Ճգնաժամի ժամանակ տների տրամադրում Airbnb.org-ի միջոցով

Հյուրընկալողի ձեր ունակությունը՝ այնպես անել, որ մարդիկ ձեր տարածքում իրենց զգան ինչպես սեփական տանը, ամեն օր ոգեշնչում է մեզ։ Մենք հատկապես հպարտ ենք այն աջակցությամբ, որը մեր հյուրընկալողների համայնքը տրամադրում է շահույթ չհետապնդող Airbnb.org կազմակերպությանը, որը հիմնադրվել է 2020 թվականին՝ Open Homes և «Կացարաններ առաջնագծում պայքարողների համար» ծրագրերի կողմից սկսված աշխատանքներն ավելի զարգացնելու նպատակով։

2012 թվականից ի վեր՝ դուք ձեր տների դռները բացել եք ավելի քան 100 000 մարդկանց առաջ, այդ թվում՝ փախստականների, ապաստան հայցողների, COVID-19-ի համավարակի առաջնագծի կարևոր ոլորտներում պայքարողների և աշխարհի տարբեր մասերում կործանարար բնական աղետներից փախչող տարհանվածների։

Airbnb.org-ի աշխատանքը հնարավոր է դարձել այն հյուրընկալողների առատաձեռնության շնորհիվ, որոնք տներ են տրամադրում, և այն դոնորների, որոնք դրամական միջոցներ են հատկացնում ճգնաժամի մեջ հայտնված մարդկանց աջակցելու նպատակով։

Մենք նշանավորում ենք հյուրընկալողների համայնքի առատաձեռնությունը՝ տրամադրելով Airbnb.org-ի աջակցի նշանակը։ Հյուրընկալողները կարող են աջակցել Airbnb.org-ին և ստանալ նշանակ՝

• գրանցվելով արտակարգ իրավիճակներում անվճար կամ զեղչված գներով կացարաններ հատկացնելու համար

• դառնալով պարբերաբար նվիրատվություններ կատարող դոնոր

Airbnb.org-ի աջակցի նշանակով ճանաչվում են այն հյուրընկալողները, որոնք Airbnb.org-ում ունեն արտակարգ իրավիճակում անվճար կամ զեղչված գներով կացարաններ առաջարկող առնվազն մեկ ակտիվ հայտարարություն։ Airbnb.org-ի տուն առաջարկելը նշանակում է բնակարանում տեղավորել տարհանվածներին, փախստականներին կամ ճգնաժամի պայմաններում ժամանակավոր կացարանի կարիք ունեցող այլ անձանց։

Լրացուցիչ տեղեկություններ բարեգործական նպատակներով հյուրընկալման մասին

Դուք կարող եք Airbnb.org-ի աջակցի նշանակը վաստակել նաև գրանցվելով, որպեսզի ձեր վերջնավճարների ինչ-որ տոկոս շարունակական հիմունքներով նվիրաբերեք Airbnb.org-ին։ Կամ, եթե նախընտրում եք, կարող եք կատարել մեկանգամյա նվիրատվություն՝ առանց նշանակ ստանալու։

Ո՞րն է կապը Airbnb.org-ի և Open Homes-ի ու «Կացարաններ առաջնագծում պայքարողների համար» ծրագրի միջև
2020 թվականին Airbnb-ի «Open Homes» և «Կացարաններ առաջնագծում պայքարողների համար» ծրագրերը դարձան Airbnb.org՝ 501(c)(3) կատեգորիայի շահույթ չհետապնդող կազմակերպություն։ Թեև Airbnb համայնքի անդամները գործում են նաև Airbnb.org-ի համար, շահույթ չհետապնդող կազմակերպությունն անկախ կազմակերպություն է, որն ունի անկախ տնօրենների խորհուրդ։

Որտե՞ղ է երևում Airbnb.org-ի աջակցի նշանակը
Նշանակը երևում է և՛ հյուրընկալողի պրոֆիլում, և՛ հայտարարությունների էջերում։ Եթե ցանկանում եք թաքցնել ձեր նշանակը, դիմեք մեր աջակցման թիմին։

Նշանակն ազդո՞ւմ է որոնման արդյունքներում իմ հայտարարության հայտնվելու վրա
Նշանակը ցույց է տալիս ձեր առատաձեռն աջակցությունը Airbnb.org-ին։ Դա չի ազդում Airbnb-ի որոնման արդյունքներում ձեր հայտարարության ցուցադրման վրա, և հյուրերն այս պահին չեն կարող իրենց որոնումները զտել ըստ Airbnb.org նշանակների։

Նշանակնազդո՞ւմ է սուպերտանտիրոջ նշանակի կամ կարգավիճակի վրա
Airbnb.org-ի աջակցի նշանակը չի ազդում սուպերտանտիրոջ նշանակի կամ կարգավիճակի վրա։ Նշանակը կցուցադրվի սուպերտանտիրոջ նշանակի կողքին։

Ես կզրկվե՞մ Airbnb.org-ի աջակցի նշանակից, եթե հրաժարվեմ Airbnb.org-ի միջոցով հյուրընկալելուց կամ նվիրաբերելուց
Այո, բայց նշանակը նորից կհայտնվի, եթե վերսկսեք հյուրընկալել Airbnb.org-ի միջոցով կամ նվիրաբերություններ կատարել Airbnb.org-ին։ Դուք միշտ կարող եք թաքցնել ձեր տան հայտարարությունն Airbnb.org-ից կամ դադարեցնել կամ կանգնեցնել ձեր պարբերական նվիրատվությունները։

Ինչպե՞ս է օգնում Airbnb-ն
Airbnb-ն պարտավորվել է ֆինանսավորել Airbnb.org-ի գործառնական ծախսերը, ուստի բոլոր նվիրատվությունները կարող են անմիջականորեն ուղղվել շահույթ չհետապնդող գործընկերներին և մարդկանց, որոնց սպասարկում է Airbnb.org-ը։