Անցեք առաջ՝ առաջարկվող արդյունքներին ծանոթանալու համար

    Զարգացրեք ձեր բիզնեսն Airbnb-ում՝ օգտվելով օրացույցի այս թարմացումներից

    Դուք ստանում եք ավելի պարզ դիզայն և կարող եք ընտրել, թե որ մանրամասները դիտել։
    Հեղինակ՝ Airbnb, ամսաթիվ՝ 9 նոյ, 2021 թ.
    3 րոպե տևողությամբ տեսանյութ
    Թարմացվել է՝ 14 հոկ, 2022 թ.

    Առանձնահատկություններ

    • Ավելի ինտուիտիվ դիզայնով օրացույցը հեշտացնում է հյուրերի ամրագրումները մի հայացքով դիտելը

    • Ընտրեք մանրամասների, օրինակ՝ առաջիկա այցերի մասին նշումների ցուցադրում կամ թաքցնում

    Որպես հյուրընկալող՝ օրացույցը ձեր բոլոր ամրագրումներին առնչվող ամեն տեսակի գործողությունների համար տեղեկատու աղբյուրն է։ Այդտեղ եք դուք կառավարում ձեր ազատ ամսաթվերը, ստուգում առաջիկա այցերի մասին գրառումները, ճշգրտում գները և այլն։

    Քանի որ ձեզ համար շատ կարևոր է, որ այդ տեղեկությունները միշտ հասանելի լինեն, անցյալ տարի օրացույցի համակարգչային տարբերակում կատարված որոշ փոփոխություններ ներկայացնում ենք շարժական սարքերում։ Թարմացումները պարզեցնում են օրացույցը, նվազեցնում ավելորդություններն ու տալիս հզոր գործիքներ, որոնք կօգնեն կառավարել ամրագրումները և հյուրընկալման առօրյան։

    Հեշտությամբ գտեք տեղեկություններ

    Նախկինում ձեր օրացույցում օգտագործվել են տարբեր գույներ, գծեր և շեղագծեր՝ տարբեր ամրագրումների կարգավիճակը նշելու համար։ Մենք պարզեցրել ենք դիզայնը՝ մի հայացքով կարդալն ավելի հեշտացնելու համար։

    Թարմացված օրացույցը հետևյալ կերպ է ցուցադրում ամրագրումները.

    • Ընթացիկ ամրագրումները երևում են հոծ գույնով։
    • Ապագա հաստատված ամրագրումները սև եզրագծով են։
    • Ապագա հաստատման սպասող ամրագրումները եզրագծված են սև կետագծերով։

    Հուսով ենք՝ թարմացումները ձեզ կօգնեն պլանավորել նախապես, կազմակերպել հյուրերի հերթափոխումները և բացահայտել ավելի շատ ամրագրումներ ստանալու հնարավորությունները։

    Երբ նկատում եմ, որ առաջիկայում բաց տեղեր են լինելու իմ ժամանակացույցում, ես զեղչ եմ կիրառում, որպեսզի գրավեմ հյուրերի։ Փորձե՛ք։
    Donatella,
    Մոնդոլֆո, Իտալիա

    Ընտրեք, թե ինչ ցուցադրվի

    Մենք գիտենք, որ հյուրընկալողները երբեմն ուզում են օրացույցն օգտագործել կոնկրետ տեղեկությունների վրա կենտրոնանալու համար։ Ահա թե ինչու ենք ավելացրել մի գործառույթ, որը թույլ է տալիս ցուցադրել կամ թաքցնել հիմնական մանրամասները, ինչպիսիք են մեկ գիշերվա գինը, ակցիաները, մեծ պահանջարկ ունեցող ամսաթվերը և առաջիկա ամրագրումների մասին նշումները։

    Կարող եք այս գործառույթն օգտագործել տվյալ պահին ձեզ համար կարևոր հարցերի վրա կենտրոնանալու նպատակով՝ ուշադրություն չդարձնելով որևէ այլ բանի։

    Ստացեք երկարաժամկետ կտրվածքով ավելի լավ դիտակերպ

    Ձեր գների պատմությանը և գալիք ժամանակացույցին հետևելը հյուրընկալման առօրյայի կարևոր մաս է կազմում։ Որքա՞ն վճար եք գանձել անցյալ գարնանը։ Դեկտեմբերը ծանրաբեռնվա՞ծ է լինելու։ Այսպիսի հարցերի պատասխանները կարող են օգնել ավելի մեծ վստահությամբ կառավարել ձեր ամրագրումները։

    Սեղանադիր համակարգչում օրացույցի ամբողջ տարվա ընդլայնված դիտակերպը թույլ է տալիս ստուգել ազատ ամսաթվերը երկարաժամկետ հեռանկարում, վերանայել մեկ գիշերվա նախկին գները, ճշգրտել ապագա գներն ու հատուկ առաջարկները և այլն։

    Մենք նաև փոխել ենք օրացույցի ազատ ամսաթվերը նախապես նշելու ժամանակային միջակայքը, որպեսզի դրանք համապատասխանեն հյուրերի բոլոր հնարավոր որոնումներին։ Հյուրերը, որոնք սիրում են նախապես պլանավորել, կարող են տներ գտնել և ամրագրել իրենց ուղևորությունից մինչև երկու տարի առաջ։

    Այս բոլոր թարմացումները նախատեսված են անհրաժեշտ մանրամասները հեշտությամբ գտնելու համար, երբ ունենաք դրանց կարիքը, որպեսզի կարողանաք հաջողությամբ շարունակել ձեր հյուրընկալման առօրյան։ Եթե մտքեր ունեք այն մասին, թե է՛լ ինչ կարող ենք անել, որպեսզի օրացույցի դիզայնն ավելի հարմար լինի ձեզ, խնդրում ենք գրել մեզ։

    Այս հոդվածում պարունակվող տեղեկությունները կարող են փոխված լինել հրապարակումից հետո։

    Առանձնահատկություններ

    • Ավելի ինտուիտիվ դիզայնով օրացույցը հեշտացնում է հյուրերի ամրագրումները մի հայացքով դիտելը

    • Ընտրեք մանրամասների, օրինակ՝ առաջիկա այցերի մասին նշումների ցուցադրում կամ թաքցնում

    Airbnb
    9 նոյ, 2021 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