Տան մասին հիշողությունները մնում են

11-ամյա Դելանին անբաժան էր իր շնից՝ Լուիսից, բայց Լուիսը կենդանիների խնամքի կենտրոնում էր, երբ բնական աղետը ավերեց իր ընտանիքի տունը, և նրանք ստիպված էին տարհանվել։ Ընտանիքի նախնական ժամանակավոր կացարանում տնային կենդանիներ չէին թույլատրվում, ուստի Լուիսին տեղափոխեցին ապաստարան։ Երբ Դելանին և նրա ծնողները Airbnb.org-ի միջոցով տեղափոխվեցին մեկ այլ տուն, նա և Լուիսը մեծ ուրախությամբ վերամիավորվեցին։

Հոգեթերապևտ Էշելեն և նրա 11-ամյա որդին՝ Բրեյդենը, կորցրին իրենց տունը քաղաքն ավիրած անտառային հրդեհի պատճառով։ Էշելեն Airbnb.org-ի միջոցով գտավ արտակարգ իրավիճակների անվճար կացարան մոտակայքում և այդտեղ մնալու ընթացքում կարողացավ շարունակել հոգեկան առողջության ծառայություններ մատուցել իր համայնքին, իսկ Բրեյդենը շարունակեց պարի դասերը։ Նա նույնիսկ նշեց կարևոր իրադարձություն՝ իր ծննդյան 11-րդ տարեդարձը՝ գիշերը մերձավոր ազգականների և ընկերների հետ անցկացնելով։

Ստեֆանին, Պաբլոն և նրանց դուստրը՝ 8 ամսական Ադա Սոլը, ստիպված էին լքել իրենց տունը աղետալի ջրհեղեղի պատճառով, որի ժամանակ մի քանի օր շարունակ էլեկտրականության բացակայության և աստիճանաբար թունավոր դարձող օդի պայմաններում հայտնվել էին երրորդ հարկի իրենց բնակարանում արգելափակված։ Նրանք փրկվեցին և մոտակայքում գտան Airbnb կացարան, որտեղ կարողացան թեթևացած շունչ քաշել, խաղաղվել ու նորովի շփվել միմյանց հետ։