Ավելի արագ պատասխանեք «Հաղորդագրություններ» ներդիրում
Հյուրերին արագ պատասխանելը կարող է հանգեցնել ավելի շատ ամրագրումների, ավելի լավ կարծիքների և որոնման արդյունքներում ավելի բարձր դիրքերի։ Հաղորդագրման ամենավերջին արդիացումները հեշտացնում են ավելի արագ պատասխանելը։
Ավտոմատ պատասխաններ
Հյուրերը ստանում են հաճախ տրվող հարցերի՝ ԱԲ-ով ստեղծված պատասխաններ, որոնք պարունակում են ձեր հայտարարության էջից վերցված մանրամասներ։ Դրանք ներառում են տեղեկություններ ձեր հարմարությունների, տարածքի նկարագրության և տան ուղեցույցի մասին։
Յուրաքանչյուր ավտոմատ պատասխանի մեջ Airbnb-ն նշվում է որպես ուղարկող, և դա կարող եք տեսնել և՛ դուք, և՛ ձեր հյուրերը։ Կարող եք ցանկացած պահի ջնջել պատասխանը և ուղարկել այլ պատասխան։
Օրինակ՝ եթե հյուրը հարցնում է կայանատեղիի մասին, ապա ավտոմատ պատասխանը կարող է լինել այսպիսին․ «Այս տանն առաջարկվում է անվճար կայանում փողոցում և անվճար կայանատեղի տարածքում։ Այս մանրամասներին կարող եք ծանոթանալ «Հարմարություններ» բաժնում»։
Առաջարկվող գործողություններ
«Հաղորդագրություններ» ներդիրն օգտագործում է արհեստական բանականություն՝ հյուրերի հաղորդագրությունների հիման վրա գործողություններ առաջարկելու համար։ Յուրաքանչյուր առաջարկ ներառում է ինտերակտիվ քարտ, որը թույլ է տալիս սկսել կարևոր գործողություններ, օրինակ՝ փոփոխել ամրագրումները և ուղարկել հատուկ առաջարկներ՝ առանց նամակագրությունից դուրս գալու։
Օրինակ՝ եթե հյուրը հարցնում է, թե արդյոք կարող է մեկ օր շուտ ժամանել, դուք ձեր նամակագրությունում կտեսնեք ամրագրումը փոխելու առաջարկ։ Ամսաթվերը փոխելու համար հպեք քարտին և նոր ուղեպլանն ուսումնասիրելու խնդրանք ուղարկեք հյուրին։
Առաջնահերթ հաղորդագրություններ
Հրատապ հաղորդագրությունները երևում են ձեր փոստի վերին մասում։ Նոր պիտակներն առանձնացնում են անհապաղ ուշադրություն պահանջող հարցերը, օրինակ՝ հյուրերի ամրագրման հարցումները և ժամանման հարցում օգնության հայտերը։
Կոնկրետ նամակագրությո՞ւն եք փնտրում։ Կարող եք առաջվա պես հաղորդագրություններ որոնել անուններով, բառերով կամ բառակապակցություններով։ Արդյունքները հաշվի են առնում ձեր կիրառած զտիչները՝ օգնելով ավելի արագ գտնել նամակագրությունը։
Հաղորդագրման արդիացումները հասանելի կլինեն առաջիկա ամիսներին։
Այս հոդվածում պարունակվող տեղեկությունները կարող են փոխված լինել հրապարակումից հետո։