Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Airbnb-ի հյուրընկալողներն իրենց տներն ավելի անվնաս են դարձնում շրջակա միջավայրի համար

Հետևեք մասնագետի խորհրդին և վարձով տվեք ձեր տարածքն առանց վնաս հասցնելու բնությանը։
Հեղինակ՝ Airbnb, ամսաթիվ՝ 21 ապր, 2021 թ.
7 րոպե ընթերցում
Թարմացվել է՝ 21 ապր, 2021 թ.

Առանձնահատկություններ

  • Ինչպես հյուրընկալել շրջակա միջավայրի համար հնարավորինս անվնաս․ թափոնների վերամշակում, պլաստիկ տարաների օգտագործման կրճատում, վերականգնվող էներգիայի աղբյուրների օգտագործում և ավելին

  • Սննդամթերքի թափոնների կրճատումը բարերար ազդեցություն կունենա շրջակա միջավայրի, ինչպես նաև՝ ձեր համայնքի վրա

Անցյալ տարի Airbnb ընկերությունն Էդինբուրգ քաղաքում անցկացրեց «Meet the Experts» խորագրով միջոցառում, որտեղ հեղինակավոր կազմակերպությունների, այդ թվում՝ Big Clean Switch և Olio կազմակերպությունների ներկայացուցիչները հյուրընկալողներին ներկայացնում էին շրջակա միջավայրին վնաս չհասցնելու և էլեկտրաէներգիա խնայելու գաղտնիքները։ Մասնագետները ներկայացնում էին հիմնականում էներգաարդյունավետության բարելավմանը, մատակարարներին փոխելուն, վերամշակմանը և սննդի թափոններին վերաբերող թեմաներ։

Երկրի օրվա կապակցությամբ, որը նշվում է ապրիլի 22-ին, ուզում ենք հյուրընկալողների հետ կիսվել խորհուրդներով, թե ինչպես յուրացնել նոր գործելակերպեր և կանոնավոր կերպով հոգ տանել բնության մասին։ Մասնագետների խորհուրդները.

Աննա, սուպերտանտեր ինչպես փոքր, առօրեական փոփոխությունները կարող են ներգործել շրջակա միջավայրի վրա։

Ռեբեկա Ուոքեր, Big Clean Switch-ի գործընկերային հարաբերությունների մասով տնօրեն. ինչպես է վերականգնվող էներգիայի կիրառումը կրճատում էլեկտրաէներգիայի վճարը։

Սաշա Սելեստիալ-Ուան, Olio-ի գործադիր տնօրեն. ինչպես է սննդի թափոնների կրճատումը օգնում պահպանել շրջակա միջավայրը և սննդով մատակարարել տեղական համայնքին։

Մենք միշտ ձգտում ենք նոր գաղափարներ և գործիքներ առաջարկել հաջող հյուրընկալության համար, սակայն ամենագործուն խորհուրդները կարող են տալ փորձառու հյուրընկալողները։ Airbnb-ի Հյուրընկալողների խորհրդի հետ համատեղ փորձում ենք ստեղծել շրջակա միջավայրի համար անվնաս հյուրընկալությանը վերաբերող նյութերի շարք, որը համալրված է մասնագետների խորհուրդներով և առաջարկներով, որոնք կօգնեն ձեզ դարձնել ձեր տարածքը շրջակա միջավայրի համար ավելի անվնաս, իսկ հյուրերին՝ ճանապարհորդելիս նվազեցնել ածխաթթու գազի արտանետումը։

Կարծում ենք, որ շրջակա միջավայրի համար անվնաս ճանապարհորդությունները մոտ ապագայում մեծ ճանաչում ձեռք կբերեն ճանապարհորդների շրջանում, և ուզում ենք օգնել ձեզ նախապատրաստվել։ Ավելի շատ խորհուրդներ կգտնեք մեր շրջակա միջավայրի համար անվնաս հյուրընկալությանը վերաբերող շարքի նյութերում։
Այս հոդվածում պարունակվող տեղեկությունները կարող են փոխված լինել հրապարակումից հետո։

Առանձնահատկություններ

  • Ինչպես հյուրընկալել շրջակա միջավայրի համար հնարավորինս անվնաս․ թափոնների վերամշակում, պլաստիկ տարաների օգտագործման կրճատում, վերականգնվող էներգիայի աղբյուրների օգտագործում և ավելին

  • Սննդամթերքի թափոնների կրճատումը բարերար ազդեցություն կունենա շրջակա միջավայրի, ինչպես նաև՝ ձեր համայնքի վրա

Airbnb
21 ապր, 2021 թ.
Հոդվածն օգտակա՞ր էր։