Ինչպես որոշել՝ ինչպիսի տարածքում եք հյուրընկալում

Հիանալի հյուրընկալությունը սկսվում է ձեր սեփականության վերաբերյալ հստակ ակնկալիքներ սահմանելուց։ Կարող եք հյուրերին օգնել գտնել ձեր հայտարարությունը՝ նշելով, թե ինչպիսի տարածքում եք հյուրընկալում։

Այս քայլում դուք ուզում եք ընտրել սեփականության տեսակը, օրինակ՝ տուն կամ բնակարան, որը լավագույնս է նկարագրում ձեր տարածքն ընդհանուր առմամբ։ Մենք ձեզ կխնդրենք ավելի կոնկրետ լինել հաջորդ քայլում։

Ահա թե ինչպես է Airbnb-ն սահմանում սեփականության յուրաքանչյուր ընդհանուր տեսակ.

• Բնակարան․ սովորաբար գտնվում է բազմաբնակարան շենքում՝ ներառյալ կոնդոմինիումները և լոֆթերը, որտեղ ուրիշ մարդիկ էլ են բնակվում
• Տուն. առանձին կառույց, որը կարող է ընդհանուր պատեր կամ բացօթյա տարածքներ ունենալ, օրինակ՝ քաղաքային տներ և դուպլեքսներ
• Երկրորդական հարկաբաժին․ սովորաբար ընդհանուր սեփականության սահմաններում է՝ առանձին մուտքով, այդ թվում՝ հյուրատներ և հյուրերի առանձնաբաժիններ
• Յուրահատուկ տարածք. հետաքրքիր կամ ոչ սովորական կառույց, օրինակ՝ ծառի տնակ, յուրտ կամ ագարակ
• B&B. հյուրանոցային բիզնես, որը հյուրերին առաջարկում է տեղում նախաճաշել հյուրընկալողի հետ
• Բուտիկ-հյուրանոց․ հյուրանոցային բիզնես, որն ունի իրեն բնորոշ եզակի ոճ կամ թեմա

Եթե ձեր տարածքը համապատասխանում է սեփականության մեկից ավելի տեսակների, ընտրեք ձեր կարծիքով առավել ճշգրիտ տարբերակը։

Օրինակ՝ ենթադրենք, թե ձեր ետնաբակում հարմարավետ փոքրիկ ստուդիա եք առաջարկում։ Դուք կարող եք ընտրել «Երկրորդական հարկաբաժին» (հյուրատուն) կամ «Յուրահատուկ տարածք» (միկրոտնակ)՝ նայած, թե, ձեր կարծիքով, որին է այն ավելի շատ նման։

Ցանկացած տարբերակ ճիշտ է, քանի դեռ հյուրերին տալիս եք ճշգրիտ պատկերացում, թե ինչ ակնկալել ձեր տարածքն ամրագրելու դեպքում։ Մենք ձեզ կխնդրենք ավելացնել լրացուցիչ մանրամասներ, և դուք կարող եք ձեր հայտարարությունը հրապարակելուց հետո թարմացնել տարբերակները։