Բացահայտեք հյուրընկալողի պրոֆիլի ներուժը

Նախքան սենյակ ամրագրելը հյուրերն ուզում են իմանալ, թե ում հետ են կիսելու տան տարածքը։ Հյուրընկալողի պրոֆիլը կօգնի ներկայանալ հյուրերին և ձևավորել նրանց ակնկալիքները։

Հյուրընկալողի պրոֆիլն այն է, ինչ հյուրը տեսնում է ձեր Airbnb պրոֆիլում։ Ձեր անունը, հյուրընկալման տարիները, գնահատականը և հյուրերի կարծիքները երևում են վերին մասում։ Այնուհետև կարող եք ավելացնել անձնական տվյալներ, օրինակ՝ ձեր աշխատանքը, հոբբիները, լեզուները, զվարճալի փաստերը, տնային կենդանու անունը և այն, ինչը յուրահատուկ է դարձնում ձեր տարածքը։

Հյուրերը սենյակների որոնման արդյունքներում կարող են տեսնել հյուրընկալողի ձեր պրոֆիլի որոշ մասեր։ Ամբողջական պրոֆիլը դիտելու համար նրանք կարող են հպել ձեր լուսանկարին։ Հյուրերը կարող են նաև ձեր պրոֆիլ մուտք գործել հայտարարությունից։

Օգտվեք հիանալի առաջին տպավորություն թողնող լուսանկար ստանալու վերաբերյալ այս խորհուրդներից։

Հյուրընկալողի պրոֆիլն օգնում է սկսել շփումը հյուրերի հետ։ Երաժշտության նկատմամբ ընդհանուր հետաքրքրության, աշխատանքի կամ ճաշակի մասին տեղեկանալը ստեղծում է հարազատության զգացողություն։

«Պարտադիր չէ, որ հյուրընկալողն իմ լավագույն ընկերը լինի, բայց նա պետք է լինի մեկը, ում հետ ինձ լավ կզգամ»,- ասում է Օկլահոմա Սիթիում բնակվող հյուր Սթեյսին։ «Պրոֆիլի միջոցով ես պատկերացնում եմ, թե ինչպիսի մարդ է նա, և ինչպես ինձ կզգամ այցի ընթացքում»։

Լրացուցիչ մանրամասները նաև օգնում են հյուրերին որոշել, թե արդյոք ձեր տարածքը համապատասխանում է իրենց ճամփորդական կարիքներին՝ միաժամանակ խնայելով երկուսիդ ժամանակն ու էներգիան։ «Այն կրճատում է հաղորդագրությունների փոխանակումը և է՛լ ավելի հեշտացնում ամրագրումը, քանի որ իմ հարցերին արդեն պատասխաններ են տրվել»,- ասում է Սթեյսին։

Ջորջիայի Մեյկոն քաղաքում սուպերտանտեր Քրիսը հյուրերի հետ ծանոթանալիս «սառույցը կոտրելու» համար օգտագործում է հյուրընկալողի իր պրոֆիլը։ «Ես հանգիստ մարդ եմ, և դա ինձ օգնեց ավելի շատ բացվել»,- ասում է նա։ 

Իր պրոֆիլում Քրիսը նշում է, որ ինքը նախկին մարզիկ է, որը ֆուտբոլ է խաղացել երկու ավանդաբար աֆրոամերիկյան համալսարանների թիմերում։ Նա նաև հայտնում է, որ՝

• շատ ժամանակ է հատկացնում գոլֆին
• ծնվել է 80-ականներին
• սուրճի բար ունի հյուրերի համար

Մի քիչ ժամանակ հատկացրեք և ավելի շատ տեղեկություններ հայտնեք հյուրերին, նախքան նրանք կամրագրեն ձեր սենյակը։ Հնարավոր է՝ ձեզ այցելեն նման հետաքրքրություններ և կենսակերպ ունեցող հյուրեր։

Ինչպես նշում է հյուր Սթեյսին, «եթե կարդում եմ, որ հյուրընկալողը «շատ ժամանակ է ծախսում» կարաոկե երգելու վրա, իմանում եմ, որ նա կսպասի այլ տեսակի հյուրի, քան այն հյուրընկալողը, որը «շատ ժամանակ է ծախսում» տանը Netflix-ի դիտման վրա»։

Հնարավոր է, որ այս հոդվածում պարունակվող տեղեկությունները հրապարակումից հետո փոխված լինեն։