Ինչպես լավագույնս օգտվել պիկ սեզոնից

Մոտենում է պիկ սեզոնը։ Ահա Airbnb-ի հյուրընկալման գործիքներից օգտվելու մի քանի եղանակ, որոնք կօգնեն առավելագույնս օգուտ քաղել բարձր պահանջարկից։

Պատրաստվեք ձեր տարածաշրջանի զբաղված սեզոնին՝ օրացույցում լրացուցիչ գիշերներ բացելով։ Սա կօգնի, որ ձեր հայտարարությունը հայտնվի ավելի շատ որոնման արդյունքներում, իսկ եկամուտը՝ մեծանա։

Օրացույցում գիշերներ բացելիս հաշվի առեք ուղևորության նվազագույն տևողությունը։ Դուք պետք է մնաք նվազագույն տևողության սահմաններում կամ կրճատեք ստանդարտ ուղևորության համար ձեր սահմանած նվազագույն տևողությունը։ Նաև կարող եք ստեղծել ուղևորության անհատականացված տևողություն այն կոնկրետ գիշերների համար, որոնք բացում եք։

«Հատկապես կարևոր է, որ օրացույցը բաց լինի զբաղված սեզոնին»,- ասում է Արկանզաս նահանգի Լիթլ Ռոք քաղաքի սուպերտանտեր Միրանդան։ «Հյուրերի հերթափոխումների միջև մի քանի օր հանգստանալու փոխարեն այդ սեզոնի ընթացքում ավելի ճկուն եմ դառնում, որպեսզի էլ ավելի շատ հյուրեր ընդունեմ»։

Բացեք հայտարարության օրացույցը և փնտրեք արգելափակված գիշերները, որոնք երևում են մոխրագույնով։ Բացեք բոլոր արգելափակված գիշերները, որոնց ընթացքում կարող եք հյուրընկալել։

Եթե սահմանեք ձեր ազատ ամսաթվերի պատուհանը երեք ամսից ավելի երկար, հյուրերը կկարողանան նախապես ամրագրել ձեր տարածքը։ Հնարավոր է օրացույցը բացել մինչև երկու տարվա կտրվածքով։ Ձեր հայտարարությունը կհայտնվի որոնման ավելի շատ արդյունքներում և այն քիչ հայտարարությունների թվում, որոնք հասանելի կլինեն այդ ժամանակահատվածի համար։

Օրացույցում ամեն օր կբացվի ևս մեկ գիշեր՝ անկախ ձեր ազատ ամսաթվերի միջակայքից։ Օրինակ, եթե ձեր միջակայքը 12 ամիս է, հյուրերը կարող են տարածքն ամրագրել հաջորդ 365 օրվանից յուրաքանչյուրի համար։

«Օգտվեք բարձր պահանջարկի ժամանակահատվածից»,- ասում է Ջիմին՝ սուպերտանտեր Կալիֆոռնիայի Փալմ Սփրինգս քաղաքում։ «Միգուցե մյուս հյուրընկալողները պատրաստ չեն, և նրանց օրացույցները բաց չեն։ Այնպես որ նախաձեռնող եղեք և առավելագույնս օգտվեք բարձր պահանջարկի ժամանակահատվածից»։

Պիկ սեզոնի ընթացքում մրցունակ մնալու համար ստուգեք ձեր տարածաշրջանում նմանատիպ տարածքների գները և համապատասխանաբար ճշգրտեք մեկ գիշերվա ձեր գինը։ Եթե բոլոր գիշերների համար նույն գինն եք առաջարկում, մտածեք աշխատանքային և հանգստյան օրերին տարբեր գներ սահմանելու մասին, որպեսզի համապատասխանեք պահանջարկի փոփոխություններին։ Դինամիկ գնանշումը կօգնի առավելագույնի հասցնել ամրագրումները և եկամուտները։

Նմանատիպ հայտարարությունների հետ համեմատելու համար բացեք ձեր հայտարարության օրացույցը և ընտրեք մինչև 31 օր պարունակող ժամանակահատված։ 

Ձեր տարածաշրջանի քարտեզի վրա կտեսնեք մոտակայքում նմանատիպ տարածքների միջին գները։ Քարտեզի վրայի կոճակները թույլ են տալիս դիտել ամրագրված կամ չամրագրված տարածքները։ Գործոնները, որոնք որոշում են, թե որ տարածքներն են նման, ներառում են տեղադրությունը, չափերը, առանձնահատկությունները, հարմարությունները, գնահատականները, կարծիքները և այն հայտարարությունները, որոնք հյուրերն աչքի են անցկացնում ձեր հայտարարության հետ միասին։

Որպես կանոն՝ որոնման արդյունքներում ավելի բարձր դիրք են զբաղեցնում այն տարածքների վերաբերյալ հայտարարությունները, որոնց գներն ավելի ցածր են, քան մոտակայքում նմանատիպ հարմարություններով տարածքների գները։

«Եթե զբաղված սեզոն է, իսկ մենք դեռ ամրագրումներ չունենք, ես աչքի եմ անցկացնում մոտակայքի տարածքները»,- ասում է Ավստրալիայի Սիդնեյ քաղաքում գործող սուպերտանտեր Ֆելիսիթին։ «Իմ գինը պետք է մրցունակ լինի»։

Զբաղված սեզոնին զեղչեր ավելացնելը հյուրերի ուշադրությունը գրավելու ևս մեկ միջոց է։ Կարող եք բավարարել զանազան ճանապարհորդների կարիքները՝ առաջարկելով.

