Եկամուտների վահանակ. ավելի լավ պատկերացրեք ձեր եկամուտը
Ձեր եկամուտը պատկերացնելով՝ կկարողանաք հյուրընկալման ավելի հաջող բիզնես վարել։ Ուստի նոր գործառույթներ ենք ավելացնում եկամուտների վահանակում՝ ոգեշնչվելով հյուրընկալողների կարծիքներից։
- Ինտերակտիվ գծապատկերներ՝ ավելի լավ պատկերացում կազմելու համար։ Աչքի անցկացրեք ձեր եկամուտները ամսական և տարեկան դիտակերպերի միջոցով, ինչպես նաև զտեք ըստ հայտարարության և մանրամասներ իմացեք նախորդ տարիների և հետագա կանխատեսումների մասին։
- Եկամուտների հաշվետվություններ՝ նոր օգտակար կենտրոնում։ Ավտոմատ կերպով ստացեք ամսական և տարեկան հաշվետվություններ և ներբեռնեք դրանք PDF ձևաչափով։ Հաշվետվությունները ներառում են մանրամասներ ըստ հայտարարության և վերջնավճարի եղանակի։
Եկամուտների կառավարման վահանակ անցեք «Ընտրացանկ» ներդիրի միջոցով։ Բացելու համար ընտրեք Եկամուտ։
Ահա այն ամենը, ինչ կգտնեք եկամուտների բարելավված վահանակում։
Եկամուտների նոր ինտերակտիվ գծապատկերներ
Վահանակի վերևում նշված եկամուտների գծապատկերը ցույց է տալիս՝
- որքան եք վաստակել նախորդ վեց ամիսներից յուրաքանչյուրում
- որքան եք վաստակել այս ամիս
- որքան եք նախատեսում առաջիկա ամրագրումների միջոցով վաստակել հաջորդող հինգ ամիսներից յուրաքանչյուրում
Սեղմեք կրկնակի սլաքը՝ եկամուտների գծապատկերն ընդարձակելու և դրա հետ կապված գործողություններ անելու համար։ Այս նոր տեսքը ցույց է տալիս ձեր եկամուտներն ըստ ամիսների կամ տարիների և ըստ հայտարարության։ Զտիչի միջոցով ընտրեք, թե որ հայտարարությունը կամ հայտարարությունները երևան։
Եկամուտների ինտերակտիվ գծապատկերից ներքև գտնվող վիճակագրությունը ցույց կտա՝
- ամրագրումների թիվը
- ամրագրված գիշերների ընդհանուր թիվը
- զբաղվածության ցուցանիշը
- այցի միջին տևողությունը
Այս վիճակագրությունը հաշվարկվում է ըստ ձեր դիտած ժամանակահատվածի և հայտարարությունների։ Այն ավտոմատ թարմացվում է ցանկացած պահի, երբ զտիչ եք կիրառում կամ կրկին բեռնում կառավարման վահանակը։
Ընթացիկ տարվա հունվարի 1-ից մինչ օրս ձեր եկամուտների մանրամասներն ստանալու համար գծապատկերի կողքին հպեք Դիտել եկամուտների ամփոփագիրը։ Այն ցույց է տալիս ձեր համախառն եկամուտը՝ ընդհանուր գումարը, որը վաստակում եք նախքան պահումները։ Յուրաքանչյուր պահում նշված է իր տողում, որին հաջորդում է ձեր ընդհանուր զուտ վճարը։
Ահա թե ինչ կտեսնեք՝
- համախառն եկամուտը
- ճշգրտված գումարները
- հյուրընկալողից գանձվող սպասարկման վճարը
- պահված հարկերը
- ընդհանուր զուտ վճարը
Գործարքներ
Վահանակն ընդգծում է ձեր առաջիկա և վերջին գործարքները։ Բացեք ցանկացած գործարք, որպեսզի տեսնեք մանրամասները, այդ թվում՝
- գնի մանրամասները
- վճարման կամ պլանավորված վճարման ամսաթիվը
- վճարումը 30 րոպեի ընթացքում ստանալու տարբերակ Արագ վճարման միջոցով (միայն ԱՄՆ-ում)
- ամրագրմանը կցված կոդը
- հյուրի անունն ու լուսանկարը
Բացեք բոլոր առաջիկա կամ բոլոր վճարված գործարքները՝ ամբողջական տվյալները դիտելու համար։ Այնտեղից դուք կարող եք՝
- զտել գործարքներն ըստ ամսաթվի, հայտարարության և վճարման եղանակի
- որոնել վճարման ճշգրիտ գումարը կամ ամրագրման հաստատման կոդը
- ստեղծել անհատականացված հաշվետվություններ որպես CSV ֆայլեր՝ ընտրելով, թե ինչ մանրամասներ եք ուզում ներառել, օրինակ՝ վերջնավճարի եղանակը, ամրագրման ամսաթիվը և ամրագրման հաստատման կոդը
Եկամուտների հաշվետվությունների նոր կենտրոն
Airbnb-ն այժմ ավտոմատ կերպով ամսական և տարեկան հաշվետվություններ է ստեղծում ձեզ համար հաշվետվությունների նոր կենտրոնում։ Հաշվետվությունները տրամադրվում են հյուրընկալումն սկսելու առաջին տարվանից սկսած, և կարող եք դրանք ներբեռնել կամ էլփոստով ուղարկել PDF ձևաչափով։
Յուրաքանչյուր հաշվետվությունում նշվում են տվյալ ամսվա կամ տարվա եկամուտների մանրամասները, այդ թվում՝
- համախառն եկամտի, ճշգրտված գումարների, հյուրընկալողից գանձվող սպասարկման վճարի, պահված հարկերի և ընդհանուր զուտ վճարի մանրամասները
- վիճակագրական տվյալները, օրինակ՝ ամրագրված գիշերները և այցի միջին տևողությունը
- եկամուտն ըստ հայտարարության և վերջնավճարի եղանակի
- ընտրված տարվա յուրաքանչյուր ամսվա եկամուտը (միայն տարեկան հաշվետվությունների համար)
Կարգավորումներ և փաստաթղթեր
Հպեք շարժանիվի պատկերակին, որը գտնվում է եկամուտների վահանակի վերին աջ մասում, որպեսզի բացեք՝
- վերջնավճարի կարգավորումները, որտեղ կարող եք ստուգել կամ ավելացնել վերջնավճարի եղանակները և բաշխման կանոնները
- հարկային տեղեկությունները, որտեղ կարող եք կառավարել հարկ վճարողի տվյալները և հարկային փաստաթղթերը
- եկամուտների մասին հաշվետվությունները, որոնք ձեր նոր հաշվետվությունների կենտրոնում քաղվածքներին ծանոթանալու մեկ այլ եղանակ են
Փորձեք եկամուտների բարելավված վահանակն այսօր՝ գրանցվելով «Վաղ հասանելիություն» ծրագրում։
Գտնվելու վայրից կախված՝ օգտատիրոջ փորձառությունը կարող է տարբեր լինել։
Այս հոդվածում պարունակվող տեղեկությունները կարող են փոխված լինել հրապարակումից հետո։