Սպասարկման վճարների պարզեցում

Մենք պարզեցնում ենք վճարների կառուցվածքը որոշ երկրներում։ Սա ձեզ համար ավելի հեշտ կդարձնի իմանալ, թե որքան են վճարելու հյուրերը, և սահմանել մրցունակ գներ։ Իմացեք, թե ինչն է փոխվում, և ինչպես նույնը թողնել վերջնավճարները, եթե ապրում եք Պերուում, Հարավային Կորեայում, Գերմանիայում կամ Միացյալ Թագավորությունում։

Որպես կանոն՝ այսօր թե՛ հյուրընկալողներից, թե՛ հյուրերից գանձվում են սպասարկման վճարներ։ Արդյունքում՝ դուք սահմանում եք մի գին, բայց ձեր հյուրերը տեսնում են ավելի բարձր գին, որը ներառում է իրենց սպասարկման վճարը։

Շատ հյուրընկալողներ մեզ ասում են, որ սա դժվարացնում է գնանշումը։ Օրինակ՝ եթե գինը սահմանեք 100 ԱՄՆ դոլար, հյուրերը կտեսնեն 115 ԱՄՆ դոլար, երբ ավելացվի հյուրի վճարը, իսկ դուք կվաստակեք 97 ԱՄՆ դոլար, երբ հանվի հյուրընկալողի վճարը։*

Գնանշումը պարզեցնելու համար մենք երկու վճարները միավորում ենք հյուրընկալողների վճարած սպասարկման 15,5% միասնական վճարի մեջ։ Օրինակ՝ եթե գինը սահմանեք 115 ԱՄՆ դոլար, հյուրերը կտեսնեն 115 ԱՄՆ դոլար, իսկ դուք միասնական վճարի հանումից հետո կվաստակեք 97 ԱՄՆ դոլար։

Պերուում կամ Հարավային Կորեայում ապրող հյուրընկալողները սպասարկման միասնական վճարին կանցնեն մայիսի 25-ին։ Գերմանիայում կամ Միացյալ Թագավորությունում ապրող հյուրընկալողներն անցում կկատարեն հունիսի 22-ին։

15,5% վճարը հիմնված է ամբողջ աշխարհում Airbnb-ի սպասարկման վճարների միջին արժեքի վրա։

Մենք ստեղծել ենք գործիք, որի միջոցով կարող եք միանգամից ճշգրտել ձեր բոլոր տարածքների գները՝ հաշվի առնելով սպասարկման միասնական վճարը։

Հարկ կլինի ճշգրտել գները, որպեսզի մեկ գիշերվա համար ձեր վերջնավճարները մնան նույնը։ Նախորդ օրինակով՝ եթե գինը 100 ԱՄՆ դոլարից փոխեք 115 ԱՄՆ դոլարի, առաջվա պես կվաստակեք 97 ԱՄՆ դոլար, իսկ հյուրերն առաջվա պես կտեսնեն 115 ԱՄՆ դոլար։

Միասնական սպասարկման վճարը կկիրառվի միայն այն ամրագրումների նկատմամբ, որոնք կատարվել են տրոհված վճարից միասնական վճարի անցնելուց հետո։

Եթե միջոցներ չձեռնարկեք մինչև վերջնաժամկետը, մեկ գիշերվա համար ձեր գներն ու վերջնավճարները կնվազեն։ Օրինակ՝ եթե գինը մնա 100 ԱՄՆ դոլար, 15,5% վճարի հանումից հետո կվաստակեք 84,50 ԱՄՆ դոլար, իսկ հյուրերը կտեսնեն 100 ԱՄՆ դոլար։

Իմացեք ավելին Airbnb-ի սպասարկման վճարների և գնի ճշգրտման գործիքի մասին։

*Սրանք ընդամենը օրինակներ են և հաշվի չեն առնում այն վճարները, որոնք հյուրընկալողները որոշում են ավելացնել, կամ հարկերը։

Որոշ հյուրընկալողներ վճարում են սպասարկման ավելի բարձր վճարներ, այդ թվում՝ նրանք, ովքեր տարածքներ ունեն Բրազիլիայում։

Որոշ երկրներում և տարածաշրջաններում հարկերը ներառված են հայտարարություններում ցուցադրված ընդհանուր գնի մեջ։ Հարկերը միշտ ներառված են ընդհանուր գնի մեջ, որը հյուրերին ցուցադրվում է նախքան վճարումը։

Այս հոդվածում պարունակվող տեղեկությունները կարող են փոխված լինել հրապարակումից հետո։