Հեռախոսի միջոցով ստացեք ձեր տարածքի որակյալ լուսանկարներ
.jpg?crop=100p,100p,x0,y0&width=1050&height=591&auto=webp)
Առանձնահատկություններ
Նկարագրեք, թե ինչն է ձեր տարածքը գրավիչ դարձնում
Պարզապես հետևեք այս քայլերին, այդ թվում՝ ճշտի և սխալի մասին խորհուրդներին
Օգտագործեք մեր ստուգացանկը՝ համոզվելու համար, որ ապահովել եք հիմնականը
1. Նախապատրաստեք ձեր տարածքը
Սկսելուց առաջ գտեք ձեր տարածքի լավագույն լուսավորությունը և դասավորեք ամեն ինչ՝ օգտվելով մեր լուսանկարչական ուղեցույցի ռազմավարություններից։ Ժամանակ հատկացրեք յուրաքանչյուր սենյակի հինգ-վեց լուսանկար անելու համար։
Լուսանկարելիս կարևոր է հասկանալ, թե ինչպես են ձեր տարածքի լուսանկարները ցուցադրվում Airbnb-ում.
- Ձեր առաջին լուսանկարը շապիկի լուսանկարն է՝ հայտարարության էջի գլխավոր լուսանկարը և որոնման արդյունքներում երևացողը։
- Ձեր առաջին հինգ լուսանկարները՝ ներառյալ շապիկի լուսանկարը, ցուցադրվում են որպես կոլաժ ձեր հայտարարության էջի վերևում և կտրվում են քառակուսի ձևաչափով, ուստի հիշեք, որ պետք է կենտրոնացնեք ձեր լուսանկարը։
- Ձեր լուսանկարների պատկերասրահը պարունակում է ձեր բոլոր լուսանկարները, որոնք հյուրերը կարող են դիտել։
2. Ստուգեք ձեր կարգավորումները
Շատ հեռախոսներ կարող են հիանալի լուսանկարներ անել։ Ահա մի քանի օգտակար գործառույթներ և ինչպես օգտագործել դրանք։
Միացրեք վանդակները
Վանդակները կարող են օգնել պատկերը շրջանակի մեջ վերցնել և ցույց կտան, թե արդյոք այն ուղիղ է։ Ձեր վանդակները կարգավորելու համար.
- iPhone-ում. Բացեք Կարգավորումներ > Տեսախցիկ և ձեր հեռախոսի վանդակները դարձրեք Միացված։
- Android-ում. Բացեք տեսախցիկի հավելվածը, գնացեք Կարգավորումներ, իջեք ներքև և Վանդակների գծեր տարբերակը դարձրեք Միացված։
Վանդակների օգտագործման վերաբերյալ լրացուցիչ խորհուրդների համար ստորև ծանոթացեք երրորդների կանոնի բաժնին։
Անջատեք լուսաբռնկումը
Լուսաբռնկումը ավելորդ չորություն է հաղորդում պատկերին, ուստի բնական վառն լույսն իդեալական է։ Եթե ձեր տարածքն ունի պատուհաններ, փորձեք այն լուսանկարել օրվա ամենալուսավոր պահին։ Եթե տարածքը չունի պատուհաններ, լամպեր միացնելը կարող է հարմարավետ մթնոլորտ ստեղծել։
Լուսաբռնկումն անջատելու համար բացեք ձեր Տեսախցիկ հավելվածը, գտեք կայծակի նշանը և ընտրեք Անջատել։
Ստուգեք պատկերի լուծաչափը
Ամենահստակ լուսանկարներն ունեն առնվազն 1024 x 683 պիքսել լուծաչափ։ Ձեր կարգավորումները կարող են օպտիմալացված լինել՝ պահելու միայն ցածր լուծաչափով պատկերներ, ուստի ստուգեք, որ դրանք պահվեն բարձր լուծաչափով։ Դուք միշտ կարող եք վերադառնալ և փոխել դա, երբ ավարտեք լուսանկարումը։
3. Կազմեք պրոֆեսիոնալ լուսանկար
Ահա թե ինչ է պետք անել և ինչ պետք չէ՝ որակյալ պատկերներ ստանալու համար։
Ուղիղ պահեք գծերը
