Ինչ է պահանջվում Airbnb սերվիսներ հյուրընկալելու համար

Airbnb սերվիսները հյուրի այցն ավելի յուրահատուկ դարձնելու անհավանական ծառայություններ են։ Սերվիսների կատեգորիաներն են՝ շեֆ խոհարարներ, լուսանկարչություն, մերսում, սպա ծառայություններ, անհատական մարզումներ, վարսահարդարում, դիմահարդարում, մատնահարդարում, պատրաստի ուտեստներ և քեյթրինգ։ 

Սերվիսների որակը ստուգվում է, և հյուրընկալողներից, համահյուրընկալողներից ու հայտարարություններից ակնկալվում է համապատասխանություն մեր ստանդարտներին և պահանջներին։ Ահա թե ինչ ենք խնդրելու ձեզ՝ որպես հյուրընկալողի կամ համահյուրընկալողի։

• Ինքնության հաստատում. հաստատեք ձեր ինքնությունը և անհրաժեշտության դեպքում անցեք կենսագրական տվյալների ստուգումներ և այլ ստուգումներ։
• Լիցենզիա և հավաստագիր. ունեցեք ձեր սերվիսի համար վավեր լիցենզիաներ, ապահովագրություն և հավաստագրեր։ Անհրաժեշտության դեպքում տրամադրեք հաստատող փաստաթղթեր։
• Փորձառություն. ունեցեք առնվազն 2 տարվա համապատասխան աշխատանքային փորձ, կարիերայի նվաճումներ և կրթություն։
• Համբավ․ ունեցեք գերազանց համբավ, որը հաստատվում է հյուրերի հիանալի կարծիքներով, մրցանակներով, հրապարակումներում հիշատակումներով կամ ճանաչման այլ ձևերով։
• Պորտֆել. հայտարարություն ստեղծելիս տրամադրեք ձեր աշխատանքային փորձն ընդգծող լուսանկարներ։* Ընտրեք պատկերներ, որոնք ցույց են տալիս գործընթացը և նախապատրաստական աշխատանքները, գործիքները կամ սարքավորումները և գործունեության վայրը, եթե նախատեսում եք, որ հյուրերը գալու են ձեզ մոտ։

• Լուսանկարներ. ներկայացրեք առնվազն 5 բարձրորակ լուսանկար՝ ներառյալ յուրաքանչյուր առաջարկի համար մեկական լուսանկար, որոնք հստակ, իրատեսական պատկերացումներ են տալիս ձեր առաջարկած սերվիսի մասին։* Եթե լուսանկարիչ եք, պետք է ներկայացնեք առնվազն 15 լուսանկար։
• Վերնագիր. բացատրեք, թե ինչ սերվիս եք առաջարկում, և ով է այն մատուցում։ Սկսեք մի քանի նկարագրական բառով և վերջում նշեք ձեր անունը։
• Փորձառություն. նկարագրեք, թե ինչ յուրահատուկ հմտություններ ունեք ձեր սերվիսի հյուրընկալման համար։ Եղեք անկեղծ, հակիրճ և կոնկրետ։
• Առաջարկներ․ ավելացրեք առնվազն մեկ առաջարկ։ Խորհուրդ ենք տալիս յուրաքանչյուր հայտարարության մեջ ավելացնել 3 առաջարկ տարբեր գներով՝ նախնական, ստանդարտ և պրեմիում։ Նկարագրությունների մեջ ընդգծեք հատուկ մանրամասներ, օրինակ՝ բաղադրատարրերը, մեթոդները, սարքավորումները կամ նյութերը, որպեսզի հյուրերն իմանան, թե ինչ են գնում։

Սերվիսների հայտերը և հաստատված հայտարարություններում կատարված փոփոխությունները ստուգվելու են։

• Ամրագրումներ․ հարգեք հյուրերի ամրագրումները և խուսափեք կանխարգելելի պատճառներով չեղարկումներից։
• Հայտարարություն. հայտարարության մեջ տրամադրեք ճշգրիտ տեղեկություններ, այդ թվում՝ սերվիսի մատուցման վայրի, հյուրերին ներկայացվող պահանջների և մեկնարկի ու ավարտի ժամերի մասին։
• Հաղորդագրությունների փոխանակում. ժամանակին արձագանքեք հյուրերի հաղորդագրություններին։ Տեղեկացրեք հյուրերին՝ արդյոք սերվիսի ընթացքում ինչ-որ մեկն օգնելու է ձեզ։ Այդ մասին ծանուցեք հյուրերին բավականաչափ շուտ, որպեսզի նրանք կարողանան չեղարկել ամրագրումն առանց տուգանքի։
• Անվտանգություն. անցկացրեք պատշաճ վարժանք և հրահանգավորում՝ մարմնական վնասվածքները կանխարգելելու համար, տրամադրեք մաքուր սարքավորումներ և ունեցեք արտակարգ իրավիճակներում գործողությունների ծրագիր։ Անհրաժեշտության դեպքում սահմանեք հյուրերի համապատասխան տարիքային սահմանափակում ձեր առաջարկների համար։
• Վայրը. հարգանքով վերաբերվեք այն վայրին, որտեղ մատուցում եք սերվիսը։ Մի վնասեք գույքը և մաքրեք տարածքը սերվիսի ավարտից հետո։

Ստուգման գործընթացը շարունակական է։ Բացի վերը նշվածից՝ դուք նաև պետք է հետևեք Airbnb-ի Ծառայությունների մատուցման պայմաններին և պահպանեք Հիմնական կանոնները հյուրընկալողների համար և Հյուրընկալման անվտանգության կանոնները։

Եթե առկա է անհամապատասխանություն մեր ստանդարտներին և պահանջներին, կարող ենք նախազգուշացումներ տալ և կասեցնել կամ հեռացնել հայտարարությունները կամ հյուրընկալողների հաշիվները։ Ամբողջությամբ ծանոթացեք Airbnb սերվիսների ստանդարտներին և պահանջներին։

*Եթե մերսման կամ սպա ծառայություն եք մատուցում, դուք այդ սերվիսները ներկայացնող լուսանկարներ կընտրեք նախապես հաստատված պրոֆեսիոնալ լուսանկարների դարանից։

Այս հոդվածում պարունակվող տեղեկությունները կարող են փոխված լինել հրապարակումից հետո։