Ներկայացնում ենք «Այսօր» ներդիրը՝ ձեր հյուրընկալման կենտրոնը

Օրացույցի լրացմանը զուգընթաց՝ հյուրընկալման պարտականությունները, ամենայն հավանականությամբ, կավելանան։ «Այսօր» ներդիրը՝ առաջին էկրանը, որը հայտնվում է Airbnb հավելվածում կամ կայքում հյուրընկալման ռեժիմ անցնելիս, նախատեսված է առօրյա խնդիրների վրա ժամանակ խնայելու համար։

«Այսօր» ներդիրից կարող եք կառավարել ամրագրման հայտերը կամ ամրագրումները և հեշտությամբ օգտվել լրացուցիչ գործիքներից՝ առաջադրանքները կատարելու համար։ Կարող եք գտնել նաև այլ ռեսուրսներ, այդ թվում՝ Airbnb-ի ամենաթարմ նորությունները և խորհուրդները։

Անկախ այն բանից՝ «Այսօր» ներդիրից օգտվում եք շարժական սարքում, թե համակարգչում, այս էկրանում ներկայացվում են հյուրընկալման առօրյային մշտապես հետևելու համար անհրաժեշտ միևնույն կարևոր տեղեկությունները։ Այստեղ կգտնեք՝

• Հրատապ ծանուցումներ, օրինակ՝ ամրագրման ակտիվ հայտերի կամ պահանջվող գործողությունների վերաբերյալ

• Հյուրերի ամրագրումներ՝ և՛ ընթացիկ, և՛ առաջիկա

• Հաջորդ քայլերը, այդ թվում՝ կոնկրետ գործողություններ, որոնք կարող եք ձեռնարկել ձեր հայտարարության գրավչությունը մեծացնելու և ամրագրման միտումներից օգտվելու նպատակով

• Հյուրընկալման վերաբերյալ խորհուրդներ և նորություններ Airbnb-ից, որոնք ներկայացնում են ձեր գործունեության համար կարևոր նոր գործառույթներ և գործիքներ, հատուկ իրադարձություններ և կանոնների փոփոխություններ

Հյուրերին արագ պատասխանելը հյուրընկալության հաջողության գրավականն է։ Շատ հյուրընկալողներ իրենց սմարթֆոնները ձեռքի տակ են պահում։ Բջջային հավելվածի բոլոր տարբերակներում «Այսօր» ներդիրն ընդամենը մեկ հպումով ուղղորդում է դեպի կարևոր տեղեկություններ։

Էկրանի ստորին մասում կգտնեք հետևյալ կոճակները՝

• «Այսօր» ներդիր, որն արագ վերադարձնում է դեպի էկրանի վերին մասը

• Փոստ, որտեղ կարող եք կարդալ, ուղարկել և պլանավորել հաղորդագրություններկամ աջակցության համար դիմել մեզ

• Օրացույց, որտեղ կարող եք արդիական պահել ձեր գնանշման և ազատ ամսաթվերի կարգավորումները, հատկապես եթե միացնում եք ակնթարթային ամրագրումը

• Գաղափարներ, որոնք ներառում են տվյալներ ձեր վիճակագրության, ամրագրման միտումների և ավելի մեծ եկամուտ վաստակելու հնարավորությունների վերաբերյալ

• Ընտրացանկ, որտեղ կարող եք ուղղակիորեն բացել ձեր հայտարարությունը և գտնել հյուրընկալման ռեսուրսների, մեր համայնքի ֆորումի և այլ հղումներ

«Այսօր» ներդիրն ամբողջովին նույնն է թե՛ կայքում, թե՛ հավելվածում՝ բացառությամբ այն հյուրընկալողների համար, որոնք ունեն մեկից ավելի հայտարարություններ։ Եթե ունեք մի քանի հայտարարություն, կարող եք մեր պրոֆեսիոնալ հյուրընկալման գործիքներից օգտվել միայն կայքի «Ընտրացանկ» կոճակի միջոցով։ Այս գործառույթները ներառում են վճարումների պատմությունը և վիճակագրությունը, օրինակ՝ եկամուտը։

Անկախ այն բանից, թե որքան զբաղված կլինի ձեր ժամանակացույցը, կարող եք ապավինել «Այսօր» ներդիրին, որը կօգնի կենտրոնանալ հյուրընկալման առօրյայում ամենակարևորի վրա։

Այս հոդվածում պարունակվող տեղեկությունները կարող են փոխված լինել հրապարակումից հետո։