ՃԻՇՏ Է. հեռախոսը պահել ուղիղ և հատակին զուգահեռ։ Կահույքի հիմնական մասը կենտրոնական հատվածում տեղավորելու համար անհրաժեշտ է բարձրացնել կամ իջեցնել ձեռքերը։ Ննջասենյակներում կենտրոնացեք մահճակալի վրա, հյուրասենյակներում՝ գուցե բազմոցի։ Ընդհանուր առմամբ՝ տեսախցիկը միշտ պետք է բավականաչափ բարձր լինի՝ մահճակալների, սեղանների և սեղանածածկերի գագաթները պատկերելու համար։
ՍԽԱԼ Է. բարձրացնել հեռախոսը գլխից վեր՝ ավելի լավ դիտանկյուն ստանալու համար, կամ պահել այն մի որևէ անկյան տակ, ինչը հաճախ հանգեցնում է անցանկալի աղավաղման։
Հետևեք երրորդների կանոնին
Երրորդների կանոնը լուսանկարչական սկզբունք է, որը պատկերը բաժանում է հորիզոնական և ուղղաձիգ երրորդների այնպես, որ ստացվի ինը քառակուսի և չորս կետ, որտեղ գծերը հատվում են։ Միացնելով ձեր հեռախոսի վանդակների հնարավորությունը և օգտագործելով երրորդների կանոնը՝ կապահովեք, որ ձեր լուսանկարներն ուղիղ լինեն և լավ կոմպոզիցիա ունենան։
Ճիշտ է. պատկերի գլխավոր օբյեկտը պահել վանդակների գծերի հատման կետերում, որը կենտրոնից մի փոքր կողք է։ Օրինակ՝ պահեք հեռախոսն այնպես, որ կադրի կիզակետը՝ բազմոցը, մահճակալը կամ սեղանը, լինի այնտեղ, որտեղ գծերը հատվում են էկրանի ձախ կամ աջ կողմում։
ՍԽԱԼ Է. հիմնական կիզակետը պահել ներքևի կամ վերևի երրորդի վրա, քանի որ կարող եք կտրել մի շարք կարևոր տեղեկություններ։
Ստացեք ֆոկուսով լուսանկարներ
ՃԻՇՏ Է. օգտագործել ավտոֆոկուս, որպեսզի ստիպված չլինեք ձեռքով կարգավորել ֆոկուսը։
ՍԽԱԼ Է. լուսանկարել մեկ ձեռքով։ Երկու ձեռքն օգտագործելու դեպքում տեսախցիկն ավելի կայուն դիրք կունենա, և կստանաք հստակ պատկեր։ Կարող եք նաև արմունկները հենել կողոսկրերին, որպեսզի կայուն պահեք ձեռքերը։Ինչպես օգտագործել մասշտաբի փոփոխությունը
Նոր հեռախոսները հաճախ ունեն նախապես սահմանված ռեժիմներ որոշակի պարամետրերի համար, օրինակ՝ դիմանկար, լանդշաֆտ կամ լայնանկյուն։ Եթե ձեր հեռախոսի տեսախցիկն ունի այս տարբերակները, օգտագործեք դրանք՝ տեսախցիկը ֆիզիկապես տեղափոխելու փոխարեն։
Ոսպնյակը մոտեցնելն ամենաօգտակարն է, երբ լուսանկարում եք տարածքի խնամքով ձևավորված հատվածները, օրինակ՝ պատկերը շրջանակի մեջ վերցնելով այնպես, որ կենտրոնանա սուրճի սեղանի մի մասի, բազմոցի և վերևում կախված նկարի միայն մի մասի վրա։
Եթե հեռախոսը չի աջակցում այս ռեժիմները, օգտագործեք ձեր կանխադրված կարգավորումը՝ սենյակը որպես ամբողջություն լուսանկարելու համար, և միայն մոտեցրեք ոսպնյակը՝ խոշոր պլանով պատկերներ ստանալու համար, օրինակ՝ մահճակալի կողքի սեղանիկ՝ վրան ծաղկային կոմպոզիցիայով, կամ բազմոց, որի վերևում արվեստի գործ է կախված։
4. Պատմեք պատմություն
Ցույց տվեք, թե ինչու պետք է հյուրերը ձգտեն մնալ ձեր տարածքում։ Թեև ձեր հայտարարության նկարագրությունը կարևոր մանրամասներ է ներկայացնում, Airbnb-ում մի պատկերն իսկապես հազար բառ արժե։
Ընդգծեք հարմարությունները
