Ինչպես սահմանել մեկ գիշերվա գինը

Որպես հյուրընկալող՝ դուք միշտ պատասխանատու եք ձեր մեկ գիշերվա գնի համար և ցանկացած պահի կարող եք փոխել այն։

Եթե չունեք մեկնարկային գին, ընդամենը մի քանի քայլով ծանոթացեք մոտակայքում գտնվող նմանատիպ տարածքների միջին գներին․

1. Օրացույցում ընտրեք որևէ ամսաթիվ կամ ժամանակահատված։

2. Հպեք կամ սեղմեք մեկ գիշերվա գինը։ Անմիջապես գնի տակ կա քարտեզի պատկերակով և «Համեմատել նմանատիպ տարածքներ» գրությամբ կոճակ։

3. Հպեք կամ սեղմեք այդ կոճակը՝ ձեր տարածքին նման այլ տարածքների միջին գների քարտեզը բացելու համար։ Քարտեզի վրա կարող եք նշել ձեր տարածաշրջանում ամրագրված կամ չամրագրված տարածքների միջին գների ցուցադրման տարբերակը։

Հիշեք, որ ձեր սահմանած մեկ գիշերվա գինը հյուրի վճարելիք ընդհանուր գումարը չէ։ Ընդհանուր գինը ստուգելու և գնի ամբողջական մանրամասները ստանալու համար՝

1. Օրացույցում ընտրեք գիշերների ցանկացած քանակ։

2. Մեկ գիշերվա գնի տակ կգտնեք «Ընդհանուր գինը հյուրի համար» կոճակը, որը ցույց կտա հյուրի՝ այդ ամրագրման համար վճարելիք ընդհանուր գինը։

3. Հպեք կամ սեղմեք այդ կոճակը՝ գնի մանրամասները բացելու համար, որտեղ նշված են մեկ գիշերվա գինը, վճարները, զեղչերը կամ հատուկ առաջարկները, հարկերը և ձեր եկամուտը։

Եթե նոր հյուրընկալող եք և ունեք քիչ կարծիքներ, սկսեք ձեր կողմնորոշիչ գնից ցածր գնով։ Նոր հայտարարության համար հատուկ առաջարկը թույլ է տալիս ամրագրումների խրախուսման նպատակով 20% զեղչ առաջարկել ձեր առաջին երեք հյուրերին։ Հյուրերը գուցե պատրաստ լինեն ավելի շատ գումար վճարել տարածքի համար, երբ այն ստանա մի քանի հիանալի կարծիք։

Ձեր հայտարարությունը հրապարակելուց հետո օրացույցում կգտնեք գնանշման բոլոր գործիքները։ Այդտեղից կարող եք ճշգրտել գները կոնկրետ ամսաթվերի համար, նկատի ունենալ զեղչեր ու հատուկ առաջարկներ և այլն։

Այս հոդվածում պարունակվող տեղեկությունները կարող են փոխված լինել հրապարակումից հետո։