Ինչպես ստեղծել աչքի ընկնող առաջարկներ

Պատկերացրեք՝ ձեր առաջարկները ճաշացանկում նշված կերակուրներ են, որոնք հյուրերը կարող են գնել ձեզնից։ Յուրաքանչյուր առաջարկի տվեք անվանում, նկարագրություն, լուսանկար և գին, որոնք կօգնեն տարբերակել այն, ինչ տրամադրում եք։

Ավելացրեք տարբեր գներով առնվազն 3 առաջարկ, որպեսզի հյուրերն ավելի շատ տարբերակներ ունենան, իսկ դուք կարողանաք ստանալ ձեր նպատակային եկամուտները։ Լավագույն գործելակերպը նախնական, ստանդարտ և հավելավճարային գներով առաջարկներ կազմելն է։

Գները պետք է արտացոլեն յուրաքանչյուր առաջարկի ձևաչափը, բարդությունը և յուրահատկությունը։ Օրինակ՝ ԱՄՆ-ում լուսանկարիչը կարող է տրամադրել կես ժամ տևողությամբ ֆոտոսեսիա, որի արժեքը 50 ԱՄՆ դոլարից ցածր է, անհատականացված դիմանկարի ֆոտոսեսիա՝ 50 ԱՄՆ դոլարից մինչև 150 ԱՄՆ դոլար գնով, և ընտանեկան ֆոտոսեսիա, որի արժեքը 150 ԱՄՆ դոլարից ավելի է։

Airbnb-ում սերվիսներ փնտրող հյուրերը որոնման արդյունքներում կտեսնեն ձեր ամենացածր գինը։ Նախնական առաջարկը կօգնի գրավել առաջին անգամ ամրագրող հյուրերի և հետաքրքրություն առաջացնել ձեր մյուս առաջարկների նկատմամբ։

Հյուրերին տրամադրեք նաև ժամերի և վայրերի տարբերակներ, որոնցից կարող են ընտրություն կատարել։ Օրինակ՝ խոհարարը կարող է տրամադրել օրգանական նախաճաշ, գյուղմթերքի շուկայից ձեռք բերված մթերքներով ճաշ և 3 ուտեստից բաղկացած ընթրիք, իսկ կոսմետոլոգը կարող է առաջարկել դեմքի մաշկի խնամք սեփական սպա կենտրոնում և հյուրի տանը։

Յուրաքանչյուր առաջարկ ներառում է վերնագիր, նկարագրություն և լուսանկար։

• Վերնագիր. ներկայացրեք ձեր առաջարկը մի քանի բառով՝ կոնկրետ, հասկանալի լեզվով։
• Նկարագրություն․ սկսեք առաջարկի մեջ ներառված տարրերի հակիրճ և գրավիչ նկարագրությամբ։ Ընդգծեք առաջարկն առանձնահատուկ դարձնող որոշ բաղադրատարրեր, մեթոդներ, սարքավորումներ կամ նյութեր։ Նկարագրությունը պետք է լինի հնարավորինս կոնկրետ, որպեսզի ձեր առաջարկն աչքի ընկնի։
• Լուսանկար. ընտրեք արդեն վերբեռնված պատկեր կամ ավելացրեք նորը։ Կենտրոնում, պարզ ֆոնին պատկերված է մեկ տարր կամ անձ։

Առաջարկները ստեղծելուց հետո կարող եք անհրաժեշտության դեպքում փոփոխել կամ վերադասավորել դրանք։

Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb սերվիսների համար սահմանված ստանդարտներին և պահանջներին։

Այս հոդվածում պարունակվող տեղեկությունները կարող են փոխված լինել հրապարակումից հետո։