Ինչ է պահանջվում Airbnb սերվիսներ հյուրընկալելու համար
Airbnb սերվիսները հյուրի այցն ավելի յուրահատուկ դարձնելու անհավանական ծառայություններ են։ Սերվիսների կատեգորիաներն են՝ շեֆ խոհարարներ, լուսանկարչություն, մերսում, սպա ծառայություններ, անհատական մարզումներ, վարսահարդարում, դիմահարդարում, մատնահարդարում, պատրաստի ուտեստներ և քեյթրինգ։
Սերվիսների որակը ստուգվում է, և հյուրընկալողներից ու հայտարարություններից ակնկալվում է համապատասխանություն մեր ստանդարտներին և պահանջներին։ Ահա որոշ կարևոր բաներ, որոնք պետք է իմանալ։
Հիմնական ստանդարտներ
- Ինքնության հաստատում. հաստատեք ձեր ինքնությունը և անհրաժեշտության դեպքում անցեք կենսագրական տվյալների ստուգումներ և այլ ստուգումներ։
- Լիցենզիա և հավաստագիր. ունեցեք ձեր սերվիսին վերաբերող վավեր լիցենզիաներ, ապահովագրություն և հավաստագրեր։ Անհրաժեշտության դեպքում տրամադրեք հաստատող փաստաթղթեր։
- Փորձառություն. ունեցեք համապատասխան ոլորտում առնվազն 2 տարվա աշխատանքային փորձ, իսկ եթե խոհարարական կրթության վկայական չունեցող խոհարար եք, ապա 5 տարվա աշխատանքային փորձ։ Մենք կարող ենք ստուգել ձեր հայտարարության մեջ նշված կրթությունը, աշխատանքային պատմությունը կամ մրցանակներն ու գնահատանքները։
- Համբավ․ ունեցեք գերազանց համբավ, որը հաստատվում է հյուրերի հիանալի կարծիքներով, մրցանակներով, հրապարակումներում հիշատակումներով կամ ճանաչման այլ ձևերով։
- Պորտֆել. հայտարարություն ստեղծելիս տրամադրեք ձեր աշխատանքային փորձն ընդգծող լուսանկարներ։* Ընտրեք պատկերներ, որոնք ցույց են տալիս գործընթացը և նախապատրաստական աշխատանքները, գործիքները կամ սարքավորումները և գործունեության վայրը, եթե նախատեսում եք, որ հյուրերը գալու են ձեզ մոտ։
Հայտարարության ստանդարտներ
- Լուսանկարներ. ներկայացրեք առնվազն 5 բարձրորակ լուսանկար՝ ներառյալ յուրաքանչյուր առաջարկի համար մեկական լուսանկար, որոնք հստակ, իրատեսական պատկերացումներ են տալիս ձեր առաջարկած սերվիսի մասին։* Եթե լուսանկարիչ եք, պետք է ներկայացնեք առնվազն 15 լուսանկար։
- Վերնագիր. բացատրեք, թե ինչ սերվիս եք առաջարկում, և ով է այն մատուցում։ Սկսեք մի քանի նկարագրական բառով և վերջում նշեք ձեր անունը։
- Փորձառություն. նկարագրեք, թե ինչ յուրահատուկ հմտություններ ունեք ձեր սերվիսի հյուրընկալման համար։ Եղեք անկեղծ, հակիրճ և կոնկրետ։
- Առաջարկներ․ յուրաքանչյուր հայտարարության մեջ ավելացրեք առնվազն 3 առաջարկ տարբեր գներով՝ նախնական, ստանդարտ և հավելավճարային։ Նկարագրությունների մեջ ընդգծեք հատուկ մանրամասներ, օրինակ՝ բաղադրատարրերը, մեթոդները, սարքավորումները կամ նյութերը, որպեսզի հյուրերն իմանան, թե ինչ են գնում։
Սերվիսների հայտերը և հաստատված հայտարարություններում կատարված փոփոխությունները ստուգվելու են։
Հյուրընկալման վերաբերյալ պահանջներ
- Ամրագրումներ․ հարգեք հյուրերի ամրագրումները և խուսափեք կանխարգելելի պատճառներով չեղարկումներից։
- Հայտարարություն. հայտարարության մեջ տրամադրեք ճշգրիտ տեղեկություններ, այդ թվում՝ սերվիսի մատուցման վայրի, հյուրերին ներկայացվող պահանջների և մեկնարկի ու ավարտի ժամերի մասին։
- Հաղորդագրությունների փոխանակում. ժամանակին արձագանքեք հյուրերի հաղորդագրություններին։ Տեղեկացրեք հյուրերին՝ արդյոք սերվիսի ընթացքում ինչ-որ մեկն օգնելու է ձեզ։ Այդ մասին ծանուցեք հյուրերին բավականաչափ շուտ, որպեսզի նրանք կարողանան չեղարկել ամրագրումն առանց տուգանքի։
- Անվտանգություն. անցկացրեք պատշաճ վարժանք և հրահանգավորում՝ մարմնական վնասվածքները կանխարգելելու համար, տրամադրեք մաքուր սարքավորումներ և ունեցեք արտակարգ իրավիճակներում գործողությունների ծրագիր։ Անհրաժեշտության դեպքում սահմանեք հյուրերի համապատասխան տարիքային սահմանափակում ձեր առաջարկների համար։
- Վայրը. հարգանքով վերաբերվեք այն վայրին, որտեղ մատուցում եք սերվիսը։ Մի վնասեք գույքը և մաքրեք տարածքը սերվիսի ավարտից հետո։
Ստուգման գործընթացը շարունակական է։ Բացի վերը նշվածից՝ դուք նաև պետք է հետևեք Airbnb-ի Ծառայությունների մատուցման պայմաններին և պահպանեք Հիմնական կանոնները հյուրընկալողների համար և Հյուրընկալման անվտանգության կանոնները։
Մեր ստանդարտներին և պահանջներին չհամապատասխանող հյուրընկալողների հայտարարությունը կամ հաշիվը կարող է կասեցվել կամ հեռացվել։ Ամբողջությամբ ծանոթացեք Airbnb սերվիսների ստանդարտներին և պահանջներին։
*Եթե մերսման կամ սպա ծառայություն եք մատուցում, ձեր հայտարարության համար լուսանկարներ ներկայացնելու կարիք չկա։ Մենք կընտրենք այդ սերվիսները ներկայացնող լուսանկարներ պրոֆեսիոնալ լուսանկարների դարանից։
Այս հոդվածում պարունակվող տեղեկությունները կարող են փոխված լինել հրապարակումից հետո։