Հյուրերն ուրախ կլինեն իմանալ հատուկ հարմարությունների մասին, այնպես որ լուսանկարեք ուշագրավ հարմարությունները։ Ավելի լավ է դրանք պատկերել ձեր մնացած տարածքի համատեքստում, օրինակ՝ լոգարանի կողքի նստարանին ծալված սրբիչների լայնանկյուն պատկեր, ոչ թե լոգարանի հարմարանքները մոտիկից։
Ահա որոշ հարմարությունների օրինակներ, որոնք կարող եք լուսանկարել և նշել մակագրություններում՝
- նոթբուքով աշխատելու տեղ
- ընտանիքի համար հարմար իրեր, օրինակ՝ բարձր կերակրաթոռ կամ օրորոց
- բացօթյա տարածք, օրինակ՝ պատիո, այգի կամ պատշգամբ
- սուրճի ապարատ, սրճեփ կամ թեյի սպասք
- պրեմիում դասի հիգիենայի պարագաներ, օրինակ՝ լոգարանի սրբիչներ, խալաթներ կամ հողաթափեր
Ճիշտ դիրքով պահեք ձեր տեսախցիկը
Ստացեք հորիզոնական պատկերներ ձեր առաջին հինգ լուսանկարների համար, քանի որ դրանք լավագույնս են ցուցադրվում ձեր հայտարարության էջի ցանցում։
ՃԻՇՏ Է. օգտագործել ուղղաձիգ կադրեր փոքր տարածքների համար, ինչպես օրինակ՝ պահարանների, փոքր լոգասենյակների կամ պատշգամբների։
ՍԽԱԼ Է. օգտագործել ուղղաձիգ պատկեր որպես ցանցի հինգ լուսանկարներից մեկը, քանի որ այն կտրված կլինի հորիզոնական ձևաչափով։
Բազմազան դարձրեք ձեր կոմպոզիցիան
Կարող եք օգնել հյուրերին պատկերացնել իրենց ձեր տարածքում՝ ցույց տալով ոչ միայն քնելու, ուտելու և հանգստանալու տարածքները, այլև ներառելով հետաքրքիր մանրամասների լուսանկարներ։
Կոմպոզիցիաների խառնուրդ ունեցեք յուրաքանչյուր սենյակի համար՝ հորիզոնական և ուղղաձիգ դիրքերով նկարված։ Ահա թե երբ է պետք օգտագործել կոմպոզիցիայի յուրաքանչյուր տեսակ.
- Լայնանկյուն լուսանկարները ներկայացնում են հիմնական պատկերները՝ օգնելով մարդկանց հասկանալ սենյակի չափը և այն ամենը, ինչ այն առաջարկում է։
- Միջին պլանով արված պատկերները լավ են աշխատում ուղիղ արված վիճակում, ոչ թե անկյան տակ։ Այս պատկերներն օգնում է հյուրերին պատկերացում կազմել սենյակի հիմնական առանձնահատկության մասին։
- Խոշոր պլանով արված լուսանկարները օգնում են պատկերել սենյակի անհատականությունը, օրինակ՝ մահճակալի կողքի սեղանիկի գրքերը։ Երբ խոշոր պլանով լուսանկարներ եք անում, լրացուցիչ ուշադրություն դարձրեք այն բանին, թե ինչ կա շրջանակի մեջ. չմոռանաք թափ տալ բարձերը, թաքցնել լարերը, հարթել սավանները։
ՃԻՇՏ Է. լուսանկարներով ցույց տվեք, թե ինչպես են ձեր սենյակները կապվում մեկը մյուսի հետ, օրինակ՝ ցույց տվեք հյուրասենյակը խոշոր պլանով արված պատկերի ֆոնին։ Մտածեք, որ պատկերասրահի միջոցով շրջայց եք կազմակերպում՝ հյուրերին հնարավորություն տալով հասկանալու հատակագիծը։
Լուսանկարեք ավելին, քան ձեզ անհրաժեշտ է
Դուք կատարել եք ձեր տարածքը նախապատրաստելու բոլոր աշխատանքները, այնպես որ համոզվեք, որ ամեն ինչ երևում է լուսանկարներում։ Ավելի ուշ կարող եք որոշել, թե դրանցից որոնք ընտրեք կիսվելու համար։
Ընտրություններ կատարելիս հաշվի առեք, որ ձեր լուսանկարները պետք է պատմեն ձեր տարածքի պատմությունը և տեղեկացնեն հյուրերին, թե ինչ ակնկալել։ Ահա որոշ առաջարկներ.
