Թարմացված գնահատականներ և կարծիքներ

Խմբագրի նշում. այս հոդվածը հրապարակվել է Airbnb 2023 ձմեռային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր պրոդուկտի վերջին թողարկման մասին։

Հյուրերն ամրագրելուց առաջ տան որակը հասկանալու համար ապավինում են գնահատականներին և կարծիքներին։ Բայց հյուրերը մեզ ասել են, որ չափազանց դժվար էր գտնել իրենց պահանջներին համապատասխան կարծիքներ։

Ահա թե ինչու ենք վերափոխել գնահատականների էջը և ավելացրել երեք նոր գործառույթ, որոնք հեշտացնում են կարծիքների ընթերցումը և շատ ավելի օգտակար են։

Ձեր հայտարարության էջի «Կարծիքներ» բաժնում կա նոր տրամագիր, որը ցույց է տալիս մեկից հինգ աստղանի կարծիքների բաշխումը։ Դա հյուրերին հնարավորություն է տալիս արագ տեսնելու դրական և բացասական կարծիքների քանակը ձեր տան ամբողջ պատմության ընթացքում։

Հյուրերն այժմ կարող են ձեր կարծիքները դասավորել ըստ ամենաբարձր գնահատվածների կամ ամենաթարմերի՝ հեշտացնելով այն կարծիքները գտնելը, որոնք իրենց ամենաշատն են հետաքրքրում։ Նրանք կարող են ձեր բոլոր հինգ աստղանի կարծիքները կարդալ մեկ տեղում կամ թերթել կարծիքները՝ սկսած ամենավերջիններից։

Յուրաքանչյուր կարծիքի կողքին այժմ կհայտնվի գնահատականը, որն ի մի կբերի հյուրերի մեկնաբանություններն ու դիտողությունները։ Եթե մի հյուր ձեր տարածքը գնահատի չորս աստղով, բայց հիացական կարծիք թողնի, ապագա հյուրերն ավելի լավ կհասկանան ձեր ընդհանուր գնահատականը։

Բացի այդ, կարծիքները լրացուցիչ տեղեկություններ են պարունակում կարծիք հայտնողի և նրա ուղևորության մասին, այդ թվում՝ որտեղից է նա, որքան է մնացել և արդյոք ճանապարհորդել է ընտանիքով, տնային կենդանիների հետ կամ խմբով։ Սա ապագա հյուրերին կօգնի գտնել իրենց ուղևորությանը հնարավորինս համապատասխանող կարծիքներ։

Օրինակ՝ եթե հյուրը ճամփորդել է երեխաների հետ, ապա նրա կարծիքի վերևում կհայտնվի Մնացել է երեխաների հետ պիտակը։ Եթե հյուրը մնացել է յոթ գիշեր, ապա նրա կարծիքից վերև կհայտնվի Մնացել է մեկ շաբաթ պիտակը։*

Բարելավված գնահատականներն ու կարծիքները, նոր Հայտարարությունների ներդիրը և հյուրընկալողների համար մի շարք այլ արդիացումներ Airbnb 2023 ձմեռային թողարկման մաս են կազմում։