Ինչ պետք է սուպերտանտերերն իմանան «Հյուրերի սիրելի» կատեգորիայի մասին

Խմբագրի նշում. այս հոդվածը հրապարակվել է Airbnb 2023 ձմեռային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր պրոդուկտի վերջին թողարկման մասին։

Airbnb-ն ունի ավելի քան 7 միլիոն տուն ամբողջ աշխարհում։ Յուրաքանչյուր տուն յուրահատուկ է. դա Airbnb-ի առանձնահատկությունն է։ Բայց հյուրերը մեզ ասել են, որ այդքան բազմազանության մեջ դժվար է իմանալ, թե ինչ է իրենց սպասում։ Սա է պատճառը, որ շատ մարդիկ նախընտրում են հյուրանոցները, ոչ թե Airbnb-ում ամրագրելը։

Մնալու հիանալի վայր գտնելու լավագույն միջոցներից մեկն իմանալն է, թե որ տներն են հյուրերն ամենից շատ սիրում։ Ահա թե ինչու ենք ստեղծել «Հյուրերի սիրելի» կատեգորիան։

«Հյուրերի սիրելի» նշանակով տներն Airbnb-ում հյուրերի կողմից ամենասիրված տներն են, որոնց քանակը հասնում է 2 միլիոնի։

«Հյուրերի սիրելի» հայտարարությունները հիմնված են ավելի քան կես միլիարդ ուղևորությունների արդյունքում ստացված գնահատականների, կարծիքների և հուսալիության տվյալների վրա։ «Հյուրերի սիրելի» տարածքները թարմացվում են ամեն օր, այնպես որ, եթե ձեր հայտարարությունը հիմա ներառված չէ, շուտով այն կարող է ներառվել։

Մի շարք գործոններ օգնում են տարանջատել «Հյուրերի սիրելի» կատեգորայի տարածքներն, այդ թվում՝

• հյուրերի առնվազն հինգ կարծիք
• գերազանց կարծիքներ և գնահատականներ՝ միջինում 4,9 աստղից բարձր
• բարձր գնահատականներ հյուրերի կարծիքներում՝ ժամանման, մաքրության, ճշգրտության, հյուրընկալողների հետ շփման, գտնվելու վայրի և գին/որակ հարաբերակցության վերաբերյալ
• հուսալիության վերաբերյալ գերազանց կարծիքներ՝ հյուրընկալողի կողմից չեղարկումների և հաճախորդների սպասարկման որակի հետ կապված խնդիրների միջինում 1%-ի հասնող ցուցանիշով

«Հյուրերի սիրելի» տարածքները հասանելի են ամբողջ աշխարհում, և դրանք հեշտությամբ կարելի է գտնել Airbnb-ում։

«Հյուրերի սիրելի» տարածքները որոնման արդյունքներում և հայտարարության էջում ունեն նշանակ։ Կա նաև նոր զտիչ, որը ճանապարհորդներին թույլ է տալիս որոնել հենց «Հյուրերի սիրելի» տարածքները։ Հյուրընկալողն իր հայտարարության մեջ կգտնի «Հյուրերի սիրելի» նշանակը, եթե հայտարարությունը համապատասխանում է պահանջներին։

«Հյուրերի սիրելի» կատեգորիայի տների գրեթե երկու երրորդում հյուրընկալում են սուպերտանտերերը, որոնք ճանաչում են ստացել իրենց հիանալի հյուրընկալության շնորհիվ։

Airbnb-ի «Սուպերտանտեր» ծրագիրը չի փոխվում։ Սուպերտանտիրոջ չափանիշները մնում են նույնը, և մենք կշարունակենք ստուգել սուպերտանտերերի վիճակագրությունը եռամսյակային կտրվածքով։

Եթե դուք սուպերտանտեր եք, որն ունի «Հյուրերի սիրելի» կատեգորիայում ընդգրկված տարածք, ապա երկուսն էլ կնշվեն ձեր հայտարարության էջում, և հայտարարությունը որոնման արդյունքներում կունենա «Հյուրերի սիրելի» նշանակ։ Եթե դուք սուպերտանտեր եք, որի տարածքն առայժմ չի համապատասխանում «Հյուրերի սիրելի» կատեգորիայի չափանիշներին, միևնույն է, ձեզ կճանաչեն սուպերտանտերերի նշանակով և՛ ձեր հայտարարության էջում, և՛ որոնման արդյունքներում։

Ձեր հայտարարություններից յուրաքանչյուրը առանձին կուսումնասիրվի «Հյուրերի սիրելի» նշանակին համապատասխանությունը որոշելիս։

Իմացեք ավելին «Հյուրերի սիրելի» կատեգորիայի մասին դեկտեմբերին կայանալիք մեկժամանոց վեբինարում։

Մենք կքննարկենք Airbnb-ում որոնման արդյունքներում առանձնանալու միջոցները, այդ թվում՝

• «Սուպերտանտեր» կարգավիճակի առավելությունները
• ընդհանուր տեղեկություններ «Հյուրերի սիրելի» կատեգորիայի մասին
• մաքրության, ճշգրտության, գտնվելու վայրի և գին/որակ հարաբերակցության կարևորությունը հյուրերի համար

Բացի այդ, ձեզ հետ կապ կհաստատի «Հյուրերի սիրելի» նշանակով հայտարարություններ ունեցող որևէ սուպերտանտեր։

Գրանցվեք ստորև նշված աշխատաշրջաններից մեկի համար՝

• Դեկտեմբերի 12-ին՝ ժամը 9:00-ին (PST)
• Դեկտեմբերի 12-ին՝ ժամը 17:00-ին (PST)
• Դեկտեմբերի 13-ին՝ ժամը 11:00-ին (PST)
• Դեկտեմբերի 13-ին՝ ժամը 16:00-ին (PST)

Իրական ժամանակում թարգմանությունը կտրամադրվի հոլանդերեն, ֆրանսերեն, գերմաներեն, իտալերեն, ճապոներեն, կորեերեն, մանդարին, պորտուգալերեն և իսպաներեն լեզուներով։