Ինչպես ընտրել և ավելացնել բարձրորակ լուսանկարներ
Լուսանկարներն օգնում են գրավել հյուրերի ուշադրությունը, երբ նրանք որոնում են Airbnb-ում։ Պատկերները պետք է հստակ և ճշգրիտ պատկերացում տան ձեր սերվիսի մասին և հյուրերին ոգեշնչեն ամրագրելու։
Կենտրոնացեք որակի վրա
Յուրաքանչյուր լուսանկար պետք է լինի բարձրորակ։ Յուրաքանչյուր պատկերի լուծաչափը պետք է լինի առնվազն 800 x 1200 պիքսել, իսկ ֆայլի մեծությունը՝ մինչև 10 մեգաբայթ։
Ներկայացրեք լուսանկարներ, որոնք՝
- դուք եք նկարահանել կամ օգտագործում եք թույլտվությամբ
- լավ լուսավորված են, նախընտրելի է՝ բնական լույսով
- ունեն պարզ կոմպոզիցիա և ֆոն
- ֆոկուսի մեջ են, գլխավոր սուբյեկտը՝ կենտրոնում
- համադրում են խոշոր պլանով նկարահանված տարրեր և ավելի լայն կոմպոզիցիաներ
Մի ներկայացրեք լուսանկարներ, որոնք՝
- վերացական պատկերներ են կամ նկարահանված են չափազանց խոշոր պլանով
- գերլցված են կամ չափազանց շատ մանրամասներ են պատկերում
- մութ են, կամ օգտագործվել է ինտենսիվ լուսաբռնկում
- կոլաժներ են
- նույն լուսանկարի մի քանի տարբերակ են
- պատկերանշանների կամ ապրանքանիշերի պատկերներ են
Եթե ձեր լուսանկարներից որևէ մեկում երևում է ինչ-որ մեկի դեմքը, պետք է ունենաք այդ լուսանկարն օգտագործելու թույլտվություն։
Ավելացրեք հիանալի պատկերներ
Լուսանկարները ցուցադրվում են սերվիսների հայտարարությունների մեջ 3 տեղում՝ որպես շապիկի լուսանկար, ձեր առաջարկների ցանկում և լուսանկարների պատկերասրահում։
Ընդհանուր առմամբ ներկայացրեք առնվազն 5 լուսանկար՝ ներառյալ յուրաքանչյուր առաջարկի համար մեկական։ Եթե լուսանկարչական սերվիս եք մատուցում, ձեր պորտֆելը ներկայացնելու համար ընտրեք առնվազն 15 պատկեր։
Մենք կուսումնասիրենք ձեր ավելացրած լուսանկարները և կհաստատենք մեր ստանդարտներին համապատասխանող պատկերները։ Ահա թե ինչ պետք է ներկայացնեք յուրաքանչյուր բաժնի համար։
Շապիկի լուսանկար։ Այս պատկերը երևում է ձեր հայտարարության վերին մասում և հյուրերին օգնում է պատկերացում կազմել ձեր առաջարկած սերվիսի մասին։ Հաջող պատկերը լինում է՝
- հորիզոնական
- պարզ և առանց ավելորդությունների
- կենտրոնադրված և բոլոր կողմերից եզրատման հնարավորությամբ
Խուսափեք պարզ սպիտակ ֆոնով կամ խոշոր պլանով նկարահանված մարդկային դեմքերով պատկերներից։
Ձեր առաջարկները։ Առաջարկներն այն են, ինչ ամրագրելու են հյուրերը։ Համարեք, որ դրանք գնացուցակ կամ ճաշացանկ են։ Ավելացրեք մեկ հստակ պատկեր, որը ճշգրտորեն ներկայացնում է ձեր առաջարկներից յուրաքանչյուրը։ Այս լուսանկարները փոքր են․ ընտրեք հասկանալի պարզ տեսարաններ։ Կատարյալ պատկերները լինում են՝
- մեկ տարրի վրա կենտրոնացած և մաքուր ֆոնով
- նման կոմպոզիցիայով
Լուսանկարների պատկերասրահ։ Սա հնարավորություն է պոտենցիալ հյուրերին ոչ միայն ցույց տալու, թե ինչ եք տրամադրում, այլ նաև՝ ով եք դուք։ Հյուրերը կարող են ձեր հրապարակած բոլոր պատկերները դիտել լուսանկարների պատկերասրահում։ Ընտրեք լուսանկարներ, որոնք պատկերում են՝
- գործընթացը և նախապատրաստումը
- օգտագործվող գործիքները, սարքավորումները կամ բաղադրատարրերը
- ձեր գործունեության վայրը, եթե նախատեսում եք, որ հյուրերը գալու են ձեզ մոտ
- սերվիսի վերջնարդյունքը, օրինակ՝ հյուրերի ճաշկերույթ
Անպայման ունեցեք ձեր ներկայացրած լուսանկարներն օգտագործելու թույլտվություն, և համոզվեք, որ պատկերները ճշգրտորեն են արտացոլում սերվիսը։
Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb սերվիսների համար սահմանված ստանդարտներին և պահանջներին։
Եթե մերսման կամ սպա ծառայություն եք մատուցում, ձեր հայտարարության համար լուսանկարներ ներկայացնելու կարիք չկա։ Մենք ձեզ համար լուսանկարներ կընտրենք պրոֆեսիոնալ լուսանկարների դարանից, որոնք ներկայացնում են այդ սերվիսները։
Այս հոդվածում պարունակվող տեղեկությունները կարող են փոխված լինել հրապարակումից հետո։