Ներկայացնում ենք ամբողջովին վերաիմաստավորված Airbnb փորձառություններ

Airbnb-ի միջոցով տներ ամրագրելու գլխավոր պատճառներից մեկն այն է, որ հյուրերը կարող են ապրել տեղացու պես։ Բայց դժվար է գտնել լավագույն զբաղմունքները, երբ հայտնվում եք որևէ նոր տեղում։ Որպես հյուրընկալող՝ կարող եք է՛լ ավելի հետաքրքիր դարձնել հյուրի այցը՝ առաջարկելով Airbnb փորձառություններ մոտակայքում։

Airbnb փորձառություններն ամբողջովին վերաիմաստավորված փորձառություններ են, որոնք հյուրընկալվում են իրենց քաղաքը լավագույնս իմացող տեղացիների կողմից։ Յուրաքանչյուր միջոցառում հյուրերի համար իրական հնարավորություն է՝ ծանոթանալու այն տեղանքին, որտեղ գտնվում են։

Հյուրերն այցի ընթացքում կարող են հեշտությամբ գտնել և ամրագրել ամբողջ աշխարհում հասանելի փորձառություններ։ Հյուրերը կարող են․

• Ընկղմվել մշակույթի մեջ։ Այցելել տեսարժան ու հայտնի վայրեր կամ վայելել կենդանի կատարումներ։
• Բացահայտել խոհարարական բազմազանություն։ Մասնակցել խոհարարական դասերի, համտեսել, միանալ գաստրո փորձառությունների։
• Մասնակցել բացօթյա արկածների։ Միանալ արշավների, ջրային սպորտաձևերի կամ թռիչքի փորձառությունների։
• Վայելել արվեստը։ Այցելել պատկերասրահներ և հուշարձաններ կամ փորձել արվեստի վարպետաց դասեր։
• Վերականգնել էներգիան մարմնում և հոգում։ Ամրագրել մարզումներ, առողջ ապրելակերպի դասեր կամ գեղեցկության փորձառություններ։

Փորձառությունների որակը ստուգվում է՝ հաշվի առնելով գիտելիքները, համբավը և յուրահատկությունը։ Մենք կանոնավորապես ստուգում ենք փորձառությունների համապատասխանությունը մեր ստանդարտներին։

Շատ քաղաքներում հյուրերը կարող են գտնել նաև Airbnb օրիգինալներ։ Այս արտասովոր փորձառությունները նախատեսված են բացառապես Airbnb-ի համար և հյուրընկալվում են աշխարհի ամենահետաքրքիր մարդկանց կողմից։ Օրինակ՝ հյուրերը կարող են ռինգ դուրս գալ և լուչա լիվրե պարապել պրոֆեսիոնալ մեքսիկացի ըմբիշի հետ։

Կարող եք հյուրերի այցն ավելի լավը դարձնելու համար առաջարկել մոտակայքում անցկացվող փորձառություններ։ Նաև կարող եք ստանալ դրամական պարգևներ՝ հրավիրելով նոր փորձառությունների հյուրընկալողների։

Օգտագործեք տեղացու ձեր գիտելիքները և հյուրերին օգնեք այցի ընթացքում գտնել հետաքրքիր զբաղմունքներ։ Փորձառություններ խորհուրդ տալու համար՝

• Տեսեք, թե ինչ է առաջարկվում մոտակայքում։ Airbnb-ում որոնեք տարածաշրջանում հասանելի միջոցառումներ։ Կապվեք փորձառությունների հյուրընկալողների հետ կամ ամրագրեք միջոցառումներ, որպեսզի անձամբ փորձեք։
• Ստեղծեք արագ պատասխան։ Ավտոմատ ուղարկեք նախապես գրված հաղորդագրություն, երբ հյուրերն ամրագրեն ձեր տունը, կամ՝ որպես պատասխան, եթե խորհուրդներ հարցնեն։
• Օգտագործեք «Կիսվել խորհուրդներով» գործիքը։ Նամակագրության մեջ ընտրեք պլյուս նշանը (+), հետո՝ «Կիսվել խորհուրդներով»։ Ավելացրեք այն փորձառությունները, որոնք ցանկանում եք խորհուրդ տալ։

Գիտե՞ք մեկին, ով կարող է գերազանց փորձառություն անցկացնել։ Տրամադրեք հրավերի հղում և վաստակեք 50 ԱՄՆ դոլար (կամ տեղական արժույթով համարժեք գումար), երբ նա սկսի հյուրընկալել։*

Հրավիրված հյուրընկալողները 180 օր ժամանակ ունեն իրենց առաջին ամրագրումն ավարտելու համար։ Հրավիրված օգտատերերի էջում կարող եք հետևել, թե արդյոք նա հրապարակել է հայտարարություն կամ ունի առաջիկա ամրագրում։

Մենք պարգևն ուղղակիորեն կփոխանցենք ձեր հաշվին, երբ պահանջներին համապատասխանող հյուրընկալողը, որին հրավիրել եք, ավարտի համապատասխան ամրագրում։

*Հրավիրված օգտատերերի համար տրվող պարգևները հասանելի են միայն պահանջներին համապատասխանող վայրերում և կարգավորվում են Հյուրընկալողների հրավիրման առաջարկով և ծրագրի պայմաններով։ 180-օրյա ժամանակահատվածը սկսվում է այն պահից, երբ հյուրընկալողը ստեղծում է նոր հայտարարություն՝ օգտագործելով ձեր հրավերի հղումը։ Հայտարարությունները, որոնք ստեղծվել են՝ օգտագործելով ձեր հրավերի հղումը մինչև 2025 թ․ մարտի 17-ը, կարգավորվում են այդ հրավերների ընդունման պահին գործող պայմաններով։

Այս հոդվածում պարունակվող տեղեկությունները կարող են փոխված լինել հրապարակումից հետո։