Տրամադրեք լրացուցիչ մանրամասներ

Գուցե հարց առաջանա, թե ինչու է հայտարարություն ստեղծելիս պահանջվում տրամադրել որոշակի անձնական տվյալներ։ Նպատակը «Ճանաչիր քո հաճախորդին» (KYC) կոչվող իրավական պահանջը կատարելն է։

«Ճանաչիր քո հաճախորդին» (KYC) սկզբունքը կարգավորիչ պահանջ է, որը նախատեսված է Airbnb համայնքը խարդախությունից պաշտպանելու և փողերի լվացման և ահաբեկչության ֆինանսավորումը կանխարգելելու համար։ Վճարումների մշակման լիցենզիա ունեցող ընկերությունները, օրինակ՝ Airbnb-ի վճարային դուստր ձեռնարկությունները, պետք է ունենան KYC ընթացակարգեր։ Այլ կերպ ասած՝ մենք պետք է իմանանք, թե ով է մուտք գործում յուրաքանչյուր Airbnb հաշիվ, և ով է ստանում վճարումներ։

Անհրաժեշտ է տրամադրել այս 4 տվյալները, որպեսզի կարողանաք հրապարակել ձեր հայտարարությունը։

• Անունը և ազգանունը՝ ըստ փաստաթղթերի. դուք սա տրամադրել եք ձեր Airbnb հաշիվը ստեղծելու ժամանակ։
• Ծննդյան ամսաթիվը. դուք սա տրամադրել եք ձեր Airbnb հաշիվը ստեղծելու ժամանակ։
• Բնակության հասցեն. տրամադրեք ձեր ներկայիս հասցեն։ Եթե այն տարբերվում է ձեր տարածքի հասցեից, հյուրերը չեն տեսնի այն։ Հյուրերը ձեր տարածքի հասցեն կտեսնեն միայն ամրագրման հաստատումից հետո։
• Որպես ընկերությո՞ւն եք հյուրընկալում։ Սա հիմնականում նշանակում է, որ ձեր ընկերությունը գրանցված է պետական մարմիններում կամ կառավարությունում։ ԵՄ-ում հյուրընկալողների դեպքում որպես ընկերություն հյուրընկալելը նշանակում է, որ այն ձեր եկամտի հիմնական աղբյուրն է, կամ աշխատում եք որևէ ընկերությունում, օրինակ՝ բուտիկ-հյուրանոցում կամ անշարժ գույքի կառավարման ընկերությունում։

Ձեր տվյալները մշակվում են մեր Գաղտնիության քաղաքականության համաձայն։

KYC գործընթացի շրջանակներում տրամադրվող տեղեկությունները պահանջվում են վճարում ստանալու համար։ Դուք չեք կարողանա հայտարարություն հրապարակել Airbnb-ում, քանի դեռ չեք տրամադրել այս մանրամասները։

Ձեր գտնվելու վայրից կախված՝ կարող ենք պահանջել որոշ լրացուցիչ տեղեկություններ, օրինակ՝ փաստաթուղթ, որը կհաստատի ձեր անունը և ազգանունը՝ ըստ փաստաթղթերի, և անձը հաստատող պետական փաստաթղթում նշված ծննդյան ամսաթիվը։

Եթե հյուրընկալում եք որպես ընկերություն, հայտարարության հրապարակումից հետո կխնդրենք տրամադրել ձեր ընկերության տվյալները։ Դրանք կարող են ներառել ձեր ՀՎՀՀ-ն, գրանցման մանրամասները և տեղեկություններ սեփականատերերի մասին։

Այս հոդվածում պարունակվող տեղեկությունները կարող են փոխված լինել հրապարակումից հետո։