Ինչպես սահմանել նախնական գին

Սահմանեք մրցունակ գին, որը կառանձնացնի ձեր հայտարարությունը և հյուրերին կխրախուսի ամրագրել։ Ձեր գնի համար մշտապես դուք եք պատասխանատու և ցանկացած պահի կարող եք փոխել այն։

Նախ` ընտրեք հիմնական գին աշխատանքային օրերի համար։ Սա ձեր օրացույցի բոլոր գիշերների կանխադրված գինն է։ Դուք ունեք հանգստյան օրերի (ուրբաթ և շաբաթ) համար հավելավճար ավելացնելու տարբերակ։

Գնանշման ցուցադրված խորհուրդներում հաշվի են առնվում մի շարք գործոններ, օրինակ՝ գտնվելու վայրը, հարմարությունները, նախորդ ամրագրումները և ձեր տարածաշրջանում գործող վերջին գները։ Եթե ցանկանում եք սահմանել առաջարկվածից տարբեր գին, փորձեք հավասարակշռել ձեր ծախսերը և այն գումարը, որը հյուրերը պատրաստ են վճարելու։ Ահա մի քանի բան, որ պետք է հաշվի առնել։

• Ձեր հյուրընկալման ծախսերը։ Դրանք կարող են ներառել հիպոտեկային վարկը, կոմունալ վճարները, սպասարկումը և հարկերը։
• Առաջարկվող գին/որակ հարաբերակցությունը։ Հաշվի առեք, թե ինչ եք ցուցադրում ձեր տարածքում, օրինակ՝ սիրված հարմարությունները, հատուկ հարմարությունները և մոտիկությունը տեղական տեսարժան վայրերին։
• Ընդհանուր գինը, որը վճարում են հյուրերը։ Նկատի ունեցեք, որ ցանկացած վճար, օրինակ՝ տնային կենդանու վճարը, որը մտադիր եք ավելացնել, ազդում է ընդհանուր գնի վրա։

Ավելի ցածր գնից սկսելը կօգնի գրավել ձեր առաջին հյուրերին և ստանալ կարծիքներ։

Ակցիաներն ու զեղչերը կարող են բարելավել հայտարարության դիրքը որոնման արդյունքներում և գրավել հյուրերի։

• Ակցիա նոր հայտարարության համար։ Առաջարկեք 20% զեղչ ձեր առաջին 3 ամրագրման համար, ինչը կօգնի ունենալ ձեր առաջին հյուրերն ու կարծիքները։
• Վերջին պահի զեղչ։ Օրացույցի ազատ օրերը զբաղեցնելու համար ժամանումից 1-ից մինչև 28 օր առաջ կատարված ամրագրումների համար իջեցրեք գինը։
• Շաբաթական և ամսական զեղչեր։ Երկարաժամկետ այցերի համար առաջարկվող զեղչերը կօգնեն ավելի արագ լրացնել օրացույցը և կրճատել այցերի միջև ընկած ժամանակահատվածը։

Զեղչված գինը հայտնվում է սկզբնականի կողքին, որը վրագծված է։

Ձեր հայտարարությունը հրապարակելուց հետո կկարողանաք օգտվել գնանշման ավելի շատ գործիքներից։ Գինը պարբերաբար ճշգրտելու համար օգտվելով Airbnb-ի գործիքներից՝ կկարողանաք ունենալ ձեր նպատակային եկամուտները։

Հնարավոր է, որ այս հոդվածում պարունակվող տեղեկությունները հրապարակումից հետո փոխված լինեն։