- Բավարար թվով լուսանկարներ դրեք․ այդպես հյուրերին կօգնեք ճիշտ ակնկալիքներ ձևավորել
- Ներառեք հյուրերին հասանելի յուրաքանչյուր սենյակի երկուսից մինչև չորս լուսանկար
- Լուսանկարեք յուրաքանչյուր սենյակի տարբեր անկյուններից՝ ամբողջական պատկերը ստանալու համար
- Լուսանկարեք մոտիկից՝ ձեր տարածքի անհատականությունն ընդգծելու համար
- Հստակորեն լուսանկարեք հատուկ հարմարությունները
Օգտագործեք այս ստուգացանկը
Նկարահանումը սկսելու հարցում օգնելու նպատակով ստեղծել ենք խորհուրդ տրվող լուսանկարների և անկյունների ցանկ։
Ննջասենյակներ
- Յուրաքանչյուր ննջասենյակի լայնանկյուն լուսանկար
- Սենյակների տարբեր անկյուններ՝ ավելի շատ համատեքստ ստանալու համար
- Առաջնային տարրերի, օրինակ՝ մահճակալի և կցասեղանի միջին պլան
- Խոշոր պլանով լուսանկար, որը ցույց կտա ձեր անհատականությունը, օրինակ՝ կցասեղանին դրված գիրք կամ ծաղիկներ
Հյուրասենյակ
- Հյուրասենյակի ամբողջ տարածքի՝ խոշոր պլանով արված լուսանկար (հնարավորության դեպքում՝ լուսամուտից ներթափանցող լույսով)
- Նստելու տարածքի կամ բազմոցի՝ միջին պլանով արված պատկեր
- Խոշոր պլանով արված լուսանկար, որն ընդգրծում է առանձնահատկությունները, օրինակ՝ բուխարին
Լոգասենյակ
- Գլխավոր լոգասենյակի լայնանկյուն լուսանկար
- Երկրորդական լոգասենյակի՝ միջին պլանով արված պատկեր՝ լոգարանով կամ ցնցուղով և լվացարանով
- Սրբիչների շարանի կամ պատուհանից բացվող տեսարանի՝ խոշոր պլանով արված լուսանկար
Խոհանոց
- Խոհանոցը կամ խոհանոցիկն ամբողջությամբ պատկերող լայնանկյուն լուսանկար
- Ջեռոցի միջին պլանով պատկեր՝ կոկիկ դասավորված սեղանածածկի կողքին
- Սեղանի կենտրոնում ծաղկային կոմպոզիցիայի՝ խոշոր պլանով արված լուսանկար
- Հյուրերի համար մաքրման անհրաժեշտ պարագաների ողջույնի զամբյուղը մոտիկից
Բացօթյա տարածքներ
- Պատշգամբի, պարտեզի, պատիոյի կամ ամբողջ տախտակամածի՝ ընդհանուր պլանով արված լուսանկար
- Միջին պլանով նկարված պատկեր, որում երևում են բացօթյա հանգստի տարածքները (և, հնարավորության դեպքում, դրանցից բացվող տեսարանները)
- Բացօթյա կահույքի կողքին ճաշակով ընտրված դեկորի՝ խոշոր պլանով արված լուսանկար, օրինակ՝ բույսեր թաղարի մեջ
- Դեպի ձեր մուտքը տանող ճանապարհի լայնանկյուն լուսանկար
Դուք բոլորից լավ եք ճանաչում ձեր տարածքը, այնպես որ անպայման լուսանկարեք ձեր սիրած մանրամասները և այն ամենը, ինչ հյուրերը գնահատում են իրենց կարծիքներում։ Նախքան նկարահանումը ավարտելը մի քանի րոպե աչքի անցկացրեք ձեր նկարած բոլոր պատկերները՝ համոզվելու համար, որ անդրադարձել եք ձեր ցանկում նշված ամեն ինչին։
Ուսումնասիրեք լուսանկարչական ձեռնարկը.
Առանձնահատկություններ
Նկարագրեք, թե ինչն է ձեր տարածքը գրավիչ դարձնում
Պարզապես հետևեք այս քայլերին, այդ թվում՝ ճշտի և սխալի մասին խորհուրդներին
Օգտագործեք մեր ստուգացանկը՝ համոզվելու համար, որ ապահովել եք հիմնականը