Մոռացեք նախկին Airbnb-ն․ այն այժմ շատ ավելին է

2007 թվականին մեզ մոտ գաղափար ծնվեց. իսկ ի՞նչ, եթե մշակեինք այնպիսի միջոց, որը մարդկանց հնարավորություն կտար տներ ամրագրելու նույնքան հեշտությամբ, որքան հյուրանոց։ Այդ ժամանակից ի վեր՝ Airbnb-ն ավելի քան 2 միլիարդ հյուրի ժամանում է գրանցել և փոխել է մարդկանց ճամփորդելու ձևը։ Բայց հրաշալի ուղևորությունը միայն լավ տան մեջ հյուրընկալվելով չի սահանափակվում։ Ուստի ներկայացնում ենք՝

• Airbnb սերվիսներ. անհավանական սերվիսներ՝ հյուրի այցը յուրահատուկ ու անմոռանալի դարձնելու համար։
• Airbnb փորձառություններ. բացահայտեք քաղաքը տեղացիների հետ, որոնք լավագույնս գիտեն այն։
• Բոլորովին նոր Airbnb հավելված․ վերափոխված հավելված, որը հյուրընկալողների համար հեշտացնում է տան, սերվիսի կամ փորձառության կառավարումը, իսկ հյուրերի համար՝ ամրագրումը՝ առաջարկելով ամեն ինչ մեկ տեղում։

«Տասնյոթ տարի առաջ մենք փոխեցինք ճամփորդության ավանդական ձևը։ Ավելի քան 2 միլիարդ հյուր․ Airbnb-ն «մնալու տեղ» արտահայտության հոմանիշն է դարձել»,- ասում է Airbnb-ի համահիմնադիր և գլխավոր գործադիր տնօրեն Բրայան Չեսկին։ «Սերվիսներ և փորձառություններ գործարկելու շնորհիվ՝ մենք նորից ենք փոխում ճամփորդության ընդունված ձևաչափը։ Մոռացեք նախկին Airbnb-ն․ այն այժմ շատ ավելին է»։

Մարդիկ հաճախ հյուրանոցներ են ընտրում այնտեղ առաջարկվող ծառայությունների համար, օրինակ՝ սենյակների սպասարկման, մարզասրահից կամ սպա կենտրոնից օգտվելու հնարավորության։ Այսօրվանից սկսած՝ հյուրերը կարող են սերվիսներ ստանալ հենց Airbnb տարածքում։

Ներկայացնում ենք Airbnb սերվիսները. այցը յուրահատուկ դարձնելու անհավանական ծառայություններ։ Մենք 10 կատեգորիա ենք գործարկում որոշ քաղաքներում, և պարբերաբար նոր առաջարկներ ու վայրեր են հայտնվում Airbnb հավելվածում։ Առաջին 10 կատեգորիաներն են՝

• Շեֆ խոհարարներ. պրոֆեսիոնալ խոհարարների կողմից անհատական մոտեցմամբ պատրաստված տնական սնունդ։
• Լուսանկարչություն. փորձառու լուսանկարիչների կողմից առաջարկվող անհատականացված ֆոտոսեսիաներ։
• Մերսում. փորձառու մերսողների կողմից առաջարկվող վերականգնողական մերսումներ, այդ թվում՝ շվեդական, խորը հյուսվածքների մերսումներ և ռեֆլեքսոլոգիա։
• Սպա ծառայություններ. պրոֆեսիոնալ բժիշկ-կոսմետոլոգների կողմից առաջարկվող դեմքի խնամք, միկրոդերմաբրազիա, մարմնի պիլինգ և այլ պրոցեդուրաներ։
• Անհատական մարզումներ․ յոգա, ուժային մարզումներ, բարձր ինտենսիվությամբ ինտերվալային պարապմունքներ և այլ մարզումներ անհատական մարզիչների, այդ թվում՝ ֆիթնեսի հայտնի մասնագետների և աշխարհի չեմպիոն մարզիկների հետ։
• Վարսահարդարում. փորձառու վարսահարդարների կողմից առաջարկվող պրոֆեսիոնալ սանրվածքներ, հարդարումներ և ավելին։
• Դիմահարդարում. պրոֆեսիոնալ դիմահարդարների կողմից առաջարկվող դիմահարդարում ամեն օրվա կամ հատուկ առիթների համար։
• Եղունգների խնամք. մատնահարդարում և ոտնահարդարում փորձառու մատնահարդարների կողմից։
• Պատրաստի ուտեստներ. պրոֆեսիոնալ շեֆ խոհարարների պատրաստած ուտեստներ։
• Քեյթրինգ. ամբողջական քեյթրինգ՝ անհատականացված ճաշացանկերով, ձևավորմամբ և սարքավորումներով, ինչպես նաև սպասքավորում և մաքրում։

