Գնանշման նոր գործիքով կարող եք համեմատել մոտակայքում գտնվող նմանատիպ տարածքները

Խմբագրի նշում. այս հոդվածը հրապարակվել է Airbnb 2023 ամառային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր վերջին պրոդուկտի թողարկման մասին։

Առաջին անգամ Airbnb-ում կարող եք ձեր գինը համեմատել մոտակայքում ամրագրված նման տարածքների միջին գների հետ։

Հյուրընկալողները մեզ բազմիցս ասել են, թե որքան դժվար է գին սահմանելը։ Մենք դա հաշվի առանք և հեշտացրինք տարածաշրջանում գների միտումները հասկանալու գործընթացը։

Նոր քարտեզի օգնությամբ կարող եք անմիջապես ծանոթանալ նմանատիպ տարածքների միջին գներին՝ անկախ նրանից՝ դրանք ամրագրված են, թե ոչ։ Օգտվեք այդ գործառույթից ամեն անգամ գինը սահմանելիս կամ թարմացելիս։

«Մեր հայտարարությունը հաճախ ամրագրվում է ամիսներ առաջ, բայց ինձ, անշուշտ, հետաքրքրում է, թե ինչ գին են սահմանում իմ տարածաշրջանում այլ հյուրընկալողները մեկ գիշերվա համար»,- ասում է Նոր Հարավային Ուելսում (Ավստրալիա) Հյուրընկալողների խորհրդի անդամ և սուպերտանտեր Ֆելիսիթին։ «Ես միշտ ստուգում եմ՝ որքան մրցունակ են իմ գները։ Կարծում եմ, որ այս գործառույթը զգալիորեն կթեթևացնի շատ հյուրընկալողների աշխատանքը»։

Ինչպե՞ս համեմատել գները.

• Օրացույցում ընտրեք ցանկացած ամսաթիվ կամ մինչև 31 գիշեր պարունակող ժամանակահատված։
• Հպեք կամ սեղմեք մեկ գիշերվա գինը։ Անմիջապես գնի տակ կա քարտեզի պատկերակով և «Համեմատել գինը» գրությամբ կոճակ։
• Հպեք կամ սեղմեք այդ կոճակը՝ ձեր տարածքին նման այլ տարածքների միջին գների քարտեզը բացելու համար։ Քարտեզի վրա կարող եք նշել, որ ուզում եք տեսնել ձեր տարածաշրջանում ամրագրված կամ չամրագրված տարածքների միջին գները։

Քարտեզի վրա ցուցադրված գներն արտացոլում են յուրաքանչյուր տարածքի (ամրագրված կամ չամրագրված) միջին գինը ընտրված ամսաթվերի համար։ Գործոնները, որոնք որոշում են, թե որ տարածքներն են նման, ներառում են տեղադրությունը, մեծությունը, առանձնահատկությունները, հարմարությունները, գնահատականները, կարծիքները և այն տարածքները, որոնք հյուրերը դիտարկում են ձեր տարածքի հետ միասին։

Այս նոր գործիքները մաս են կազմում Airbnb 2023 ամառային թողարկման, որում ներառված է հյուրընկալողների համար 25 արդիացում։ Միացեք վաղ հասանելիությանը՝ նոր գործիքներն արդեն այսօր օգտագործելու համար։