Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Երկարաժամկետ այցերի ընթացքում հյուրերին գոհացնելու համար պարզ միջոցներ

Հետևեք այս խորհուրդներին՝ հյուրերին տպավորելու և լավ կարծիքներ ստանալու համար։
Հեղինակ՝ Airbnb, ամսաթիվ՝ 28 փտվ, 2023 թ.
2 րոպե ընթերցում
Թարմացվել է՝ 28 փտվ, 2023 թ.

28 գիշեր կամ ավելի երկար մնացող հյուրերի և մեկ շաբաթով այցելողների կարիքները հաճախ տարբեր են լինում։ Այդ կարիքների բավարարումը ավելի լավ ճամփորդական պայմաններ է ստեղծում նրանց համար և կարող է ավելի շատ հինգ աստղանի կարծիքներ բերել ձեզ։

Նվազագույնը մեկ ամիս տևողությամբ այցեր կատարող հյուրերին բավականություն պատճառելու համար փորձեք այս հասարակ ժեստերն անել նրանց ժամանումից մոտ մեկ շաբաթ անց։

Հարցրեք հյուրերին, թե ինչի կարիք ունեն

Մեկ ամիսը երկար ժամանակ է։ Այս ընթացքում պետք է գալիս այն ամենը, ինչ սովորաբար օգտագործում են տանը, բայց չեն կարողացել վերցնել իրենց հետ։ Որպես հյուրընկալող՝ կարող եք հարցնել հյուրերին՝ արդյո՞ք որոշ հիմնական պարագաներ պակասում են։

Գուցե նրանք պետք գա լրացուցիչ բարձ կամ ծածկոց, հովանոց կամ որևէ խոհանոցային սարք, օրինակ՝ տոստեր կամ բլենդեր։ Այս համեմատաբար փոքր հարմարությունները տրամադրելու ձեր պատրաստակամությունը կարող է մեծ ազդեցություն ունենալ նրանց հարմարավետության մակարդակի վրա, և դուք կկարողանաք նույնն առաջարկել ապագա հյուրերին։

Անդրեան, որը սուպերտանտեր է Վաշինգտոն նահանգի Լիվենվորթ քաղաքում, ասում է, որ սիրում է խոհանոցն ամեն ինչով ապահովված վիճակում պահել երկարաժամկետ այցերի ընթացքում։ «Ես միշտ իմ հյուրերին տրամադրում եմ մեծ քանակությամբ տերևով թեյ, սուրճ, սուրճ պատրաստելու մի քանի տարբերակներ և ձեթ ու համեմունքներ»։

Առաջարկեք մաքրում այցի ընթացքում

Շատ հյուրեր գնահատում են իրենց այցի ընթացքում անվճար մաքրումը։ Նրանց համար դա լավ բոնուս է, իսկ ձեզ հնարավորություն է տալիս կատարելու թեթև սպասարկման աշխատանքներ, օրինակ՝ փոխարինել մարտկոցները, էլեկտրական լամպերը և զտիչները։

Սան Ֆրանցիսկոյում գործող սուպերտանտեր Աննետը սիրում է հյուրերին ասել. «Քանի որ դուք այստեղ կլինեք առնվազն մեկ ամիս, հնարավոր է, որ ինչ-որ բան ունենա մեր ուշադրության կարիքը։ Խնդրում ենք չփորձել ինքնուրույն վերանորոգել՝ անկախ այն բանից, թե որքան փոքր գործ է թվում դա։ Անմիջապես դիմեք մեզ, և մենք կկարգավորենք խնդիրը»։

Այցի ընթացքում մաքրում պլանավորելիս լավ կլինի հայտնել հյուրերին, թե կոնկրետ ով է գալու, երբ է սկսելու մաքրել և մոտավորապես որքան ժամանակ է լինելու տարածքում։ Հստակ ակնկալիքներ սահմանելը նշանակում է, որ դուք հարգում եք նրանց անձնական կյանքի իրավունքը և անվտանգությունը։

Կարող եք նաև առաջարկել ավելի հաճախակի սպասարկում վճարի դիմաց, ինչը կօգնի աջակցել ձեր մաքրող անձնակազմին և մաքուր պահել տարածքը։

Խորհուրդ տվեք տեղական ծառայություններ

Սովորաբար, հյուրերը ձեզ պես լավ չեն իմանում ձեր տարածաշրջանը։ Տեղանքի վերաբերյալ խորհուրդներ պարունակող հաղորդագրություն ուղարկելով կամ ուղեցույց տրամադրելով՝ նրանց կօգնեք առավելագույն բավականություն ստանալ իրենց այցից։

Կազմեք կարճ ցուցակ՝ մտածելով, թե ինչ ծառայությունների կարիք կարող են ունենալ երկարաժամկետ այցեր կատարող հյուրերը, օրինակ՝ շներին զբոսանքի տանելու, մթերային ապրանքների առաքման կամ նոթբուքների նորոգման ծառայություններ։ Խորհուրդ տալով տեղական առևտրային կետեր՝ կշփվեք հյուրերի հետ և միաժամանակ կաջակցեք ձեր համայնքին։

Հյուրերի ուշադրությունը հրավիրեք ձեր սիրած վայրերի, հատկապես՝ քիչ հայտնիների վրա, ուր իսկապես պարտադիր է այցելել։ Չմոռանաք հիշատակել այցի ժամանակահատվածում անցկացվող փառատոնների կամ այլ մեծ հանրային միջոցառումների մասին։

Ցույց տվեք հատուկ ուշադրության նշաններ

Հատուկ ուշադրության արժանանալու դեպքում հյուրերն իրենց գնահատված կզգան։ Դուք կարող եք դռան մոտ թողնել շնորհակալական բացիկ («Շնորհակալություն մեր տանը մնալու համար») և հատուկ ընտրված նվեր՝

  • տեղական արտադրության մի շիշ գինի
  • մի կտոր թարմ թխած հաց
  • տարածաշրջանի հուշանվեր

«Որքան փոքր և թեթևաքաշ՝ այնքան լավ»,- ասում է Դոննան, որը սուպերտանտեր է Սան Ֆրանցիսկոյում։ «Անձամբ նախընտրում եմ հյուրասիրել ինչ-որ ուտելիք, որից կարելի է ցանկության դեպքում անմիջապես օգտվել»։ Տեղական արտադրության իրերը կարող են տվյալ պահին հիացմունք պատճառել հյուրերին և մեկնելուց հետո սիրով հիշեցնել ձեր տարածքի մասին։

Այս հոդվածում պարունակվող տեղեկությունները կարող են փոխված լինել հրապարակումից հետո։
Airbnb
28 փտվ, 2023 թ.
Հոդվածն օգտակա՞ր էր։