Airbnb սերվիսների որակը ստուգվում է՝ հաշվի առնելով որոշակի չափանիշներ, օրինակ՝ գիտելիքները, կրթությունը, համբավը և այլն։ Սերվիսների հյուրընկալողներն ունեն բազմամյա փորձ և ավարտել են Airbnb-ի ինքնության հաստատման գործընթացը։ Շատերը հայտնի են իրենց ոլորտներում, այդ թվում՝ շեֆ խոհարարներ Միշլենի աստղակիր ռեստորաններից, մրցանակակիր լուսանկարիչներ և բարձրակարգ մարզիչներ։

Airbnb սերվիսները հասանելի են ամենատարբեր գներով, և շատ սերվիսներ ներառում են բազային տարբերակ՝ 50 ԱՄՆ դոլարից ցածր գնով։ Ցանկացած ուղևորության համար տրամադրվող սերվիսների շնորհիվ կարող եք գտնել բազմաթիվ տարբերակներ՝ մատչելի պատրաստի ուտեստներից մինչև ամենօրյա մարզումներ հայտնի մարզչի հետ։

Սերվիսները կարող են մատուցվել տանը, սերվիսի հյուրընկալողի ձեռնարկությունում կամ հանրային տարածքում։ Եթե հյուրընկալում եք տանը, սերվիսներն ավտոմատ թույլատրված են։ Սա մի միջոց է հյուրերին ցույց տալու, որ ձգտում եք ձեր ներդրումն ունենալ նրանց այցն է՛լ ավելի յուրահատուկ դարձնելու գործում։

Կարող եք արգելել սերվիսների մատուցումը ձեր տանը։ Դիմեք Airbnb-ի աջակցման թիմին և նշեք բոլոր այն սերվիսները, որոնք չեք թույլատրում, և նրանք կթարմացնեն ձեր տան կանոնները։

Այսօրվանից սկսած՝ փորձառու մասնագետները կարող են դառնալ սերվիսի հյուրընկալող։ Դա ձեր փորձով կիսվելու և ձեր բիզնեսը զարգացնելու նոր միջոց է։

Airbnb-ի միջոցով ամրագրելու գլխավոր պատճառներից մեկն այն է, որ հյուրերը կարող են ապրել տեղացու պես։ Բայց դժվար է գտնել լավագույն զբաղմունքները, երբ հայտնվում եք որևէ նոր տեղում։ Հաճախ հայտնվում եք մեծ խմբում, որտեղ հետևում եք մեգաֆոնով զբոսավարին և զբաղվում այնպիսի գործողություններով, որոնք իրականում ձեզ հետաքրքիր չեն։ Ի՞նչ կլիներ, եթե քաղաքը բացահայտելու ավելի ինքնատիպ տարբերակ լիներ։

