամադրում եք լվացքի միջոց, և արդյոք կան լրացուցիչ վճարներ
• Լոգարանի առկայությունը հեշտացնում է երեխաների լոգանքը։ Անպայման նշեք, եթե ձեր տարածքում կա լոգարան, և լուսանկարը ներառեք ձեր պատկերասրահում
• Եվս մեկ անգամ ստուգեք և համոզվեք, որ լուսանկարները հաղորդում են այն ամենը, ինչ նկարագրել եք։ Ծանոթացեք մեր մանրամասն լուսանկարչական ձեռնարկին, որպեսզի իմանաք, թե ինչպես ընդգծել ճանապարհորդների կարիքները բավարարելու բոլոր եղանակները։

Թեև ձեր տարածքը երեխաների հետ ճամփորդող ընտանիքների համար հարմար դարձնելը կարող է լրացուցիչ ջանքեր պահանջել, այս մտածված հարմարությունները ձեր բոլոր հյուրերին ուրախացնելու լավագույն միջոցներից են։

Հյուրընկալողների AirCover-ի Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տարածքներ կամ փորձառություններ են առաջարկում Ճապոնիայում, որտեղ գործում են Ճապոնիայում հյուրընկալողի ապահովագրությունը և Ճապոնիայում Փորձառությունների պաշտպանության ապահովագրությունը, կամ այն հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Այն հյուրընկալողների համար, որոնք տարածքներ կամ փորձառություններ են առաջարկել մայրցամաքային Չինաստանում, գործում է Չինաստանում հյուրընկալողների պաշտպանության պլանը։ Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով։

Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը երաշխավորված են կողմնակի ապահովագրական ընկերությունների կողմից։ Եթե հյուրընկալում եք Միացյալ Թագավորությունում, ապա Հյուրընկալողի պատասխանատվության ապահովագրության պոլիսը և Փորձառություն հյուրընկալողի պատասխանատվության ապահովագրության պոլիսը երաշխավորված են Zurich Insurance Company Ltd.-ի կողմից և Միացյալ Թագավորության հյուրընկալողների համար կազմակերպվում ու կնքվում են առանց լրացուցիչ ծախսերի՝ Airbnb UK Services Limited-ի կողմից, որը Ֆինանսական վերահսկողության վարչության (FCA) կողմից թույլատրված և կարգավորվող Aon UK Limited ընկերության նշանակված ներկայացուցիչն է։ Aon-ի FCA գրանցման համարը 310451 է։ Դա կարող եք ստուգել Ֆինանսական ծառայությունների ռեգիստրում՝ այցելելով FCA-ի կայք կամ 0800 111 6768 հեռախոսահամարով կապվելով FCA-ի հետ։ «Հյուրընկալողների AirCover» ծրագրի շրջանակներում Հյուրընկալողի պատասխանատվության և Փորձառություն հյուրընկալողի պատասխանատվության պոլիսները կարգավորվում են Ֆինանսական վերահսկողության վարչության կողմից։ Մնացած պրոդուկտներն ու ծառայությունները Airbnb UK Services Limited ընկերության կողմից տրամադրված կարգավորվող պրոդուկտներ չեն։ FPAFF610LC 

Հյուրընկալողի պաշտպանությունը գույքային վնասից ապահովագրություն չէ և կապված չէ Հյուրընկալողի պատասխանատվության ապահովագրության հետ։ «Հյուրընկալողի պաշտպանություն գույքային վնասից» ծրագիրը փոխհատուցում է հյուրերի կողմից տանը և իրերին հասցված որոշ վնասներ, եթե հյուրը չի փոխհատուցում այդ վնասները։ Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ Այն հյուրընկալողների համար, որոնց բնակության կամ գործունեության երկիրը Ավստրալիան չէ, գործում են «Հյուրընկալողի պաշտպանություն գույքային վնասից» ծրագրի այս պայմանները։ Այն հյուրընկալողների համար, որոնց բնակության կամ գործունեության երկիրը Ավստրալիան է, hյուրընկալողի պաշտպանությունը գույքային վնասից կարգավորվում է Ավստրալիայի օգտատերերի համար մշակված «Հյուրընկալողի պաշտպանություն գույքային վնասից» ծրագրով։

Այս հոդվածում պարունակվող տեղեկությունները կարող են փոխված լինել հրապարակումից հետո։