Համահյուրընկալողի վերջնավճարների և հաղորդագրությունների փոխանակման նոր տարբերակներ
Խմբագրի նշում. այս հոդվածը հրապարակվել է Airbnb 2023 ձմեռային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր պրոդուկտի վերջին թողարկման մասին։
Դուք խնդրել եք տրամադրել հավաքարարի կամ համահյուրընկալողի հետ մաքրման վճարի վերջնավճարով կիսվելու եղանակներ։ Դուք նաև խնդրել եք համահյուրընկալողների հետ հաղորդագրություններ փոխանակելու հնարավորություն Airbnb-ում անմիջապես ձեր փոստից։ Այսօրվանից սկսած՝ կարող եք անել երկուսն էլ։
Համահյուրընկալողի վերջնավճարներ
Կիսվեք մաքրման վճարով
Եթե ունեք մաքրման վճար, այժմ կարող եք դրանով կիսվել ձեր հավաքարարի կամ մեկ այլ համահյուրընկալողի հետ։ Դա անելու համար նախ որպես համահյուրընկալող ավելացրեք հավաքարարին կամ մեկ այլ ստացողի։
Ընտրեք վերջնավճարի տարբերակ
Այժմ կարող եք ընտրել վերջնավճարի չորս տարբերակներից մեկը՝
- կիսվել մաքրման վճարով
- տրամադրել մաքրման վճար՝ գումարած ամրագրման արժեքի ինչ-որ տոկոս
- տրամադրել յուրաքանչյուր վերջնավճարի ինչ-որ տոկոս
- տրամադրել ֆիքսված գումար յուրաքանչյուր վերջնավճարից
Նկատի ունեցեք. եթե մի քանի հավաքարարի ավելացնեք որպես համահյուրընկալող, ապա նրանցից միայն մեկը կարող է ստանալ մաքրման վճարը։ Ձեր գտնվելու վայրից, համահյուրընկալողի գտնվելու վայրից և ձեր տարածքի տեղադրությունից կախված՝ գործում են համահյուրընկալողներին վերջնավճարներ տրամադրելու որոշ սահմանափակումներ։
Հաղորդագրությունների փոխանակում համահյուրընկալողների հետ
Այժմ կարող եք համահյուրընկալողին հաղորդագրություն ուղարկել անմիջապես ձեր Airbnb փոստից։ Դուք կկարողանաք կառավարել ձեր հայտարարությունը և համակարգել առաջիկա ամրագրումներն այն նույն տեղից, որտեղից հաղորդագրություն եք ուղարկում հյուրերին։
Համահյուրընկալողի այս գործիքները Airbnb 2023 ձմեռային թողարկման մաս են կազմում։ Սկսեք օգտագործել վաղ հասանելիության գործառույթներն այսօր ևեթ։