Այսօր մենք ներկայացնում ենք ամբողջովին վերաիմաստավորված Airbnb փորձառությունները, որոնք հյուրընկալվում են իրենց քաղաքը լավագույնս իմացող տեղացիների կողմից։ Մենք գործարկում ենք փորձառություններ աշխարհի տարբեր քաղաքներում և ամեն օր ավելացնում դրանք։ Հյուրերը կարող են բացահայտել քաղաքի լավագույն մասերը այնպիսի փորձառություններով, ինչպիսիք են՝

• Տեսարժան վայրեր, թանգարան և մշակութային փորձառություններ․ մուտք գործեք Աստվածամոր տաճարի վերականգնման աշխարհ և այն տեսեք ռեստավրատորների թիմի ճարտարապետի աչքերով։
• Գաստրոնոմիական շրջագայություններ, խոհարարության դասեր և ընթրիքի փորձառություններ․ տիրապետեք ռամենի պատրաստման արվեստին Michelin Bib Gourmand ռեստորանի շեֆ խոհարարի հետ։
• Բացօթյա զբոսանքներ, ջրային սպորտաձևեր և փորձառություններ վայրի բնության գրկում․ ձիավարեք ինկերի սրբազան վայրերով և Անդերի ցնցող լանդշաֆտներով՝ Անդերի մշակույթի և մարդաբանության տեղացի փորձագետի հետ։
• Պատկերասրահային շրջագայություն, արվեստի վարպետաց դասեր և շոփինգի փորձառություններ․ թարմացրեք զգեստապահարանը հոլիվուդյան նորաձևության խորհրդատուի անհատական ոճային խորհուրդներով։
• Մարզում, առողջ ապրելակերպ և գեղեցկության փորձառություններ․ ռինգ դուրս եկեք և լուչա լիվրե պարապեք պրոֆեսիոնալ մեքսիկացի ըմբիշի հետ։

Airbnb փորձառությունների որակը ստուգվում է՝ հաշվի առնելով գիտելիքները, համբավը և յուրահատկությունը, և այս գործընթացը շարունակական է։ Մենք պարբերաբար ստուգում ենք փորձառությունների համապատասխանությունը մեր ստանդարտներին։

Հայտերն այժմ ընդունվում են Airbnb փորձառությունների համար։ Եթե դուք խորապես ճանաչում եք ձեր քաղաքը և առաջարկում եք յուրահատուկ միջոցառում, որը ոչ մի այլ տեղ հասանելի չէ, ներկայացրեք փորձառություն կազմակերպելու ձեր գաղափարը։

Մենք վերափոխել ենք հավելվածը հյուրընկալողների համար՝ ներառելով այն ամենը, ինչ անհրաժեշտ է ձեր տունը, սերվիսը կամ փորձառությունը կառավարելու համար՝

• Airbnb Start․ հայտարարությունների ստեղծման պարզեցված գործիքը հեշտացնում է Airbnb-ին սերվիս կամ փորձառություն ներկայացնելը։
• «Այսօր» ներդիր․ տներ, սերվիսներ և փորձառություններ ներառող ամրագրումների կառավարման ամբողջովին նոր ներդիրն օգնում է ապահովել բացառիկ հյուրընկալություն։
• Օրացույց․ տների, սերվիսների և փորձառությունների վերափոխված օրացույցը ներառում է ամենօրյա դիտարկում՝ ժամ առ ժամ ժամանակացույցով և Google Օրացույցի հետ իրական ժամանակում ինտեգրմամբ։
• Հայտարարությունների ներդիր․ Հայտարարությունների կառավարման նոր գործիքները սերվիսների և փորձառությունների համար հեշտացնում են հայտարարության բոլոր մանրամասների ճշգրտումը՝ տեղադրությունից մինչև գնանշում։

Տարածքում հյուրընկալելու դեպքում հիմա ստացեք վաղ հասանելիություն՝ հյուրընկալման նոր գործիքներն օգտագործելու համար։

Սերվիսներ առաջարկվում են ոչ բոլոր տարածաշրջաններում, այդ թվում՝ Բրազիլիայում և Պուերտո Ռիկոյում։