Ի՞նչ է տեղի ունենում հրապարակելուց հետո
Շնորհավորո՛ւմ ենք։ Դուք պատրաստ եք հրապարակելու ձեր հայտարարությունը։ Հյուրերը 24 ժամվա ընթացքում կկարողանան Airbnb-ի որոնման արդյունքներում գտնել ձեր հրապարակած հայտարարությունը։
Պատրաստ եղեք ամրագրումների՝ կատարելով այս վերջին քայլերը ձեր օրացույցում և Հայտարարությունների ներդիրում։
Կարգավորեք օրացույցը
Հենց որ հրապարակեք, ձեր օրացույցը կլինի բաց և ամրագրման համար հասանելի։ Անպայման առանց հապաղելու թարմացրեք ազատ ամսաթվերը։ Արգելափակեք բոլոր ամսաթվերը, երբ չեք կարող հյուրընկալել։ Մինչև 2 տարվա կտրվածքով նշեք ազատ ամսաթվերը ձեր հայտարարության մեջ։ Կարող եք նաև ճշգրտել կարգավորումները, օրինակ՝ հյուրերը որքան վաղ կարող են ամրագրել, և որքան ժամանակ է ձեզ անհրաժեշտ ամրագրումների միջև։
Ստեղծեք տան կանոններ
Տան կանոնները ակնկալիքներ են սահմանում հյուրերի համար և օգնում որոշել, թե արդյոք ձեր տունը հարմար է իրենց ուղևորության համար։ Ստեղծեք ձեր տան կանոնները՝ սահմանելով հյուրերի առավելագույն թիվը, հանգստի ժամերը և ժամանման ու մեկնման ժամերը։
Նաև կարող եք ընտրել տան ստանդարտ կանոններից, օրինակ՝ արդյոք թույլ եք տալիս՝
- տնային կենդանիներ
- միջոցառումներ
- ծխախոտ՝ սովորական և էլեկտրոնային
- կոմերցիոն նպատակներով տեսանկարահանում և լուսանկարահանում
Ընտրեք չեղարկման կանոններ
Նշեք, թե հյուրերը ժամանման ժամից որքան առաջ կարող են չեղարկել ամրագրումները և հետ ստանալ ամբողջ գումարը կամ դրա մի մասը։ Կարող եք չեղարկման կանոններ ընտրել ինչպես 28 գիշերից պակաս տևողությամբ ամրագրումների, այնպես էլ անընդմեջ 28 գիշեր կամ ավելի երկար տևողությամբ ամրագրումների համար։
Կանոններ ընտրեք ձեզ հարմար տարբերակներից։ Դուք ուզում եք ձեզ պաշտպանել չեղարկումներից՝ միևնույն ժամանակ գրավելով հյուրերի, որոնք ուզում են ճկունություն ունենալ ուղևորություններ պլանավորելիս։ Չեղարկման ավելի ճկուն կանոնները կարող են խթանել ամրագրումները։
Ավելացրեք լրացուցիչ հարմարություններ
Հայտարարությունը ստեղծելիս դուք արդեն ընտրություն եք կատարել սիրված հարմարությունների կարճ ցուցակից։ Հրապարակելուց հետո կարող եք ձեր մյուս հարմարություններն ավելացնել մոտավորապես 150 տարբերակ ներառող մեր ամբողջական ցանկից։
Շատ հյուրեր օգտագործում են զտիչներ, որպեսզի գտնեն իրենց համար կարևոր հարմարություններով տներ։ Հարմարությունների ցանկը կնպաստի, որպեսզի ձեր հայտարարությունն աչքի ընկնի որոնման արդյունքներում, և կձևավորի հյուրերի ակնկալիքները։
Այս հոդվածում պարունակվող տեղեկությունները կարող են փոխված լինել հրապարակումից հետո։