• Շաբաթական և ամսական զեղչեր։ Կարող եք շաբաթական զեղչեր առաջարկել յոթ կամ ավելի գիշեր տևողությամբ այցերի համար և ամսական զեղչեր՝ 28 կամ ավելի գիշեր տևողությամբ այցերի համար։ Սա կօգնի բարելավել ձեր դիրքը որոնման արդյունքներում, լրացնել օրացույցի բացերը և պակասեցնել հերթափոխումները։
• Վաղ ամրագրման զեղչ։ Ժամանումից 1-ից 24 ամիս առաջ կատարված ամրագրումների համար վաղ ամրագրման զեղչ ավելացնելը կարող է գրավել նախօրոք պլանավորող հյուրերին։

Շաբաթական կամ ամսական 10% կամ ավելի մեծ զեղչերի և վաղ ամրագրման 3% կամ ավելի մեծ զեղչերի դեպքում հյուրերը որոնման արդյունքներում և ձեր հայտարարության էջում կտեսնեն հատուկ նշան։ Զեղչված գինը հայտնվում է սկզբնական գնի կողքին, որը վրագծված է։

Նկատի ունեցեք, որ վաղ ամրագրման զեղչը հասանելի չէ, երբ միացված է Խելացի գնանշումը, և այցի տևողության զեղչերը պետք է համապատասխանեն տեղական կանոններին և կանոնակարգերին։

«Ես օգտագործում եմ վաղ ամրագրման զեղչը, երբ կարգավորում եմ օրացույցը ողջ տարվա համար»,- ասում է Էննը՝ սուպերտանտեր Իսպանիայի Տառագոնա քաղաքում։ «Այսպես բոլոր ամսաթվերն արագ ամրագրվում են, և այն մարդիկ, որոնք ստանում են զեղչ, սովորաբար չեն չեղարկում»։

Փնտրեք հյուրերի ժամանումը և մեկնումը պարզեցնելու եղանակներ։ Ներառեք ժամանման ցուցումներ, որոնք կօգնեն նրանց հասկանալ, թե ինչպես գտնել ձեր տարածքը և, տեղ հասնելով, բացել մուտքի դուռը։

• Ավելացրեք կարևոր մանրամասներ։ Ժամանման եղանակը, ժամը և ցուցումները կարող եք սահմանել և ճշգրտել ժամանման ուղեցույցում։ Երբ ապահովում եք ինքնուրույն ժամանման հնարավորություն սմարթ կողպեքով, թվային կոդով կամ մինի-սեյֆով, դա հյուրերին թույլ է տալիս կոդով բացել մուտքը, նույնիսկ եթե գիշերն են ժամանում։
• Ցույց տվեք, թե ինչպես ներս մտնել։ Ներառեք լուսանկարներ կամ տեսանյութ, որոնք կօգնեն հյուրերին պատկերացնել գործընթացը։ Ձեր ընկերներից մեկին խնդրեք ստուգել ձեր ցուցումները՝ համոզվելու, որ դրանք հստակ են։

Մեկնումը ձեր տարածքի մասին վերջին տպավորությունն է թողնում հյուրերի վրա։ Եթե այն հեշտ լինի, ապա այցը նրանց հուշերում կմնա հիանալի տպավորություններով։

• Տրամադրեք հստակ ցուցումներ մեկնման վերաբերյալ։ Ընտրեք ձեր ժամանման ուղեցույցի անելիքների ցանկից։ Բացատրեք՝ հյուրերն ինչ պետք է անեն մեկնելուց առաջ, օրինակ՝ անջատեն որոշ սարքեր ու կողպեն դուռը։ Ցանկացած մարդ կարող է դրանք կարդալ նախքան ամրագրելը։
• Հնարավորինս պարզ գրեք։ Մտածեք՝ արդյոք անհրաժեշտ է, որ հյուրերը կատարեն որոշակի առաջադրանքներ, օրինակ՝ հավաքեն օգտագործված սրբիչները կամ դեն նետեն աղբը։

«Կարևոր է ունենալ ընդամենը մեկ կամ երկու պարզ ցուցում ձեր տարածքն ազատող հյուրերի համար»,- ասում է Կարենը՝ սուպերտանտեր Նելսոնից (Կանադա)։ «Դա շատ ավելի հեշտ է դարձնում մեկնումը»։

Դուք եք միշտ վերահսկում գնանշումը և մյուս կարգավորումները։ Դրանք կարող են տարբերվել մյուս հյուրընկալողներից։ 

Հյուրընկալողները վճարվել են հարցազրույցներին մասնակցելու համար։

Հյուրընկալման վերաբերյալ խորհուրդները պետք է համապատասխանեն տեղական օրենսդրության պահանջներին։

Այս հոդվածում ներկայացված տեղեկությունները կարող են հրապարակումից հետո փոխված լինել։