Ինչպես կիսվել խորհուրդներով «Հաղորդագրություններ» ներդիրում
Հյուրերը հաճախ խորհուրդներ են հարցնում հյուրընկալողներից, թե ինչ տեսնել, ինչով զբաղվել և ինչ ուտել։ Այժմ կարող եք Airbnb փորձառություններ և սերվիսներ խորհուրդ տալ՝ օգտագործելով հաղորդագրման թարմացված գործիքներ։
Ի՞նչ են փորձառություններն ու սերվիսները
Airbnb փորձառությունները միջոցառումներ են, որոնք հյուրերին օգնում են կապվել իրենց գտնվելու վայրերի հետ, օրինակ՝ խոհարարության դասեր, արվեստի վարպետաց դասեր և շրջայցեր ոչ այնքան հայտնի վայրերով։ Airbnb սերվիսները բարձրորակ սերվիսներ են, որոնք կարող են է՛լ ավելի լավը դարձնել հյուրի այցը, այդ թվում՝ մերսումներ, պատրաստի ուտեստներ և անհատական մարզումներ։
Փորձառությունների և սերվիսների որակը ստուգվում և պարբերաբար վերանայվում է, որպեսզի դրանք համապատասխանեն Airbnb-ի ստանդարտներին։ Շատ հյուրընկալողներ հայտնի են իրենց ոլորտում։
Ուսումնասիրեք փորձառություններն ու սերվիսները ձեր տարածաշրջանում։
Ինչպե՞ս կիսվեմ խորհուրդներով
«Հաղորդագրություններ» ներդիրում փորձառություններ և սերվիսներ խորհուրդ տալու 2 եղանակ կա։ Կարող եք ընտրել բարձր գնահատված հայտարարությունների ընտրանուց կամ հաղորդագրությամբ տրամադրել ձեր ընտրանիում ընդգրկված հայտարարությունների հղումները։ Երբ նշված եղանակներից մեկով խորհուրդ եք տալիս, հյուրերը ստանում են թվային քարտ, որը ցույց է տալիս հայտարարության վերնագիրը, գնահատականը և կարծիքների քանակը։
Բարձր գնահատված հայտարարությունների ընտրանուց ընտրելու համար՝
- Բացեք հյուրի հետ ունեցած նամակագրությունը։
- «Գրել հաղորդագրություն» կետի կողքին հպեք պլյուս նշանին (+), հետո՝ Կիսվել խորհուրդներով։
- Ընտրեք փորձառություններ կամ սերվիսներ, որոնք ուզում եք խորհուրդ տալ, և ավելացրեք դրանք՝ հպելով Կցել։
- Հպեք սլաքին (↑), որպեսզի ուղարկեք խորհուրդները։
Ձեր հավանած հայտարարությունների հղումներով կիսվելու համար՝
- Պատճենեք ձեր նախընտրելի փորձառությունների և սերվիսների հղումները և տեղադրեք հաղորդագրության մեջ։
- Եթե օգտագործում եք այս եղանակը, նկատի ունեցեք, որ հյուրերը կտեսնեն թվային քարտեր, ինչպես նաև բուն հղումները։ Դուք պարգև կստանաք միայն այն դեպքում, եթե հյուրերը ամրագրելու համար հպեն թվային քարտին։
Ինչպե՞ս կարող եմ իմ խորհուրդները պահել արագ պատասխաններում
Կարող եք ստեղծել արագ պատասխան կամ փոփոխել առկա պատասխանը։ Նախապես գրված ձևանմուշում ձեր խորհուրդների հղումները պահելու դեպքում ժամանակ կխնայեք։ Կարող եք արագ պատասխան ուղարկել հյուրերի հետ հաղորդագրություններ փոխանակելիս կամ պլանավորել այն, որպեսզի կարևոր պահին ուղարկվի ավտոմատ կերպով։
Արագ պատասխան ստեղծելու կամ փոփոխելու համար՝
- Բացեք «Հաղորդագրություններ» ներդիրը։
- Էկրանի վերին աջ մասում հպեք կարգավորումների պատկերակին։
- Հպեք Կառավարել արագ պատասխանները, հետո՝ Ստեղծել։
- Անվանեք ձևանմուշը և գրեք հաղորդագրությունը։
- Հպեք Ավելացնել մանրամասներ՝ օգտագործելու տեղապահներ, որոնք ավտոմատ կերպով լրացնում են հյուրի անունը կամ այլ տեղեկություններ։
- Ներառեք ձեր առաջարկած հայտարարությունների հղումները։
- Հպեք Պահել։
Այս հոդվածում պարունակվող տեղեկությունները կարող են փոխված լինել հրապարակումից հետո։