Հաղորդակցությունն ավտոմատացրեք փոստի այս թարմացումներով

Հյուրընկալողի փոստը վերափոխվել է, և այժմ կարող եք խնայել ձեր արժեքավոր ժամանակը։ Հիմա այն մինչև 10 անգամ ավելի արագ է և ներառում է թարմացված գործառույթներ, ինչպիսիք են պլանավորված հաղորդագրություններն ու անհատականացված արագ պատասխանները, ինչպես նաև որոնումն ու զտումը, և այդ ամենը՝ հյուրերի հետ ձեր շփումն արդյունավետ դարձնելու համար։

Ահա թե ինչպես ենք ձեզ օգնում ավելի հեշտությամբ շփվել հյուրերի հետ.

Հյուրերը գնահատում են, երբ հյուրընկալողներն արագ են արձագանքում իրենց հաղորդագրություններին։

Պլանավորված հաղորդագրություններն ուղարկեք կարևոր պահերին, օրինակ՝ ամրագրման, ժամանման կամ մեկնման ժամանակ։

Նաև ավելացրել ենք անհատականացված կարճ կոդեր, որոնք ավտոմատ զետեղում են տվյալները, օրինակ՝ հյուրի անունը և ժամանման ամսաթիվը։ Դա նշանակում է, որ կարող եք «Շնորհակալություն ամրագրման համար» տիպի հաղորդագրություններից անցնել «Շնորհակալություն ամրագրելու համար, Աննա» հաղորդագրությանը՝ նվազագույն ջանքեր գործադրելով։

Ստեղծել պլանավորված հաղորդագրություններ

Հյուրերի այսպիսի հարցերը՝ «Կարո՞ղ եմ ստանալ ձեր տարածքի վերաբերյալ ցուցումներ» և «Ո՞րն է Wi-Fi-ի կոդը», շատ տարածված են։

Այդ պատճառով ստեղծել ենք արագ պատասխաններ, որոնք հեշտացնում և արագացնում են հաճախ տրվող հարցերին պատասխանելը։ Պարզապես ընտրեք նախապես կազմված հաղորդագրությունը և սեղմեք «Ուղարկել»։ Ինչպես պլանավորված հաղորդագրություններում, այնպես էլ արագ պատասխաններում արդեն կան կարճ կոդեր, որոնք անհատական երանգ են հաղորդում յուրաքանչյուր հաղորդագրությանը։

«Արագ պատասխանները խնայում են ժամանակը և թույլ են տալիս մտածված, գրագետ ու հասկանալի հաղորդագրություն կազմել, որը հաշվի է առնում հյուրերի կարիքները»,- ասում է Վաշինգտոնի Սնոքուալմի քաղաքում հյուրընկալող Սալլին։

Ստեղծել արագ պատասխաններ

Շնորհիվ որոնման և զտման գործառույթների՝ փոստում անհրաժեշտ հաղորդագրությունը գտնելը ավելի է հեշտացել։

Որոնում

Այժմ կարող եք ավելի հեշտությամբ որոնել փոստում՝ օգտագործելով հյուրի անունը, հաստատման կոդը կամ որևէ հիմնաբառ։ Հիմնաբառով որոնելու համար պարզապես մուտքագրեք որոնման տողում. փոստը, գործելով արհեստական բանականության և կանխատեսման տեխնոլոգիաներով, մուտքագրմանը զուգընթաց որոնում է հաղորդագրությունները։ (Նշում. հիմնաբառի ուղղագրությունը պետք է ճիշտ լինի, այլապես փոստը չի կարողանա գտնել համապատասխան հաղորդագրությունները։)

Դասավորում

Նամակագրություններն ավելի լավ դասակարգելու և առաջին հերթին ամենահրատապ խնդիրների վրա կենտրոնանալու համար կարող եք նաև համակարգել հաղորդագրությունները՝ տվյալ հաղորդագրությունը նշելով որպես չկարդացված, այն աստղանշելով կամ արխիվացնելով։

Զտում

Երբ հաղորդագրությունները նշեք որպես չկարդացված կամ աստղանշված, կկարողանաք հեշտությամբ զտել դրանք և գտնել ձեզ անհրաժեշտ հաղորդագրությունը։ Որոնման տողի աջ կողմում զտիչի պատկերակն օգնում է զտել ըստ հաղորդագրության տեսակի և (կամ) ուղևորության փուլի։ «Աստղանշված» զտիչը թույլ է տալիս կենտրոնանալ այն հաղորդագրությունների վրա, որոնք նշել եք որպես կարևոր, մինչդեռ «չկարդացված» զտիչը ցուցադրում է միայն չկարդացված կամ որպես չկարդացված նշված հաղորդագրությունները։

Կարող եք զտել նաև ըստ հայտարարության (եթե ունեք մեկից ավելի) և ուղևորության փուլի, ինչպիսիք են՝

• հարցումներ կամ հայտեր
• կարծիք գրելու անհրաժեշտություն
• ժամանում կամ մեկնում
• ուղևորությունից առաջ, ուղևորության ընթացքում կամ ուղևորությունից հետո

Զտման և որոնման հնարավորություններ ունեցող փոստի միջոցով ավելի հեշտ կլինի հաղորդագրություններ որոնել ու դրանց պատասխանել և կապի մեջ մնալ հյուրերի հետ։